Jas talapty jalaqymen yntalandyrsa...

Jastar gazeti bolǵandyqtan shyǵar, bizdiń redaksııaǵa ón­diristik is-tájirıbeden ótýge keletin stýdentter qatary óte kóp. Tipti, qaıbir jyly sonaý Astanadan bir stýdent qyz arnaıy kelip, qazaq tilin tereńirek bilý maqsatynda eki aıdaı jumys istep ketti. Qazir de redaksııamyzǵa onnan astam stýdentter kúndelikti kelip, tájirıbe jınaqtaýda. Ne­gizinen M.H. Dýlatı atyndaǵy Taraz memlekettik ýnı­ver­sı­tetiniń stýdentteri jáne L.N.Gý­mılev atyndaǵy Eýrazııa ulttyq ýnıversıtetinen kelgen bir stýdent bar. Olar osy maýsym aıy­nyń aıaǵyna deıin jumys isteıdi. Aralarynda óte belsendi, maman­dyǵyn jan-tánimen súıetin, bo­lashaǵynan úmit kúttiretin jas­tar bar. Jalpy, bul úrdis bolashaqta jýrnalıst bolsam degen jastar úshin óte paıdaly. Shynyn aıtý kerek, tájirıbeden ótýge kelgen stýdentter arasynda redaksııa men baspahanany aıyra almaıtyn, gazettiń daıyndalý, basylý úderisin múldem bilmeıtinderi de barshylyq. О́zimniń jeke pikirim, jýrnalıstıka mamandyǵyn oqytatyn oqý oryndary óz stýdentterin alǵashqy kýrstarda mindetti túrde gazette is-tájirıbeden ótýdi mindetteý kerek sııaqty. Bul telearna ujymy jas jýrnalısterge baǵyt-baǵdar bere almaıdy degen sóz emes. Telearnanyń da stýdentterdiń biliktiligin arttyrýdaǵy róli óte zor. Biraq, endi qalyptasyp ke­­le jatqan jas tilshi aqparat daıyndaýda operator, montajer, rejısserge táýeldi bolmaı, derbes jumys istep, óz oıyn, óz pikirin tııanaqtap, damytýdy úırenýi qajet. Jasyratyny joq, qazir bar­­­­lyq aqparat quraldaryn­^­da óndiristik is-tájirıbeden ótýge kelgen jastarǵa eshqandaı jal­aqy tólenbeıdi. Tipti, qalamaqy tóleı­tinderi de neken-saıaq. Bul endi óte qıyn másele. Qazir jýrnalıst mamandyǵyn daıarlaıtyn oqý oryndary kóp. Jalaqy tóleımin deseńiz, solardyń bar­lyǵy óz stýdentterin arnaıy joldamamen qaptataıyn dep otyrǵany anyq. Árıne, jalaqy tóleý stýdentterdiń qyzyǵýshylyǵyn arttyratyny sózsiz. Eki aı ishinde olar kádimgi shtattaǵy qyzmetker sııaqty eń­bek etip, osy salada kún kórip kete alatynyna senimderi bekı túser edi. Bálkim, memlekettik tapsyryspen be, álde bıýdjet arqyly bólý kerek pe, áıteýir, jyl saıyn ár redaksııada eń bolmaǵanda 4-5 stýdenttiń táji­rıbeden ótýine qarjy qaras­tyrý kerek sııaqty. Múmkin, bul qarjyny sol oqý oryndaryna bólý qajet shyǵar. Sonda sol lımıtke iligý úshin stýdentterdiń óz mamandyqtaryna degen qul­shynystary arta túser edi. Árı­ne, oqý ornynyń basshy­lyǵy ol qarjyny jýrnalıstıka salasynda talaptanyp júrgen eń úzdik stýdentterge berýi tıis. Dáýlet TО́LENDI, Jambyl oblystyq «Araı» jastar gazeti bas redak­tory­nyń orynbasary Jambyl oblysy