Jańa zaýyt ashyldy

Jaqynda Astana qalasynda «Ipek Kagyt Sentral Azııa» túrik kompanııasy gıgıenalyq qaǵaz ónimderin shyǵaratyn jańa zaýyt ashty. Iri óndiris oshaǵynyń ashylýy elimizde jumys istep jatqan iri túrik ınvestory – Ipek Kagit kompanııasynyń Qazaqstandaǵy qyzmetine 10 jyl tolǵanyna oraılastyrylyp otyr. Elordanyń qarqyndy damý úrdisinde ınvestısııaǵa birinshi kezekte basymdyq berilip otyr­ǵan­dyǵy zańdy. Qala ekonomıkasyna tartylǵan bul ınvestısııalar az ýaqyttyń ishinde Astananyń ózin-ózi tolyq qamtamasyz etetin elimizdegi sanaýly qalalardyń qataryna kirýge múmkindik berdi. Bas qalanyń óndiristik nysandarynyń qataryna qosylǵan jańa zaýyt ta osy rette ózindik úlesimen tanylýy tıis. Jalpy aýdany 50 000 shar­shy metrdi quraıtyn jańa zaýyt­tyń quny 14 mıllıon dol­lardy quraǵan. Jobany «DAMÝ» KDQ» AQ-tyń shaǵyn jáne orta bıznes sýbekti­lerin qoldaý­ǵa ar­nal­ǵan memle­ket­tik baǵdar­lama­sy­nyń belsendi qatysýshysy – «Qazınvestbank» AQ qarjylan­dyr­dy. О́ndiristik qýaty jylyna 17000 tonna gıgıenalyq qaǵaz ónim­derin shyǵarýǵa arnalǵan jańa zaýyt «Astana – jańa qala» ar­naıy ekonomıkalyq aıma­ǵyn­da ornalasqan. Jumysyn endi bas­taıtyn óndiris ornynda elor­da­lyqtarǵa arnalǵan jańa jumys oryndary ashylýda. Jańa zaýyttyń ashylý sal­ta­natyna Túrik Respýblıka­sy­nyń Qazaqstandaǵy Tótenshe jáne ókiletti elshisi Nevzat Ýıanyk jáne Eczacıbaşı Holding Co kom­pa­nııasynyń atqarýshy vıse-prezıdenti Hakan Ýıanyk qatysty. Bul óndiris ortalyǵynyń ónimderi taıaý shetelderge, onyń ishinde Reseıge eksporttalatyn bolady. «Biz Qazaqstandaǵy 10 jyl­d­yq qyzmetimizdi eń zamanaýı zaýyt­tyń ashylýymen atap ótip otyr­ǵanymyzǵa qýanyshtymyz. Joǵary sapaly ónimniń jáne Selpak brendine ınvestısııa quıý­dyń ar­qasynda biz Qazaqstan nary­ǵyn­daǵy kóshbasshyǵa aınal­dyq.  Búgingi tańda biz búkil óńirdegi kóshbasshy bolý­dy kózdep otyrmyz. Jańa zaýyty­myz­dyń ón­diristik qýatyn eki esege art­tyrý bizge osy maqsatqa jetip, kom­pa­nııa­myz­dyń Ortalyq Azııa aýma­ǵyn­da­ǵy qyzmetin keńeıtýge múmkin­dik ber­mek», – dep atap ótti Hakan Ýıanyk. Zaýyttyń ashylý saltanatynda qonaqtar men jýrnalıster kompa­nııa­nyń Qazaqstandaǵy qyzmetimen tanysýǵa múmkindik aldy. Osy rette aıta ketetin bolsaq, Ipek Kagit kompanııasy – sanıtarlyq-gıgıe­nalyq maqsattaǵy qaǵaz ónim­derin, atap aıtqanda, Selpak, Silen, Servis, Selpak Professional jáne Marathon sekildi saýda belgilerin shyǵaratyn  eń iri túrik óndirisi bolyp tabylady. Kompanııa Eczacibaşı Group túrik kompanııalar tobynyń quramyna kiredi. Kom­pa­nııanyń brend­teri álemniń 60-tan asa elinde saýda­lanýda, sondaı-aq, qaǵazdan jasalǵan gıgıenalyq ónimderdiń ishindegi eń tanymal ári kópshiliktiń kóńilinen shyqqan birinshi oryndaǵy saýda belgileri sanalady. Ortalyq Azııada jumys júrgizý maqsatynda 2006 jyly «Ipek Kagyt Sentral Azııa» kompanııasynyń negizi qalan­dy, qazirgi tańda ol – TMD aýma­ǵyn­daǵy qaǵaz óńdeıtin eń iri zama­naýı zaýyttardyń biri bolyp otyr. Ulan SANJAR Sýrette: zaýyttyń ashylý saltanatynan kórinis