Qyzylordada Belgııanyń iri kólik kompanııasy zaýyt salady

Shetel kásipkerleri kóp jyldardan beri Qazaqstanǵa ınvestısııa quıýda tartynyp kele jatqan joq. Olar elimizdiń barlyq derlik aımaqtaryna kelip jatyr. Solardyń biri – Belgııanyń VanHool atty kólik kompanııasy respýblıkaǵa ınvestısııa ákelýge nıet etip otyrǵanyn bildirdi. Osy kompanııanyń dırektory Gert Van Hekke «Habar» telearnasynyń tilshisine bergen suhbatynda osyny jetkizdi. Ol óz sózinde Qazaqstanda avtobýs shyǵarý isin qolǵa alǵysy keletinin aıtty. Sonyń ishinde Qyzylorda oblysynda Qazaqstanmen birikken zaýyt salmaqshy. «Biz qazirgi zamanǵy kólik quraldaryn shyǵaryp qana qoımaı, sonymen qatar jergilikti turǵyndardy osy kásipke oqytýdy josparlap otyrmyz. Munda teń seriktester retinde bıznes júrgizgimiz keledi. Osy kezge deıin biz shyǵarǵan kólikter Eýropa men AQSh-ta tanymal bolyp keldi. Al Ortalyq Azııaǵa endi qadam basqaly otyrmyz. Birigip shyǵaratyn qazaqstandyq quraldyń álem naryǵyn jaýlap alýy úshin kúsh salamyz», - dedi ol suhbatynda. Talǵat Raıymbek. Derek, foto: Habar.