Júldegerlerge arnalǵan medaldar

Rıo-de-Janeıro qalasynda óte­tin Olımpııa jáne Paralım­pııa oıyndarynyń jeńimpazdary men júldegerlerine arnalǵan medaldardyń dızaıny tanystyryldy. Baspasóz konferensııasy aıa­syn­­da ótken rásimge Halyq­ara­lyq Olımpıada komıtetiniń tóraǵasy Tomas Bah qatysty. M­álimetter boıynsha, jazǵy Oıyn­darǵa barlyǵy 2488 medal daıyn­dalǵan eken. Altyn men kúmistiń sany – 812 bolsa, qola medal sany – 864. Salmaǵy 500 gramdy quraıtyn medal synapty paıdalanbaı, óndiris talaptaryna saı altynnan jasalsa, kúmis pen qolanyń 30 paıy­zy qaıta óńdelgen materıaldardan bolǵan. Al medaldar ilinetin lentalar materıalynyń jartysy qaıta óńdelgen plastıkalyq bótelkelerden daıyndalady. Baǵaly zattardy saqtaýǵa arnalǵan qaptamalar Ońtústik Amerıkada ósetin Kordııa Goelda aǵashynan jasalyp otyr. Dızaınerlerdiń ıdeıalary bo­ıyn­sha, Rıo Oıyndary medaliniń ortańǵy jaǵy jýanyraq bolady. Al júldegerdiń esimi men sport túri lazermen syrtqy shetiniń bo­ıy­na jazylady. Paralımpııa oıyndarynyń medaldaryna da ózgerister engi­ziledi. Árbir marapattyń ishinde shýly kamera bolady. Ol nashar kóretin sportshylarǵa marapattyń daýysyn estýge múmkindik beredi. Altyn medal – daýysy eń qat­tysy bolsa, qola medal – daýysy eń tómeni. Aıan ÁBDÝÁLI, «Egemen Qazaqstan»