Elordalyq ájeıdiń aq tileýi

Elordadan arnaıy jumys izdep kelýshiler sany kúnnen-kúnge kóbeıýde. Olardyń alańsyz eńbek etip, Otany úshin adal qyzmet jasaýyna qol ushyn bergen qarııalarymyz, balalary­nyń janynda qara­shańyraqtyń otanasy bolyp, jastarǵa kómekte­sip otyratyn asyl analarymyz qansha ma?! Osy asyl analar­­dyń ishin­de ózime jaqyn jany jaı­­sań, kóńili ashyq aıaýly áje Baqyttile Esimqyzy Seısen­baeva­nyń el­orda týraly aı­tatyn shy­naıy pikirleri kóńil tolqyta­dy. Eli­mizdiń erteńiniń eńseli bolýyn kúnine myń márte tileıtin qazyna qarııanyń aq nıetin osy shaǵyn lebizinen aıqyn kórýge bolady. «Astana elordamyz bol­­ǵa­nyna rızamyz. N.Nazar­baevtyń arqasynda qala­­myz úlken sha­har­ǵa aınaldy. Kúnnen-kúnge ádemi ǵı­ma­rattar boı kóterip, qa­la­­myz jasyl jelekke oranýda. Bári Elbasynyń eńbegi. Zeınetaqyny der kezinde alyp otyramyz. Dári-dármegimizdi de tegin berip jatyr. Osynda kelgeli 10 jyl boldy. Úıdegi aqsaqal qaıtqan soń, balalarym osynda alyp keldi. Qazir balalarymnyń janyndamyn. Astananyń bar­lyq mártebeli jerlerine mereke kúnderi aparyp turady. Rızamyn, – dedi aıaý­ly áje aǵy­nan jarylyp. – «О́zim Uly Otan soǵysynyń bastalar tusynan, bir jyl buryn Aqmola oblysynyń Stepnıak aýylynda týdym. Baldáýren balalyq shaǵymyz bolmady dese de bolady. Sum soǵys qııan kes­ki zamannyń dámin de tatqyzdy ǵoı. Taǵdyrdyń jazýymen qyr­shynynan qıylǵan balalar, baýyrlar iz-túzsiz de joǵaldy. Ákem de solardyń qamytyn kıdi. Ákemniń beınesi jadymda joq. Maǵan Baqyttile degen esimdi ákem arnaıy qoıdyrǵan eken. Qyrǵyn soǵysta aman-saý kelýime Baqyttile bolady, aman-saý kelmesem, onda óz baqytyn ózi tilesin dep armandaǵy qııalyn ózimen birge ala ketken edi», dep. Keıin ákemniń artynan qara qaǵaz keldi. Anam qara qaǵaz keldi dep qarap otyrmady, balalardy ósirý kerek, barlyǵymyzdy beıbit kúnge aman-esen jetkizdi. Ákem áýlıe eken. Búgingi egemen elimizdiń jurtyna, jasampaz jas­taryna baqyt tileıtin ana bolsyn dep, atymdy sol kezeńde-aq Baqyttile qoıypty». «Osydan 18 jyl buryn­ǵy Astana qandaı edi? Qazir qan­daı? Bul órkenıetti elimiz­diń darqan bolashaǵyn sonaý alys­tan boljaǵan Elbasymyz­dyń qyraǵyly, bilimdarly­ǵy, myqty saıasatkerligi der edim. Bizge táýelsizdik jemisi, jeńisi ońaı kelgen joq. Osynda turyp jatqan ár qazaq jerdiń, eldiń qadirin biledi. Bilgennen keıin Qazaqstanymyz beıbit ómirde. Osy jemisti biz tarydaı shashyp almaýymyz kerek. Qazaqstanymyzdyń gúldeı jaınaı berýine biz de bar kúshimiz­di salýymyz kerek. Búgin­gi tol­qyn óskeleń urpaqqa tilerim: Bilimdi bolyńdar! Jigerli, qaı­ratty, namysty qoldan ber­meıtin, alysqa qanat qaǵyp ser­meıtin Qazaqstanymyzdyń maq­­taýly tulǵalary bolyńdar!». Osylaı tebirenip aq tilegin ar­na­ǵan anamyzdyń júzinen nur, júre­ginen tolqyǵan meıirim izin kórdim. Jastarǵa ulaǵat bolar, osyndaı asyl analarymyzdyń qatary kóp bolsa eken, laıym!.. Aq lebizdi jazyp alǵan Eýrazııa gýmanıtarlyq ınstıtýtynyń stýdenti Aıym BOLATQYZY