Qazaqstan Respýblıkasy Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń buıryǵy  №319

2015 jylǵy 11 jeltoqsan, Astana qalasy Memlekettik orman qory ýchaskelerinde aǵash kesýdiń barlyq túrine tyıym salý týraly «Qazaqstan Respýblıkasy Aýyl sharýashylyǵy mınıstrliginiń keıbir máseleleri» týraly Qazaqstan Respýblıkasy Úkimetiniń 2005 jylǵy 6 sáýirdegi № 310 qaýlysynyń 17-tarmaǵynyń 376) tarmaqshasyna sáıkes buıyramyn: 1. «Ertis ormany» memlekettik orman tabıǵı rezervaty respýblıkalyq memlekettik mekemesiniń memlekettik orman qory ýchaskelerinde aǵash kesýdiń barlyq túrine, osy Buıryq qoldanysqa engizilgen kúnnen bastap 2018 jylǵy 1 qańtarǵa deıin tyıym salynsyn. 2. «Ertis ormany» memlekettik orman tabıǵı rezervaty respýblıkalyq memlekettik mekemesiniń birinshi basshysy zańnamada belgilengen tártippen: 1) osy buıryqtyń 1-tarmaǵyn iske asyrý jóninde qajetti sharalar qabyldasyn; 2) jyl saıyn 10 maýsymǵa jáne 10 qańtarǵa Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıtetine ormandardy aǵashtyń zańsyz kesilýinen qorǵaý jóninde qabyldanǵan sharalary týraly aqparat berip tursyn. 3. Qazaqstan Respýblıkasynyń Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń Orman jáne erekshe qorǵalatyn tabıǵı aýmaqtar basqarmasy belgilengen tártippen: 1) osy buıryqty memlekettik tirkelýge Qazaqstan Respýblıkasy Ádilet mınıstrligine jibersin; 2) osy buıryq memlekettik tirkeýden ótkennen keıin kúntizbelik on kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin qamtamasyz etsin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalas­tyrylýyn qamtamasyz etsin. 4. Osy buıryq alǵash ret resmı jarııalanǵan kúninen keıin kúntizbelik on kún ótken soń qoldanysqa engiziledi. Orman sharýashylyǵy jáne janýarlar dúnıesi komıteti tóraǵasynyń mindetin atqarýshy Q.ÚSTEMIROV Buıryq Qazaqstan Respýblıkasynyń Ádilet mınıstrliginde 2016 jylǵy 12 qańtardaǵy Normatıvtik quqyqtyq kesimderdi memlekettik tirkeýdiń tizilimine №12858 bolyp engizildi.