Foto: TVK
Budan buryn Shymkent qalasynda Lılııa Ahmetova esimdi 14 jasar mektep oqýshysynyń kenet joǵalyp ketkenin habarlaǵan edik. Endi jergilikti TVK telearnasynyń málimetinshe, sol qyz 22 maýsym kúni tabylǵan. Bul týraly aqpardy arna redaksııasyna qyzdyń anasy – Natalıa Alymova jetkizgen. Onyń telefon arqyly aıtýynsha, birneshe kún boıy polıseıler men eriktilerdi dúrliktirgen 8-synyp oqýshysy sol ýaqyttyń bárinde bir týystarynyń úıinde júripti-mis... Biraq qyzdyń eshkimmen sóıleskisi kelmeıtin kórinedi. «Bul oqıǵa týraly anyq-qanyǵyn keıin habarlaımyz», - dep jazady telearna tilshisi. Eske sala keteıik, maýsymnyń 15-ne qaraǵan túni Shymkenttegi Chapaev kentinde Lılııa Ahmetova úıden shyǵyp ketkennen qaıtap oralmaǵan. Týǵan-týystary Lılııany aldymen ózderi izdeıdi. Tabylmaǵasyn 17 maýsym kúni Ál-Farabı polısııa bólimine kelip habarlaıdy. 36 jastaǵy qala turǵynynyń aıtýynsha, 15 maýsymǵa qaraǵan túni 2002 jyly týǵan qyzy Lılııa Ahmetova qurbysynyń úıine ketip, qaıtyp oralmaǵan. Bir anyqtalǵany, jasóspirim qyz buǵan deıin de úıinen ketip júrgen eken. Baqtııar TAIJAN.
