Jyldam jetkizetin qoǵamdyq kólikter

Elordamyz búginde kórkeıip, kóz aldymyzda sáýleti men keskini jarasqan alyp shaharǵa aınaldy. San túrli qurylys nysandarymen qatar, qala halqynyń sany da kún sanap ósýde. Aımaq turǵyndarynan bólek, jyldan-jylǵa bas shaharymyzǵa san taraptan aǵylatyn qala qonaqtarynyń kelýi de edáýir jıilegen. Osyǵan oraı, elordanyń jol-kólik qozǵalysyna oń ózgerister engizilip, qoǵamdyq kólik jelileri jetilip keledi.     Aıtar bolsaq, qala ishi men qala mańyna jedel qatynaıtyn  – «Express» avtobýstarynyń iske qosylýy qalanyń qym-qýyt tirligin jeńildetýge aýqym­dy úles qosýda. Atalǵan avtobýs­tar ótken jyldyń tamyzynan bas­tap, birneshe baǵyt boıynsha óz ju­mysyn bastaǵan bolatyn. Búginde 101, 102, 103, 105 nómir­li ekspress-marshrýttary qala tur­­ǵyn­daryna kúndelikti qyzmet kórsetýde. Astana ishinde aza­mat­tardy tasymaldaý qyzmetin at­qaratyn qoǵamdyq kólikter­diń sońǵy nusqasy burynǵy­sy­na qaraǵanda, birqatar ózgeshelik­teri­men kózge túsedi. Aıaldama sany­nyń shekteýliligi, ıaǵnı belgilengen birneshe aıal­dama­larǵa ǵana qyzmet kór­setetin ekspress-marshrýttar ýaqyt jaǵy­nan turǵyndar úshin óte tıimdi bolyp tur. Ári qaty­naý qashyq­tyǵyn jeńildetip, aza­mat­tar­dyń bir ǵana kólikpen ditte­gen jerine jetýine múmkindik mol. Mysaly, 101 nómirli ekspress-marshrýty Aýdandyq aýrýhana men «Jaǵalaý» turǵyn úı kesheni aralyǵyna qatynasa, 102 nómirli marshrýt «Kóktal-2» aımaǵy men Klınıkalyq ońaltý kesheni arasyn jalǵaıdy. Al «Sharyn» bazary men «Qaraótkel-2» aýma­ǵyn qamtıtyn 103 nómirli qo­ǵamdyq kólik kóptiń suranysyn qanaǵattandyryp keledi. «Jibek joly» aýyly men «Bal bala» balabaqshasyna jol júretin 105 ekpress kóligi jas pen káriniń qajetine jarap-aq tur. Sonymen qatar, qalanyń b­iraz bó­ligin qamtyp otyrǵan «Express» qoǵamdyq kólikteri erek­­­she dı­zaı­nymen qatar, júıit­kı jó­ne­­le­tin joǵary jyldam­dy­ǵy­men jolaý­shylardyń kóńi­li­nen shyǵý­da. Tasymal kóli­gi retin­degi av­to­býs­tar arnaıy jel­det­­kish­termen jabdyqtalǵan. Jáne de áleýmettik jelilerdi te­gin paı­­dalanýǵa arnalǵan — «Wi-fi» qu­­rylǵysy da qondy­ry­lyp­ty. Sondaı-aq, mektep oqý­shy­lary men arnaıy kómek kórse­ti­le­tin turǵyndarǵa jeńildik qarastyrylǵan. Degenmen, sapasyna qaraı baǵasynyń qymbat ekendi­gin eskere ketken jón. Ádette, elor­da aýmaǵynda dittegen aıal­damańyzǵa jetip barý úshin belgilengen 90 teńge tóleıtin bolsańyz, «Express» marshrýtyna otyrǵanyńyz úshin 150 teńge shyǵyn shyǵarýyńyz qajet. Ne de bolsa, qarapaıym halyq úshin qalta kótererlik baǵa emes ekendigi aqıqat. Desek te, jurt­­shylyqtyń kóńilinen shyǵyp jatqan jańa qoǵamdyq kólik­terdiń ishi adamǵa toly. – Osy ekspress-avtobýstar iske qo­syl­ǵaly beri, ýaqytty tıimdi paı­dalanýdamyz. Al­ǵash­qyda, jolaqy qunynyń qym­battyǵyna qamy­ǵatyn edik, endi ýaqyt jaǵy­nan u­tymdylyǵy kóńilge qonymdy bo­lyp tur, – deıdi qala turǵyny Meı­ramgúl Nurtaeva. Oǵan sebep, belgili baǵytta eki avtobýspen jú­rip, eki shyǵyn shyǵarǵansha, bir ret tólep, bir kólikpen júrý­diń tıim­­diligi bolsa kerek. Alda­ǵy ýa­qyt­­tarda ekspress-avtobýs­tar­dyń sa­ny artyp, elektrondy aqy tóleý jú­ıe­sine kóshý maqsaty kóz­de­lip otyr. Bul Astana shahary­nyń jo­laý­­shy­lar­dy tasymaldaý júıe­sin­­degi eleýli jańalyqtyń biri bolmaq. Araılym TASTEMIR, Q.A.Iаsaýı atyndaǵy  halyqaralyq qazaq-túrik  ýnıversıtetiniń 2-kýrs stýdenti