Aqıqattyń ashyq alańy

Qazaq ulttyq óner ýnı­versıtetiniń «Shabyt» shyǵar­mashylyq saraıynda Aq­parat jáne kommýnı­kasııa­lar mınıstri Dáýren Abaev pen Mádenıet jáne sport mınıstri Arystanbek Muhamedıulynyń jetek­shi­ligimen ótken basqosýǵa qatysýshylar jýrnalıstıka, kıno jáne televıdenıe salalaryna qajetti mamandar daıarlaýdaǵy ózekti máseleler týraly oılarymen bólisti Elimizdegi jetekshi basylymdar men otandyq telearnalar basshylarynyń, salalyq oqý oryndary rektorlary men bilikti mamandardyń oı-usynystary ortaǵa salynǵan otyrysty sóz sóılep ashqan Mádenıet jáne sport mınıstri Arystanbek Muhamedıuly mundaı kezdesý­lerdiń asa mańyzdy ekenin ataı kelip, salalyq oqý oryn­daryn­­daǵy bilim deńgeıine, jas maman­dardyń keleshekte jumys­pen qamtylý retterine qysqasha toq­talyp ótti. Aqparat jáne kommý­nı­kasııalar mınıstri Dáýren Abaev óz kezeginde tele-radıo salasy men áleýmettik jeliler damýynyń qarqyny birinshi kezekte mamandardyń kásibı bilik­tiligin arttyrýdy barynsha talap etip otyrǵanyn, sonymen qatar aqparat salasyndaǵy básekelestiktiń jalpy álem boıynsha qarqyn ala túskenin alǵa tartty. Sala basshysy ol úshin birinshi kezekte JOO-ǵa úlken jaýapkershilik júktelip otyr dedi. Málimet boıynsha elimizdegi 28 oqý ornynda jýrnalıster daıarlanady desek, shamamen bıyl 500-deı maman oqý bitirgen. Biraq sonyń ókinishke qaraı kópshiligi mamandyǵy boıynsha jumysqa ornalasa almaıtyndyǵy ashy da bolsa, aqıqat. Sondyqtan mınıstr mundaı jaǵdaı aldaǵy ýaqytta JOO-daǵy oqytý ádistemesin ózgertpeı bolmaıtynyna nazar aýdartty. Telearnalar, gazetter, ınternet-saıttar stýdent­ter­di tájirıbeden ótkizý máse­lesine jiti kóńil bólip, olar­dyń kásibı biliktiligi men sheber­ligin shyńdaýǵa jetkilikti mán berýleri kerek. Atap ótetin taǵy bir jaıt, ásirese tehnıkalyq ma­man­­­dardy daıarlaý isi óte ótkir kúıin­de qalýda. Al, telear­na­lar­­daǵy baǵdarlamalar sapasy negizinen tikeleı osyǵan táýel­­di. Mamandarǵa álemdik medıa­­na­ryqtyń talaptaryna jaýap beretin kez keldi. Bul rette elimizdiń oqý oryndarynda álem­dik deńgeıdegi arnalarda ju­mys isteýge qabiletti mamandar daıar­lanýy tıistigi sóz etildi. «Bul úshin biz óz tarapymyzdan siz­der­­­diń qoıyp otyrǵan barlyq talap­taryńyzdy eskeretin bolamyz» dedi D.Abaev. Munan keıin Qazaq ulttyq óner ýnıversıtetiniń rektory Aıman Musaqojaeva oqý or­ny­nyń jetistikteri, mate­rıal­dyq-tehnıkalyq bazanyń múmkindikteri týraly toqtalyp, keleshekte mamandyq aýqymyn munan da keńeıtýge, máselen, jýr­nalısterdi, dıktorlardy daıar­laýǵa daıyn ekendikterin jetkiz­di. 2010 jyly jańa maman­dyqtar ashyldy, atap aıtqanda, máde­­nıet­taný, ónertaný, horeo­grafııa, kes­kindeme, músin, rejıssýra (ról­dik oıyn jáne derekti kıno), ope­ratorlyq óner, ssenografııa (kıim, grım-vızaj dızaındary), kitaphana isi sııaqty shyǵarmashylyq ma­man­­dyq­tary. Sonymen qatar, ózi bas­qa­ratyn bilim ordasyn­daǵy stýdent­ter men oqytýshy-ma­man­­dar­dyń halyqaralyq báı­ge­­ler­degi júldelerin, sonyń biri, jaqynda ǵana Fransııanyń Vezýl qala­syn­da ótken HHII halyq­­ara­lyq kıno­festıvalden eki birdeı ol­jany qanjyǵasyna baılap qaıt­qan «Kıno jáne TD» kafed­rasy­nyń oqytýshysy, rejıs­ser Erlan Nurmuhambetovtiń «Jańǵaq tal» týyndysyn atap ótti. T.Júrgenov atyndaǵy Qazaq ulttyq óner akademııasynyń rektory Bıbigúl Núsipjanova sala mamandarynyń biliktilik deńgeıi týraly oılarymen bólisti. Bul rette stýdentterdiń otandyq BAQ-ta tájirıbeden ótýi durys jolǵa qoıylǵanyn, jastardyń biliktiligin arttyryp, kásibı sheberligin ushtaýda tájirıbeli mamandardyń tartylyp otyrǵanyn aıtty. Al, Qazaq ulttyq óner ýnıversıteti «Kıno jáne TD» kafedrasynyń meńgerýshisi Talǵat Taıshanov óz sózinde elimizdiń jetekshi telear­nalarynda kásibı bilimi joq mamandardyń jumys istep júr­genin, al óńirlik telear­na­lar­daǵy jaǵdaı munan da qıyn kúıde ekenin synǵa aldy. Osy oraıda kásibı bilimi joq qyz­met­kerlerdi qaıta daıarlyq­tan ótkizip, oqytýdy usyndy. Sonymen qatar, bul sala boıynsha keıbir qajet mamandardyń áli kúnge ózimizde oqytylmaı otyr­ǵanyn aıtty. T.Júrgenov atyn­daǵy Qazaq ulttyq óner aka­de­mııasy «Kıno jáne TD rejıssýrasy» kafedrasynyń meń­gerýshisi Margarıta Soloveva qashyq­tyqtan oqytý, sondaı-aq shetelderden bilikti mamandardy tartý jaıyna toqtaldy.  Bul salada kásibı biliktilikti arttyrý ınstıtýtynyń qajettigin usyndy. Mádenıet jáne sport mınıstri A.Muhamedıulynyń osy oraıdaǵy BAQ jetekshileri men bilikti mamandardyń oqý oryndarynda sheberlik-synyptaryn, leksııalaryn uıymdastyrý týraly aıtqan usynysy áriptesteri tarapynan qoldaý tapqandaı. «Qazaqstan»  RTRK» AQ bas­qar­ma tóraıymy Nurjan Muha­med­janova  bilim alýshy jas­tardyń sheberligin qalyp­tas­tyryp, tájirıbeden ótýine Ult­tyq telearnada barlyq jaǵdaılar jasalǵanyn, keleshek mamandardy kásibı turǵydan daıarlaýda eshqandaı kedergiler joqtyǵyn málimdese, «Habar agenttigi» AQ basqarma tóraıymy Almagúl  Ahmetjanova otandyq arnadan jylyna 70 stýdenttiń tájirı­be­den ótetinin, elimizdegi 5 JOO-men ózara shyǵarmashylyq baı­lanys ornatylyp, udaıy sheber­lik-synyptary ótkizilip tura­ty­nyn aıtty. Al, «Egemen Qazaq­stan»  respýblıkalyq gazeti» AQ Basqarma tóraǵasy Erkin Qydyr  búginde gazet-jýrnaldarǵa arnaıy kásibı bilimi bar tehnıkalyq qyzmetkerler, atap aıtqanda,  maketti bezendirý, dızaın salasyna bilikti mamandar aýadaı qajet, salalyq oqý oryndary aldaǵy ýaqytta osy usynys­tary­myz­dy eskerse degen oıyn bildirdi. «Kazahstanskaıa prav­da» respýblıkalyq gazeti» AQ basqarma tóraǵasy Aleksandr Tarakov  JOO stýdentteri respýb­lıka­lyq gazetterden buryn aldymen aýdandyq, óńirlik basylymdarda tájirıbe synaǵynan ótýi tıistigin, sondaı-aq aǵylshyn tilin úırený ómir talabyna aı­nala bastaǵanyn eskertti. Aqpa­rat jáne kommýnıkasııalar mı­nıstri Dáýren Abaev jıyn­dy qorytyndylaı kelip,  aıtyl­ǵan pikir-usynystardy tujy­rym­daıtyn jumys komıssııasy qurylýy kerektigin, BAQ-ta tájirıbeden ótken keleshek mamandardyń jumyspen qamtylý jaǵdaıy nazarǵa alynatynyn aıtty. Qarashash TOQSANBAI, «Egemen Qazaqstan»