Karelııada eki qaıyq aýdarylyp, 13 bala sýǵa ketti

Reseıdiń Karelııa respýblıkasynda kóldiń ústindegi eki qaıyq aýdarylyp ketip, 13 balanyń ólimine sebepshi boldy. «Aldyn ala málimet boıynsha, kólde eki qaıyq aýdarylyp ketken. Olarda 26 adam bolǵan (eki er kisi, qalǵandary balalar). Qazir 13 balanyń sýǵa ketip qalǵany belgili boldy. 13 adamdy qutqaryp qalýdyń oraıy keldi», delingen respýblıka tótenshe jaǵdaılar mınıstrliginiń habarlamasynda. Budan buryn Karelııanyń Prıaja aýdanyndaǵy Sıamozero kólinde ústinde balalary bar qaıyqtyń aýdarylyp ketkeni habarlanǵan edi. Mınıstrliktiń málimetinshe, jeksenbi kúni demalýshylar eki qaıyqqa otyryp, Sıamozero kólinde serýen jasaǵan. Bir kezde sý aıdyny betinde qatty jel turyp, qaıyqtar shaıqatyla bastaǵan. Jaǵaǵa tek bir sal men bir qaıyq qaıtyp oralǵan. Qazir osy serýendi uıymdastyrǵan adamnyń ústinen qylmystyq is qozǵaldy. Talǵat Raıymbek. Derek, foto: Interfax.