Fýtbol. «Eýro-2016». Albanııa alǵash ret jeńiske jetti

Fýtboldan Eýropa chempıonatyna A tobynan qatysyp jatqan Albanııanyń ulttyq quramasy Rýmynııa komandasyn 1:0 esebimen utty. Bul komanda alǵashqy eki kezdesýde Fransııa men Shveısarııadan jeńilgen bolatyn. Al Rýmynııa Fransııadan utylyp, Shveısarııamen teń oınaǵan. Endi qazir Albanııada 3 upaı bosa, rýmyndarda bir ǵana upaı. Osylaı oıda joqta albandar A tobynda úshinshi orynǵa shyqty. Jalpy, Albanııa quramasy Eýro dodasynda jaqsy qyrynan kórindi. Sońǵy mınýtqa deıin oınady. Alań ıelerimen oıynda esep 1:1 bolyp turǵanda matchtyń sońǵy mınýttarynda gol jiberip aldy. Shveısarııamen matchta da sońǵy mınýtta dop jiberip, jeńilip qaldy. Bul komandanyń jarysqa psıhologııalyq daıyndyǵymen de baılanysty bolý kerek. Eger olar jınaqy oınaǵanda Vengrııa, Slovakııa, Ýels sııaqty nátıje kórsetin edi. Alaıda, Eýro dodasynda albandarda jigerli oıynshylar bolǵanymen jınaqy komanda bolmady. Albandardyń úshinshi orynnan 1/8 fınalǵa shyǵýǵa múmkindigi bar. Eger shyqsa S tobynda birinshi oryn alǵan komandamen kezdesedi. Ol Germanııa bolýy múmkin. Rýmynııa – Albanııa – 0:1 (0:1) Goldar: Sadıký 43’ – 0:1 Rýmynııa: Tatarýshaný, Sepýnarý, Grıgore, Kırıkesh, Mesel, Prepelıse (Synmertıan 46’), Hoban, Popa (Andone 68’), Stanchý, Stanký, Alıbek (Torje 57’) Albanııa: Berısha, Hıýsaı, Aıetı, Mavraı, Agolı, Abrashı, Basha (Sana 83’), Memýshaı, Lılıa, Lenıanı (Roshı 77’), Sadıký (Balaı 59’) Eskertý alǵandar: Mesel 53’, Sepýnarý 85’ — Basha 6’, Memýshaı 85’ Tóreshi: Kraloves Pavel. 19 maýsym. «Lıon stadıony» stadıony (Lıon). Dastan Kenjalın. Foto: telegraf.com.ua Vıdeo: vk.com