Qazaqstan Respýblıkasy Aqparat jáne kommýnıkasııalar mınıstrliginiń buıryǵy №7

2016 jylǵy 21 maýsym, Astana qalasy Qazaqstan Respýblıkasy Aqparat jáne kommýnıkasııalar mınıstrliginiń «Ortalyq kommýnıkasııalar qyzmeti» respýblıkalyq memlekettik mekemesiniń erejesin bekitý týraly «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasy Zańynyń 35-baby 1-tarmaǵynyń 6) tarmaqshasyna jáne «Qazaqstan Respýblıkasy Aqparat jáne kommýnıkasııalar mınıstrliginiń keıbir máseleleri» Qazaqstan Respýblıkasy Úkimetiniń 2016 jylǵy 16 maýsymdaǵy №353 qaýlysyna sáıkes buıyramyn: 1. Osy buıryqqa qosymshaǵa sáıkes Qazaqstan Respýblıkasy Aqparat jáne kommýnıkasııalar mınıstrliginiń «Ortalyq kommýnıkasııalar qyzmeti» respýblıkalyq memlekettik mekemesiniń erejesi bekitilsin. 2. Qazaqstan Respýblıkasy Aqparat jáne kommýnıkasııalar mınıstrliginiń Aqparat komıteti: 1) osy buıryq bekitilgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq buıryqty bekitken kúnnen bastap kúntizbelik bes kún ishinde Qazaqstan Respýblıkasynyń normatıvtik-quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 2) osy buıryqty Qazaqstan Respýblıkasy Aqparat jáne kommýnıkasııalar mınıstrliginiń ınternet-resýrsynda jáne memlekettik organdardyń ıntranet portalynda ornalastyrýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Aqparat jáne kommýnıkasııalar vıse-mınıstrine júktelsin. 4. Osy buıryq onyń alǵashqy resmı jarııalanǵan kúninen bastap qoldanysqa engiziledi. Mınıstr D.ABAEV Qazaqstan Respýblıkasynyń Aqparat jáne kommýnıkasııalar  mınıstriniń  2016 jylǵy 21 maýsymdaǵy  №7 buıryǵymen bekitilgen Qazaqstan Respýblıkasy Aqparat jáne kommýnıkasııalar mınıstrliginiń «Ortalyq kommýnıkasııalar qyzmeti» respýblıkalyq memlekettik mekemesiniń erejesi 1. Jalpy erejeler 1. Qazaqstan Respýblıkasy Aqparat jáne kommýnıkasııalar mınıstrliginiń «Ortalyq kommýnıkasııalar qyzmeti» respýblıkalyq memlekettik mekemesi (budan ári - Mekeme) Qazaqstan Respýblıkasynyń Prezıdentine tikeleı baǵynysty jáne esep beretin ortalyq atqarýshy organdar men memlekettik organdardyń, Astana jáne Almaty qalalarynyń, oblystardyń ákimderiniń buqaralyq aqparat quraldary jumysynda memlekettik saıasatty aqparattyq súıemeldeý jónindegi fýnksııalardy júzege asyrý úshin mekememen ózara is-qımyl etý boıynsha fýnksııalardy júzege asyratyn Qazaqstan Respýblıkasy Aqparat jáne kommýnıkasııalar mınıstrliginiń vedomstvolyq uıymy bolyp tabylady. 2. Mekeme óz qyzmetinde Qazaqstan Respýblı­kasynyń Konstıtýsııasyn, Qazaqstan Respýblıkasynyń zańdaryn, Qazaqstan Respýblıkasy Prezıdentiniń jáne Úkimetiniń aktilerin, ózge de normatıvtik-quqyqtyq aktilerdi, sondaı-aq osy Erejeni basshylyqqa alady. 3. Mekeme memlekettik mekemeniń uıymdas­tyrý­shylyq-quqyqtyq nysanyndaǵy zańdy tulǵa bolyp tabylady, oqshaýlanǵan múlki, memlekettik tilde óz ataýy jazylǵan móri men mórtabandary, belgilengen úlgidegi blankileri, sondaı-aq QR zańnamasyna sáıkes qazynashylyq organdarynda esep shottary bar. 4. Mekemeniń quryltaıshysy Qazaqstan Respýblı­kasynyń Úkimeti bolyp tabylady. Mekemege qatysty memlekettik basqarýdyń tıisti salasyna basshylyq etý jónindegi ýákiletti organ Mınıstrlik bolyp tabylady. Mekemeniń múlkine qatysty respýblıkalyq menshik sýbektisi quqyǵyn Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıteti júzege asyrady. 5. Mekeme óz atynan azamattyq-quqyqtyq qatynas­tarǵa túsedi. 6. Mekeme óz quzyreti sheńberinde belgilengen zańnamalyq tártipte Mekeme basshysynyń buıryǵymen resimdeletin sheshimder qabyldaıdy. 7. Mekemeniń qurylymy men shtat sany Qazaqstan Respýblıkasy Aqparat jáne kommýnıkasııalar mınıstriniń kelisimi boıynsha Mınıstrliktiń jaýapty hatshysymen bekitiledi. 8. Mekemeniń tolyq ataýy: memlekettik tilde: tolyq - Qazaqstan Respýblıkasy Aqparat jáne kommýnıkasııalar mınıstrliginiń «Ortalyq kommýnıkasııa­lar qyzmeti» respýblıkalyq memlekettik mekemesi; qysqartylǵan - Qazaqstan Respýblıkasy Aqparat jáne kommýnıkasııalar mınıstrliginiń «Ortalyq kommýnıkasııalar qyzmeti» RMM; orys tilinde: tolyq - Respýblıkanskoe gosýdarstvennoe ýchrej­denıe «Slýjba sentralnyh kommýnıkasıı» Mınıs­terstva ınformasıı ı kommýnıkasıı Respýb­lıkı Kazahstan»; qysqartylǵan – RGÝ Slýjba sentralnyh kommýnıkasıı» Mınısterstva ınformasıı ı kommýnıkasıı Respýblıkı Kazahstan». 9. Mekemeniń ornalasqan jeri: Qazaqstan Respýblı­kasy, 010000, Astana qalasy, Esil aýdany, D. Qonaev kósh., № 4-úı. 10. Osy Ereje Mekemeniń quryltaıshy qujaty bolyp tabylady. 11. Mekemeniń qyzmetin qarjylandyrý respýblı­kalyq bıýdjetten júzege asyrylady. 12. Eger Mekemege Qazaqstan Respýblıkasynyń zańna­malyq aktilerimen kirister ákeletin qyzmetti júzege asyrý quqyǵy berilse, onda mundaı qyzmetten túsken kirister bıýdjettiń kirisine joldanady. 13. Mekeme basqadaı zańdy tulǵany qura, sondaı-aq quryltaıshysy (qatysýshysy) bola almaıdy. 14. Mekeme óz mindettemeleri boıynsha onyń ókimindegi aqshaǵa jaýap beredi. Mekemede aqsha jetkiliksiz bolǵan jaǵdaıda onyń mindettemeleri boıynsha sýbsıdııalyq jaýapkershilikti Qazaqstan Respýblıkasy artady. 15. Mekeme Qazaqstan Respýblıkasynyń aýmaǵynda fılıaldar men ókildikterge ıe bolýǵa quqyly. 2. Mekeme qyzmetiniń máni jáne maqsaty 16. Mekeme qyzmetiniń maqsaty memlekettik bılik organdarynyń jáne qoǵamnyń ózara is-qımyl etýdiń tıimdi mehanızmin qurý, sondaı-aq aqparattyq salada memlekettik organdar men buqaralyq aqparattyq quraldardyń ózara is-qımyl etýi bolyp tabylady. 17. Mekeme qyzmetiniń máni mynalar: 1) memlekettik organdardyń, ulttyq kompanııa­lardyń, memlekettik mekemelerdiń jáne buqaralyq aqparattar quraldarynyń biryńǵaı kommýnıkasııa alańyn qalyptastyrý; 2) О́ńirlik buqaralyq aqparattar quraldarymen ózara is-qımyl etý boıynsha tıimdi mehanızmderdi jasaý; 3) Memlekettik aqparattyq saıasatty júrgizýge qatysý; 4) Buqaralyq aqparattar quraldary men kommýnıkasııalar máseleleri boıynsha halyqaralyq tájirıbeni zertteý bolyp tabylady. 18. Maqsatqa jetý úshin Mekeme mynadaı qyzmet túrlerin júzege asyrady: 1) Uzaq merzimdi jáne aǵymdaǵy medıa-josparlardy ázirleýge qatysý; 2) Ár túrli salalar boıynsha aqparattyq derekter qorynyń jınaı otyryp, eldegi jáne sheteldegi aqparattyq alańnyń aǵymdaǵy jaı-kúıine taldaý júrgizýge yqpal etý; 3) Turaqty sholýlardy, anyqtamalardy jáne esep­terdi jasaı otyryp, kelip túsken aqparattardy taldaý; 4) Jınalǵan materıaldardyń negizinde aqparattyq alańdy damytýdyń taldamalyq jáne boljamdyq qujattaryn, ssenarlyq josparyn daıarlaýǵa qatysý; 5) eldegi ótkizilip jatqan reformalardy jáne basqa da strategııalyq bastamalardy aqparattyq súıemeldeý boıynsha brıfıngterdi, baspasóz-konferensııalardy uıymdastyrý; 6) memlekettik aqparattyq saıasat máseleleri bo­ıynsha apta saıynǵy, aı saıynǵy jáne jyl saıynǵy kezeńderge memlekettik organdar úshin usynymdardy ázirleýge qatysý; 7) memlekettik organdar úshin ár túrli aqparattyq oqıǵalar boıynsha aqparattyq-anyqtamalyq materıaldardy (topıkterdi) daıarlaýǵa yqpal etý; 8) memlekettik organdar úshin qysqa merzimdi, orta merzimdi jáne uzaq merzimde kezeńderge aqparattyq is-sharalardyń oqıǵalyq qataryn daıarlaýǵa qatysý; 9) buqaralyq aqparat quraldary úshin aqparattyq-taldamalyq materıaldardy daıarlaýǵa qatysý; 10) memlekettik organdar úshin ádistemelik usynym­dar men materıaldardy daıarlaýǵa qatysý; 11) óńirlik buqaralyq aqparat quraldary úshin trenıngterdi ótkizý; 12) anyqtamalyq jáne aqparattyq materıaldardy memlekettik, orys, aǵylshyn jáne basqa tilderge aýdarý; 13) óz jarǵylyq qyzmeti máseleleri boıynsha halyqaralyq konferensııalar, semınar, kórmeler jáne basqa da is-sharalardyń jumysyna qatysý; 14) mekemeniń atynan jáne óz quzyreti sheńberinde memle­kettik organdarmen, memlekettik emes uıymdar­men jáne sheteldik mekemelermen hat almasýdy júrgizý, suraý salýlardy júzege asyrý; 15) Qazaqstan Respýblıkasy zańnamasynyń talaptaryna jaýap beretin jáne mekemeniń jarǵysyna qaıshy kelmeıtin qyzmettiń basqa da túrlerin júzege asyrý. Mekemege jarǵyda bekitilgen onyń qyzmetiniń mánine jáne maqsattaryna jaýap bermeıtin qyzmetti júzege asyrýǵa, sondaı-aq mámileler jasaýǵa tyıym salynady. 3. Mekemeniń quqyqtary men mindettemeleri 19. Mekemeniń quqyqtary men mindetteri: Mekeme: 1) óz quzyreti sheginde quqyqtyq aktilerdi shyǵarýǵa, 2) Qazaqstan Respýblıkasynyń zańnamasyn jetil­dirý boıynsha usynystar engizýge; 3) Mekemeniń quzyryna kiretin máseleler boıynsha keńester, semınarlar, konferensııalar, dóńgelek ústelder, konkýrstar jáne basqa da is-sharalardy ótkizýge; 4) Qyzmettiń jetekshilik etetin baǵyttary boıynsha konsýltatıvtik-keńes organdaryn (jumys tobyn, komıssııa, keńester) qurý jóninde usynystar engizýge; 5) Qazaqstan Respýblıkasynyń qoldanystaǵy zańnamasynda kózdelgen ózge de quqyqtardy júzege asyrýǵa quqyly. Mekeme mindetine mynalar: 1) Mekemege júktelgen mindetter men fýnksııalardy iske asyrýdy qamtamasyz etý; 2) Qazaqstan Respýblıkasynyń zańnamasyn, jeke jáne zańdy tulǵalardyń quqyqtary men zańmen qorǵalatyn múddelerin saqtaý; 3) Mekemeniń quzyretine kiretin máseleler boıynsha túsiniktemeler daıarlaý; 4) Mekeme teńgeriminde turǵan memlekettik menshiktiń saqtalýyn qamtamasyz etý; 5) Qazaqstan Respýblıkasynyń zańnamasynda kózdelgen ózge de ókilettikterdi júzege asyrý kiredi. 4. Mekemeniń qyzmetin uıymdastyrý 20. Mekemeni, Mekemege júktelgen mindetterdi oryndaý jáne olarmen óz qyzmetterin júzege asyrý úshin jeke jaýapkershilikti artatyn Dırektor basqarady. 21. Mekemeniń dırektory Mınıstrmen qyzmetke taǵaıyndalady jáne qyzmetten bosatylady. 22. Dırektordyń Mınıstrdiń kelisimi boıynsha qyzmetke taǵaıyndalatyn jáne qyzmetten bosatylatyn orynbasarlary bolady. 23. Dırektor Mekemeniń jalpy qyzmetin basqarýdy júzege asyrady. Osy maqsatta Dırektor: 1) óziniń orynbasarlarynyń, qurylymdyq bólim­shelerdiń basshylary men Mekeme jumyskerleriniń mindetteri men ókilettikterin aıqyndaıdy; 2) óz quzyreti sheginde, Mekeme, onyń qurylymdyq bólimsheleriniń jumyskerlerimen oryndaý úshin mindetti buıryqtar shyǵarady jáne nusqaý beredi; 3) eńbek qatynasynyń máseleleri Mınıstrmen keli­setin jumyskerlerdi qospaǵanda, Mekemeniń jumys­kerlerin qyzmetke taǵaıyndaıdy jáne qyzmetten bosatady; 4) issapar, eńbek demalysyn berý, materıaldyq kómek kórsetý, biliktilikti daıarlaý (qaıta daıarlaý), arttyrý, marapattaý, ústem aqy tóleý jáne syıaqy berý, sondaı-aq Mekeme jumyskerleriniń tártiptik jaýapkershiligi máselelerin sheshedi; 5) zańnamaǵa sáıkes mekemeniń atynan memlekettik organdarda jáne ózge de uıymdarda ókildik etedi; 6) Mekemeniń, onyń qurylymdyq bólimsheleriniń jumyskerlerin memlekettik nagradalarmen marapattaý, olarǵa Qazaqstan Respýblıkasynyń qurmetti ataqtaryn berý týraly usynymdardy Mınıstrliktiń qaraýyna engizedi; 7) Senimhatsyz mekemeniń atynan áreket etedi; 8) Onyń quzyretine jatqyzylatyn basqa da máseleler boıynsha sheshim qabyldaıdy. Mekemeniń dırektory bolmaǵan kezde, onyń ókilettigin oryndaý qoldanystaǵy zańnamaǵa sáıkes ony aýystyratyn tulǵamen júzege asyrylady. 24. Mekeme dırektorynyń orynbasary: 1) О́z ókilettigi sheginde Mekemeniń qurylymdyq bólimsheleriniń qyzmetin úılestiredi; 2) Mekemeniń dırektorymen ózine júktelgen ózge de fýnksııalardy júzege asyrady. 25. Dırektor jáne dırektordyń orynbasarlary Mınıstrdiń, Mınıstrliktiń Jaýapty hatshynyń, jetekshilik etý Vıse-mınıstrdiń jáne Mınıstrmen usynylǵan quzyreti sheginde Mınıstrliktiń Aqparat komıteti Tóraǵasynyń bergen mindetti tapsyrmalaryn oryndaıdy. 5. Mekemeniń múlki 26. Mekeme múlki quny onyń teńgeriminde kórinetin aktıvterdi quraıdy. Mekemeniń múlki oǵan memleket bergen múlik esebinen, sondaı-aq quny Mekeme teńgeriminde kóri­netin ózge de múlik esebinen qalyptastyrylady. 27. Mekemege óz betinshe múlikti ıelikten shyǵarýǵa nemese ózge de tásilmen oǵan bekitilgen múlikke ıelik etýge, eger Qazaqstan Respýblıkasynyń zańdarymen ózgeshe belgilenbese ruqsat berilmeıdi. 6. Mekemeniń jumys tártibi 28. Mekemeniń jumys tártibi ishki eńbek tártibiniń qaǵıdalarymen belgilenedi jáne Qazaqstan Respýb­lıkasyndaǵy Eńbek zańnamasynyń normalaryna qaıshy kelmeýi tıis. 7. Mekemeni qaıta qurý jáne taratý 29. Mekemeni qaıta qurý jáne taratý Qazaqstan Respýblıkasynyń zańnamasyna sáıkes júzege asyrylady.