Batys Qazaqstanda «Altyn belgi» ıegerleri marapattaldy

Oral qalasynyń saltanat saraıynda Batys Qazaqstan oblysynyń ákimi Altaı Kólginov oblystyń jáne Oral qalasy mektepteriniń «Altyn belgi» ıegerlerine tósbelgilerin saltanatty túrde tabys etti. Bul týraly zhaikpress.kz-ke silteme jasaǵan egemen.kz tilshisi habarlady. «Altyn belgige» úmitker 90 oqýshy óz bilimderin dáleldese, 167 túlek úzdik attestat ıegeri atandy. Bilim grantyn ıelenýge konkýrsqa qatysýǵa shekti deńgeıden óte almaǵandar sany – 436 túlek. Oblys boıynsha eń joǵary 125 baldy Qaratóbe aýdany, Qaratóbe mektep-gımnazııasynyń túlegi Aqnur Berkinova jınady. 22 túlek halyqaralyq olımpıadanyń jeńimpazdary retinde UBT-dan bosatyldy. 2016 jyly UBT-ǵa 4 514 mektep bitirýshiniń 3 322-si qatysyp, jalpy túlekterdiń 73,59 paıyzyn qurady.UBT qorytyndysy boıynsha, ortasha jınaq ball – 82,11, respýblıkalyq kórsetkish – 81,2 ball. Bıyl oblys kólemindegi 231 mektepte 4514 túlek attestattaryn alady. Temir Qusaıyn. Derek, foto: zhaikpress.kz.