«SESNABANK» AQ-tyń BAS KREDITTIK KELISIM JÁNE QARJYLANDYRÝ ShARTTARYNYŃ ÚLGI EREJELERI

1. Jalpy erejeler 1.1. Osy Úlgi erejeler (budan ári – Úlgi erejeler) Qazaqstan Respýblıkasy Azamattyq kodeksiniń 388-babyna sáıkes «Sesnabank» AQ Qarjylandyrý jelisin belgileıtin, Jeke tulǵa, sonyń ishinde zańdy tulǵany qurmaı kásipkerlik qyzmetpen aınalysatyn jeke tulǵalar (budan ári – JK), zańdy tulǵalar quraldaryn olarǵa sáıkes belgileıtin bas kredıttik kelisimniń (budan ári – BKK) jáne Qarjylandyrý sharttarynyń (budan ári – Bank) úlgi erejeleri bolyp tabylady. Osy Úlgi erejelerdegi jeke tulǵalar, JK, zańdy tulǵalar budan ári «Klıentter», al jeke «Klıent» dep atalady, Klıent pen Bank birge «Taraptar», al jeke «Tarap» dep atalady. 1.2. Úlgi erejeleri tolyq nemese onyń jeke bólik­teri olarǵa qatysty qoldanylmaıtyny BKK jáne/nemese Qarjylandyrý shartynda qaras­tyrylǵan jaǵdaılardy qospaǵanda Úlgi erejeleri Qarjylandyrý shartyna jáne/nemese BKK-ǵa qatysty qoldanylady jáne Qarjylandyrý sharty jáne/nemese BKK-men biryńǵaı bolyp tabylady. 1.3. Quraldardy usynýdyń Jeke sharttary Klıent pen Bank arasynda qol qoıylatyn Qarjylandyrý sharty jáne/nemese BKK-da anyqtalady. 1.4. BKK jáne/nemese Qarjylandyrý shartynda Úlgi erejelerinde qarastyrylǵan qosymsha sharttar/erejeler/quqyqtar men mindetter bolýy múmkin. Tek Klıentke qatysty qoldanylatyn ereje­lerdi qospaǵanda Úlgi erejelerinde kórsetilgen Klıentke qatysty barlyq erejeler Birlesip qaryz alýshy, Boryshker, Kepilger, Kepildik berýshilerge teń dárejede qatysty bolady. 1.5. Qarjylandyrý shartynda jáne/nemese BKK-da Úlgi erejeleriniń erejesinen aıyr­mashylyǵy bar erejeler belgilengen jaǵdaıda Qarjylandyrý sharty jáne/nemese BKK erejeleri basymdyqqa ıe bolady. 2. Termınder men anyqtamalar 2.1. Qarjylandyrý shartynda jáne/nemese BKK-da jáne/nemese Úlgi erejelerinde basqasy tikeleı aıtylmaǵan jaǵdaıda bas áripten jazylyp, Qarjylandyrý shartynda jáne/nemese BKK-da, Úlgi erejelerinde qoldanylatyn termınder men anyqtamalar kelesi maǵynaǵa ıe: Benefısıar – paıdasyna banktik kepildik nemese banktik kepilgerlik berilgen tulǵa. Jańartylý – BKK qoldanysynyń tolyq merzimi nemese BKK-da belgilengen qol­jetimdilik merzimi boıy Quraldardy berý já­ne óteý júrgi­ziletin Bereshek lımıti. Bundaı kezde Qural­dardyń óteletin bóligi qarjy­landyrý jelisi boıynsha qoldanylmaǵan lımıtti ulǵaıtady. Qarjylandyrý jelisiniń jańartylý sharttary BKK-da anyqtalady. Kepilger – usynylǵan kepildiktiń kúshimen Bank aldynda Klıenttiń mindettemelerdi oryndaýy úshin Klıentpen ortaq tolyq nemese ishinara jaýap berýge mindettenetin tulǵa. Iskerı qatynastar – Banktiń banktik qyzmetin júzege asyrý prosesinde týyndaıtyn Klıent pen Bank arasyndaǵy qatynastar. Defolt – osy Úlgi erejeleriniń 11-babynda kórsetilgen Taraptardyń erkinen tys jaǵdaılarǵa baılanysty týyndaǵan faktilerdiń bastalýy. Qarjylandyrý sharttary – banktik qaryz sharty, banktik kepildikti berý sharty jáne Taraptar arasynda jasalatyn, Quraldardy alý sharttaryn naqtylaıtyn (belgileıtin) basqa sharttar (mámileler) nemese BKK ajyramas bóligi bolyp tabylatyn Quraldardy alý ótinishi. Boryshkerler – Kelisim sheńberinde Qural­dardy alý nemese almaýyna qaramastan BKK Qosymshasyna qol qoıý nemese BKK-ǵa qosymsha kelisim jasasý arqyly Klıent úshin BKK boıyn­sha Bank aldynda ortaq tártipte jaýap berý mindettemesin ózine alǵan zańdy tulǵalar. Bundaı kezde BKK sheńberinde Quraldar zańdy tulǵalar-kompanııalar tobyna beriletin jaǵdaıda BKK boıynsha Boryshkerlerdi Banktiń ýákiletti organy anyqtaıdy. Úlgi erejelerinde kórsetilgen Klıentke qatys­ty erejelerdiń barlyǵy Boryshker BKK Qosym­shasyna nemese BKK qosymsha kelisimine qol qoıǵan jaǵdaıda boryshkerge de qatysty bolady. Bereshek – Qarjylandyrý sharttary jáne/nemese BKK-nyń talaptaryna sáıkes belgili bir kúnge Klıent Bankke tóleýi tıis, Klıent jasalǵan mámileler boıynsha alǵan transh­tar somasy (sonyń ishinde Bank úshinshi tulǵalar paıdasyna bergen, Klıent ótemegen (qaıtarmaǵan) kepildikter, akkredıtıvter somalary, sondaı-aq benefısıar talaby boıynsha Bank somany tóleý-tólemeýine qaramastan ózge somalar (syıaqy, turaqsyzdyq tólemi, komıssııalar jáne t.b.). Mátin boıynsha «Bereshek» uǵymy jekelegen Qarjylandyrý sharty boıyn­sha bereshek somasyn bildirýi múmkin. Kepilzat berýshi – BKK jáne/nemese Qar­jylandyrý sharty boıynsha óz mindettemelerin qamtamasyz etýge múlikti usynǵan Klıent nemese Klıenttiń BKK jáne/nemese Qarjylandyrý sharty boıynsha mindettemelerin oryndaýdy qamtamasyz etýge múlikti usynǵan úshinshi tulǵa. Quraldar – banktik qaryz, banktik kepildik, akkredıtıv, banktik kepilgerlik jáne qarjy quraldarynyń nemese kredıt berý formalarynyń ózge túrleri. Kross-defolt – Qarjylandyrý sharttary jáne/nemese BKK boıynsha Defolt bolý múmkindigin boljaýǵa negiz beretin jáne Bankke Defolt jarııa­laýǵa múmkindik beretin kez kelgen kelisim, Qarjylandyrý sharttary jáne/nemese BKK boıynsha Klıenttiń Bank aldyndaǵy jáne/nemese kez kelgen úshinshi tulǵalar aldyndaǵy, sonyń ishinde Klıentpen baılanysy bar úshinshi tulǵalardyń (sonyń ishinde kelesiler, biraq bularmen shektelmeı aksıonerler (qatysýshylar), atqarýshy organ nemese Klıent senimhat boıynsha ýákiletti etken ózge tulǵanyń) Bank aldyndaǵy kez kelgen ózge mindettemelerdi oryndamaý jáne/nemese tıisti túrde oryndamaý jaǵdaılary. Jańartylmaý – belgilengen lımıt jáne qoljetimdilik kezeńiniń sheginde jańartylmaý shartymen Quraldardy usyný. Qarjylandyrý jelisiniń jańartylmaýy BKK-da anyqtalady. Lımıt – Bank Klıentke usynýy múmkin, BKK-da qarastyrylǵan barlyq qarjy quraldarynyń teńgede ótelýiniń shekti somalary. Qarjylandyrý jelisi – Banktiń Klıent­­ti BKK boıynsha banktik qaryz, akkre­­dı­tıvter, banktik kepildikter jáne kre­dıt berýdiń ózge formalarynda birneshe márte qar­jylandyrýy nemese Klıentke BKK sheńberinde jasalatyn Qarjylandyrý sharttaryna sáıkes Quraldardy alý ýaqytyn ózi anyqtaýǵa múmkindik beretin osy BKK-da anyqtalǵan ýaqyt jáne lımıt sheginde Klıent paıdasyna, sonymen qatar úshinshi tulǵalardyń paıdasyna qandaı da bir qarjy qarajatyn usyný. Qamtamasyz etý – kepilzat, kepildik, ke­pil­gerlik, múlikti ustap qalý, kepilaqsha já­ne zań­namada, Qarjylandyrý shartynda jáne/nemese BKK nemese ózge sharttarda (má­milelerde), sonyń ishinde, biraq bularmen shektelmeı Banktiń úshinshi tulǵalarmen jasasqan mámilelerde qarastyrylǵan mindet­temelerdiń oryndalýyn qamtamasyz etýdiń basqa tásilderi. Derbes derekter – Qazaqstan Respýblı­kasynyń «Derbes derekter jáne olardy qorǵaý týraly» Zańynda, Banktiń ishki qujattarynda, sonyń ishinde bolashaqta týyndaıtyn, sondaı-aq olarǵa engiziletin ózgertýler jáne/nemese tolyqtyrýlarda anyqtalǵan Derbes derekter sýbektisine qatysty málimetter. Aqshamen jáne (nemese) basqa múlikpen jasalatyn kúdikti operasııa (kúdikti operasııa) – Klıenttiń operasııa jasaý úshin paıdalanylatyn aqsha jáne (nemese) ózge múlik qylmystyq áreketten túsken kiris bolyp tabylady dep ne operasııanyń ózi qylmystyq jolmen alynǵan kiristerdi zańdastyrýǵa (jylystatýǵa) nemese terrorızmdi ne ózge qylmystyq áreketti qarjylandyrýǵa baǵyttalǵan dep kúdik týyndatatyn operasııa (osyndaı operasııany jasaýǵa umtylysty, jasalý prosesindegi operasııany nemese jasalǵan operasııany qosa alǵanda); Kepilger – berilgen kepilgerliktiń kúshimen Bank aldynda Klıenttiń mindettemesin oryndaý úshin tolyq nemese ishinara ortaq jaýap berýge mindetti tulǵa. Yqtımal defolt – Defoltqa nemese Kross-defoltqa ákelýi múmkin oqıǵa nemese áreket. Kepildik zaty – aınalymnan shyǵarylǵan zattardy, kredıtordyń jeke tulǵasyna tikeleı baılanysty talaptardy, atap aıtqanda alıment, ómirge nemese densaýlyqqa keltirilgen zııandy óteý talaptary jáne zańnamalyq aktilermen basqa tulǵaǵa tabystalýy tyıym salynǵan ózge quqyqtardy qospaǵandaǵy kez kelgen múlik, sonyń ishinde zattar jáne múliktik quqyqtar (talaptar). Birlesip qaryz alýshy – Klıentpen birge Qarjylandyrý shartyna qol qoıatyn jáne Qarjylandyrý sharty boıynsha alǵan aqshany qaıtarý jáne Bereshekti, sonyń ishinde syıaqyny jáne Quraldar boıynsha ózge tólemderdi tolyq tóleý jónindegi mindettemelerdi oryndaý úshin ortaq jaýapkershiliktegi tulǵa retinde qabyl­danatyn jeke nemese zańdy tulǵa. Derbes derekter sýbektileri – jeke tul­ǵalar: Klıent, kepilzat berýshi, Qarjy­lan­dyrý sharty jáne/nemese BKK boıynsha Qamtamasyz etýdi usynǵan/usynatyn ózge jeke tulǵalar; olardyń úlestes tulǵalary; quryltaıshylar (qatysýshylar/aksıonerler), atqarýshy organnyń basshysy, zańdy tulǵa quramyna taǵaıyndalǵan nemese saılanǵan ózge tulǵalar, Klıenttiń, Birlesip qaryz alý­shynyń, kepilzat berýshiniń, Qarjylandyrý sharty jáne/nemese BKK boıynsha Qamtamasyz etýdi usynǵan/usynatyn ózge tulǵalardyń bas býhgalteri; sondaı-aq zańnama Qarjylandyrý sharty jáne/nemese BKK, jáne/nemese Bankpen jasalǵan ózge mámileler boıynsha, jáne/nemese Banktiń ishki qujattarynyń talaptaryna sáıkes jáne/nemese Qarjylandyrý sharty jáne/nemese BKK, jáne/nemese Bankpen jasalǵan ózge mámilelerdi jasasý jáne olardy oryndaýǵa baılanysty Bankke usynylýy tıis Derbes derekterdi jınaý jáne óńdeý qajettiligi týyn­daǵan/bar bolǵan kezdegi basqa jaǵdaılar; barlyq atalǵan tulǵalardyń ókilderi – barlyǵy birge jáne árqaısysy jeke. Aǵymdaǵy shot – Qarjylandyrý shartynda kórsetilgen banktik shot. Transh – Klıenttiń jazbasha ótiniminiń negizin­de Qarjylandyrý sharttaryn jasasý kezinde BKK sheńberinde usynylatyn Quraldar somasynyń bóligi (sonyń ishinde, biraq bularmen shektelmeı, Bank Klıent úshin úshinshi tulǵalar paıdasyna bergen kepildik jáne/nemese akkredıtıv). Banktiń ýákiletti organy – Qarjylandyrý jelisin jáne/nemese Quraldardy berý týraly sheshim qabyldaý úshin tıisti ókilettikteri bar Bank organy nemese tulǵasy. 3. Banktik qaryzdardy, sonyń ishinde BKK sheńberinde beriletin qaryzdardy berý sharttary Qarjylandyrý shartynda jáne/nemese BKK-da basqasy qarastyrylmasa: 3.1. О́teý tásili. Banktik qaryzdy, syıaqyny óteý, sondaı-aq banktik qaryzdy berýge jáne qyz­met kórsetýge baılanysty alynýǵa jatatyn ózge tólemderdi tóleýdi Bank Qarjylandyrý shartynda jáne Qarjylandyrý shartynyń qosymshasy bolyp tabylatyn óteý kestesinde anyqtalǵan merzimde Klıent Bankte ashqan jáne Qarjylandyrý shartynda kórsetilgen Aǵymdaǵy shottan, Aǵymdaǵy shotta aqsha bolmaǵan jaǵdaıda Klıenttiń Bankte ashqan basqa banktik shottarynan tıisti somalardy akseptsiz alý arqyly qolma-qol aqshasyz tártipte júrgizedi. Klıenttiń merzimi ótkizilgen bereshegi Klıenttiń Bankte, sondaı-aq basqa bankterde jáne/nemese Qazaqstan Respýblıkasynda banktik operasııalardyń jekelegen túrlerin júzege asyratyn ózge uıymdarda ashqan kez kelgen banktik shottarynan Qazaqstan Respýblıkasynyń zańnamasynda qarastyrylǵan tólem qujattarynyń negizinde akseptsiz tártipte alynady. Úshinshi tulǵalar, sonyń ishinde biraq bularmen shektelmeı birlesip qaryz alýshylar, kepilgerler, kepilzat berýshiler, kepildik berýshiler (olar bar bolsa) Qazaqstan Respýblıkasynyń zańnamasyna sáıkes Qar­jylandyrý sharty jáne/nemese BKK boıyn­sha Klıenttiń aqshalaı mindettemelerin oryndaýǵa quqyly. 3.2 JK, Jeke tulǵa – klıent, bereshegin óteý kezektiligi. Qarjylandyrý sharty boıynsha klıent júrgizgen tólem somasy Klıenttiń Qarjylandyrý sharty boıynsha mindettemesin oryndaý úshin jetkiliksiz bolǵan jaǵdaıda Klıent­tiń bereshegin kelesi kezektilikte óteıdi: 1) negizgi qaryz boıynsha bereshek; 2) syıaqy boıynsha bereshek; 3) turaqsyzdyq tólemi (aıyppul, ósimaqy); 4) aǵymdaǵy tólemder kezeńi úshin negizgi qaryz somasy; 5) aǵymdaǵy tólemder kezeńi úshin eseptelgen syıaqy; 6) oryndaýdy alý boıynsha Bank shyǵyndary. Merzimin ótkizýdiń 180 (júz seksen) retti kúntizbelik kúni ishinde Klıent Qarjylandyrý sharty boıynsha júrgizgen tólem somasy Klıenttiń Qarjylandyrý sharty boıynsha mindet­temesin oryndaý úshin jetkiliksiz bolǵan jaǵdaıda Klıenttiń bereshegin kelesi kezektilikte óteıdi: 1) negizgi qaryz boıynsha bereshek; 2) syıaqy boıynsha bereshek; 3) aǵymdaǵy tólemder kezeńi úshin negizgi qaryz somasy; 4) aǵymdaǵy tólemder kezeńi úshin eseptelgen syıaqy; 5) turaqsyzdyq tólemi (aıyppul, ósimaqy); 6) oryndaýdy alý boıynsha Bank shyǵyndary. 3.3. Zańdy tulǵa – klıent bereshegin óteý kezek­tiligi. Qarjylandyrý sharty boıynsha Klıent júrgizgen tólem somasy Klıenttiń Qarjylandyrý sharty boıynsha mindettemesin oryndaý úshin jetkiliksiz bolǵan jaǵdaıda, sondaı-aq Klıent bastamasymen banktik qaryzdy merziminen buryn óteý jaǵdaılarynda Klıenttiń bereshegin kelesi kezektilikte óteıdi: 1) Bank óziniń quqyqtary men múddelerin qorǵaý sharalaryn, Klıenttiń bereshegin Bankke qaıtarýdy júzege asyrý maqsatynda jumsaǵan shyǵystar; 2) komıssııalar jáne banktik qaryzǵa qyzmet kórsetý jónindegi ózge tólemder; 3) turaqsyzdyq tólemi (aıyppul, ósimaqy); 4) syıaqy boıynsha bereshek; 5) negizgi qaryz boıynsha bereshek; 6) aǵymdaǵy tólemder kezeńi úshin eseptelgen syıaqy; 7) aǵymdaǵy tólemder kezeńi úshin negizgi qaryz somasy. Klıent qarjylandyrý shartyna qol qoıýymen Qarjylandyrý sharty boıynsha merzimin ótkizý bastalǵan kezde Bank tólemge qabiletsiz Klıentke qatysty qoldanylatyn shara retinde joǵaryda kórsetilgen óteý kezektiligin ózgertýge quqyly bolýymen sózsiz kelisimin bildiredi, bundaı ózgertý Qarjylandyrý shartyn birjaqty ózgertý bolyp tabylmaıdy. Qarjylandyrý sharty boıynsha bereshekti óteý kezektiligi ózgergeni týraly Klıentke osy Úlgi erejeleriniń 13.9-tarmaǵynda qarastyrylǵan tártipte habarlanady. 3.4. Qarjylandyrý shartyna qol qoıý arqyly Taraptar syıaqy mólsherlemeleri, komıssııa­lar, Qarjylandyrý sharttary boıynsha tarıfter mólsheri jáne/nemese esepteý tártibi, sondaı-aq oǵan baılanysty áreketterdiń jáne óteý kestesiniń, sonyń ishinde Qazaqstan Respýblıkasy zańnamasynyń talaptaryn jáne osy Úlgi erejeleriniń 13.10-tarmaǵynda qarastyrylǵan tártipti eskere otyryp, Qarjylandyrý sharty­nyń qosymsha kelisimin jasasý jáne/nemese Taraptardyń ózgertilgen óteý kestesine qol qoıý arqyly jáne/nemese Qarjylandyrý shartynda jáne/nemese BKK-da jáne QR zańnamasynda qarastyrylǵan basqa tásildermen ózgerý múmkin­digin rastaıdy. 3.5. Klıent jeke tulǵa nemese JK bolyp tabylǵan jaǵdaıda Qarjylandyrý shartyna óteý kestesimen qatar belgilengen nysandaǵy Klıentke arnalǵan jadnama qosa beriledi. Klıenttiń aqshalaı mindettemeleriniń somasy (mólsheri) jáne (nemese) olardy tóleý merziminiń ózgerýine ákeletin Banktik qaryz sharttary ózgergen kezde Bank banktik qaryzdy óteýdiń jańa kestesi jáne jańa sharttar eskerilgen Klıentke arnalǵan jadnamany jasap, Klıentke beredi. 4. Banktik kepildikti, sonyń ishinde BKK sheńberinde beriletin kepildikti berý sharttary Qarjylandyrý shartynda jáne/nemese BKK-da basqasy qarastyrylmasa: 4.1. Banktik kepildik boıynsha talaptar Qarjy­landyrý shartynda kórsetilgen onyń qoldanys merziminde usynylady, bundaı merzim aıaqtalǵan kezde ol zańdyq kúshin joıady. 4.2. Banktik kepildik Qarjylandyrý shartynda qarastyrylǵan merzim aıaqtalǵan kezde, sondaı-aq Klıent Benefısıar aldyndaǵy banktik kepildikpen qamtamasyz etilgen óz mindettemelerin oryndaǵan kezde, sondaı-aq Qar­jylandyrý shartynda jáne/nemese BKK-da, banktik kepildikte nemese Qazaqstan Respýb­lıkasynyń zańnamasynda qarastyrylǵan ózge jaǵdaılarda qoldanysyn toqtatady. 4.3. (1) banktik kepildikte kórsetilgen negizder boıynsha banktik kepildik kúshine enbegen, (2) onyń kúshin merziminen buryn joıý jaǵdaıynda, sondaı-aq Klıent nemese Benefısıar bastamasymen banktik kepildik qoldanysyn merziminen buryn toqtatýdyń basqa jaǵdaılarynda Qar­jylandyrý sharty jáne/nemese BKK boıynsha buǵan deıin tólengen komıssııa somalaryn qaıtarý júrgizilmeıdi. 4.4. Banktik kepildik sharttaryn ózgertý tek (1) Klıentten banktik kepildik sharttaryn óz­ger­tý ótinishin jáne qajetti qujattardy alǵan­nan keıin jáne (2) Bank tarıfterinde bel­gi­len­gen banktik kepildik sharttaryn ózgertý úshin ko­­mıssııany tólegennen keıin júrgizilýi múmkin. 4.5. Banktik kepildik sharttaryn ózgertý úshin komıssııany Klıent Qarjylandyrý shartynyń Qosymsha kelisimine qol qoıǵan kúni tóleıdi (Aǵymdaǵy shotqa salynady). Banktik kepildikti ózgertý úshin komıssııany tóleý negizderi: 1. Banktik kepildik somasynyń ulǵaıýy; 2. Banktik kepildik somasynyń merzimin uzartý; 3. Klıent bastamasymen berilgen banktik kepil­diktiń ózge sharttaryn ózgertý. BKK jáne/nemese Qarjylandyrý shartyna qol qoıýymen Klıent banktik kepildikti sharttaryn ózgertý úshin komıssııany tóleýge sózsiz kelisimin bildiredi. 4.6. Bank banktik kepildik boıynsha mindet­temelerin oryndaǵan jaǵdaıda Klıent Bank Benefısıar paıdasyna aqsha somasyn tólegennen keıin bir jumys kúnniń ishinde Bank Benefısıar paıdasyna tólegen somadaǵy aqshany Bankke aýdarady. 4.7. Benefısıar usynǵan banktik kepildikti oryndaý týraly talap boıynsha aqsha somasy aýdarylǵanǵa deıin Bank Klıentke kelip túsken talap týraly habarlaıdy. 4.8. Qarjylandyrý shartynda kórsetilgen aǵymdaǵy shotta aqsha jetkiliksiz bolǵan jaǵdaıda aqsha túsý retine qaraı kelesi ke­zektilikte Klıent­tiń bereshegin óteýge ji­beriledi: 1) banktik kepildikke qyzmet kórsetýge baı­lanysty jáne/nemese Qarjylandyrý shar­tyn jáne/nemese BKK jáne/nemese Úlgi ere­jelerin oryndamaý/tıisti túrde oryndamaý nátıjesinde týyndaǵan Banktiń shyǵystary men zalaldarynyń somasy; 2) banktik kepildikti berý úshin komıssııa somasy; 3) banktik kepildikti paıdalaný úshin komıssııa; 4) turaqsyzdyq tóleminiń (aıyppul, ósimaqy) somasy; 5) banktik kepildik somasy. 4.9. Klıent Qarjylandyrý shartyna jáne/nemese BKK-ǵa qol qoıýymen Qarjylandyrý sharty jáne/nemese BKK boıynsha merzimin ótkizý bastalǵan kezde Bank tólemge qabiletsiz Klıentke qatysty qoldanylatyn shara retinde joǵaryda kórsetilgen óteý kezektiligin ózgertýge quqyly bolýymen sózsiz kelisimin bildiredi, bundaı ózgertý Qarjylandyrý shartyn birjaqty ózgertý bolyp tabylmaıdy. Qarjylandyrý sharty boıynsha bereshekti óteý kezektiligi ózgergeni týraly Klıentke osy Úlgi erejeleriniń 13.9-tarmaǵynda qarastyrylǵan tártipte habarlanady. 5. Klıent Qarjylandyrý sharty jáne/nemese BKK boıynsha mindettemelerin oryndamaǵan nemese tıisti túrde oryndamaǵan kezde Bank qoldanatyn sharalar Qarjylandyrý shartynda jáne/nemese BKK-da basqasy qarastyrylmasa: 5.1. Klıent Qarjylandyrý sharty jáne/nemese BKK jáne/nemese Úlgi erejeler boıyn­sha mindettemelerin oryndamaǵan jáne/nemese tıisti túrde oryndamaǵan jaǵdaıda, mindettemelerdi oryndaý merzimin ótkizý bastalǵan jaǵdaıda/banktik kepildikti alǵan jaǵdaıda Bank Klıentke Qarjylandyrý sharty jáne/nemese BKK-da kórsetilgen mekenjaıǵa/abonenttik nómirler jáne Qarjylandyrý sharty jáne/nemese BKK-da kórsetilgen, sonyń ishinde klıent jazbasha túrde/elektrondy poshta arqyly/ nemese Qarjylandyrý shartyn jáne/nemese BKK jasasqannan keıin Taraptarmen kelisilgen basqa tásilmen usynǵan basqa baılanys derekteri boıynsha jazbasha habarlamany tapsyrysty poshta arqyly/elektrondy poshtaǵa sms-habarlama jóneltý arqyly tólem jasaý/mindettemelerdi oryndaý qajettiligi jáne Klıenttiń Qarjylandyrý sharty jáne/nemese BKK jáne/nemese Úlgi erejeleri boıynsha óz mindettemelerin oryndamaý saldary týraly habarlaıdy. Klıent derektemelerdiń, sonyń ishinde BKK jáne/nemese Qarjylandyrý shartyna sáıkes Klıentke poshtalyq jáne basqa da habarlamalar joldanatyn turǵylyqty jeri/ornalasqan jeri týraly málimetterdiń ózgerýi týraly habarlamaǵan jaǵdaıda bundaı habarlamalar Klıentke joldanǵan jáne tıisti túrde alynǵan bolyp sanalyp, Banktiń tıisti habarlandyrý jónindegi mindettemelerin buzýyna Klıenttiń silteme jasaý quqyǵynan aıyrady. Habarlamada kórsetilgen talaptar qanaǵat­tandyrylmaǵan kezde Bank Qazaqstan Respýb­lıkasy zańnamasynda, Úlgi erejeler jáne/nemese Qarjylandyrý sharty jáne/nemese BKK-da qarastyrylǵan Klıent Qarjylandyrý sharty jáne/nemese BKK jáne/nemese Úlgi erejeler boıynsha mindettemelerin oryndamaǵan nemese tıisti túrde oryndamaǵan jaǵdaıdaǵy onyń quqyqtary men múddelerin qorǵaý, Klıent Bankke bereshegin qaıtarý úshin qajet jáne jetkilikti kez kelgen sharalardy, sonyń ishinde kelesilerdi, biraq bularmen shektelmeı qoldanýǵa quqyly: 1) Klıentke shara qoldanýǵa qatysty máse­leni Banktiń ýákiletti organynyń qaraýyna shyǵarýǵa quqyly. Shara qoldaný týraly sheshim qabyldaý Banktiń Ishki kredıttik saıa­saty týraly erejelerge sáıkes júzege asyrylady; 2) Banktik qaryzdy usynǵan kezde Qazaqstan Respýblıkasy Ulttyq Bankiniń normatıvtik-quqyqtyq aktisimen belgilengen tártippen Klıent­tiń talaby boıynsha ashylǵan banktik shottaryndaǵy memlekettik bıýdjetten jáne Mem­lekettik áleýmettik saqtandyrý qorynan tólenetin járdemaqy men áleýmettik tólemder túrindegi JK/Jeke tulǵa-klıenttiń alǵan aqsha­synan basqa Klıenttiń kez kelgen banktik shottaryndaǵy bar aqshany daýsyz (akseptsiz), sonyń ishinde Qazaqstan Respýblıkasynyń zańnamasyna sáıkes tólem talap-tapsyrmasyn usyný arqyly óndirip alýǵa quqyly; 3) Qarjylandyrý sharty jáne/nemese BKK jáne/nemese Úlgi erejelerdi oryndaý sharttaryn ózgertýge, Qarjylandyrý sharty boıynsha qaryz somasyn óndirip alý týraly talap aryzben júginýge, sondaı-aq sottan tys tártipte (Qazaqstan Respýblıkasynyń jyljymaıtyn múlik ıpotekasy týraly zańnamalyq aktisinde qarastyrylǵan jaǵdaılardy qospaǵanda) nemese sot tártibinde kepilge qoıylǵan múlikten aqy óndirip alýǵa quqyly. Qarjylandyrý sharty jáne/nemese BKK oryndaý sharttaryn ózgertý Qarjylandyrý sharty jáne/nemese BKK ajyramas bóligi bolyp tabylatyn qosymsha kelisiminde anyqtalatyn tásilmen jasalatyn bolady; 4) JK, zańdy tulǵa – klıentti Qazaqstan Respýb­lıkasynyń zańnamasyna sáıkes bankrot dep taný týraly talap aryzben sotqa júginýge; 5) Qarjylandyrý sharty jáne/nemese BKK boıyn­sha, óziniń qaraýynsha, Bolýy múmkin defolt, Kross-Defolt, Defolt jarııalaýǵa quqyly sonyń ishinde Kross-Defolt jarııa­lamaı (sonyń ishinde Bank banktik kepildik boıynsha tólegeni nemese benefısıar talaby boıynsha tóleıtinine qaramastan, Bank benefısıar paıdasyna bergen banktik kepildik somasyn sáıkesinshe naqty Qarjylandyrý sharty boıynsha Bereshek retinde jatqyzý arqyly); 6) Klıentke Qarjylandyrý jelisin ashqan kezde Lımıttiń nemese onyń bóliginiń qolda­nyl­­ma­ǵan somasynyń kúshi joıylǵan dep jarııa­laýǵa. 7) Banktiń osyǵan baılanysty jumsaǵan shyǵyn­darynyń barlyǵy Klıent esebine jatqyzylady. 5.2. Bank Klıenttiń negizgi beresheginiń somasyn eseptelgen syıaqymen birge jáne Qarjylandyrý sharty jáne/nemese BKK jáne/nemese Úlgi ereje­leri talaptaryna sáıkes tólenýi tıisti ózge somalardy esepteý­men birge tolyq kólemde merziminen buryn óndirip alýǵa quqyly, al eger onyń talaptary qanaǵattandyrylmasa, kepildik zatynan/qamtamasyz etýden aqy óndirip alýǵa mynadaı jaǵdaılarda quqyly (tómende kórsetilgen jaǵdaılar Klıentke qatysty qoldanylǵan kezde): 1) berilgen banktik kepildik boıynsha – Bank banktik kepildik boıynsha qandaı da bir tólemder júrgizgen jaǵdaıda; 2) mindettemelerdi oryndaýdy qamtamasyz etý aqsha bolǵan jaǵdaılardy qospaǵanda, Klıent Qamtamasyz etý shartynyń talaptaryn buzǵan jaǵdaıda; 3) eger Kepilzat berýshige/Klıentke qaldy­rylǵan nemese qamtamasyz etý joıylǵan ke­pildik zaty Kepilzat berýshi/Klıent ıeliginen Mindet­teme­lerdi qamtamasyz etý shartynyń (budan ári – Qamta­masyz etý sharty) talaptaryna sáıkespeıtin jaǵdaılarda shyqqanda; 4) Kepilzat berýshi/Klıent kepildik zatyn aýys­tyrý týraly erejeni buzǵanda; 5) Kepilzat berýshiniń/Klıenttiń basqa múlki bolmaǵan kezde Banktiń talaptarynan artyq­shylyǵy joq úshinshi tulǵalar aldyndaǵy oryndaý qujattary boıynsha Kepilzat berýshi/Klıent mindettemelerin oryndaý maqsatynda kepildik zatynan aqy óndirip alynǵanda; 6) Klıent banktik qaryzdy maqsatty paıdalaný jónindegi mindetterin oryndamaǵan kezde; 7) Klıent Banktiń banktik qaryzdy maqsatty paıdalanýyn baqylaýdy júzege asyrý múmkindigin qamtamasyz etý mindetin buzǵan kezde; 8) Klıent berilgen banktik qaryzdy/Bank banktik kepildik boıynsha tólegen somany/ basqa Qural­dardy qaıtarý jáne syıaqyny/banktik kepildikti paıdalaný úshin komıssııany tóleýdi qamtamasyz etý jónindegi mindettemelerin oryndamaǵan kezde, sondaı-aq qamtamasyz etýden aıyrylǵan kezde nemese Bank jaýap bermeıtin jaǵdaılar boıynsha onyń jaǵdaıy nasharlaǵanda; 9) Klıent negizgi qaryzdyń kezekti bóligin jáne (nemese) banktik qaryz boıynsha syı­aqyny tóleý úshin belgilengen merzimdi 40 (qyryq) kúntizbelik kúnnen artyq merzimge buzǵan kezde; 10) Kepilzat berýshi/Klıent keıingi kepilzat týraly erejeni buzǵanda; 11) Banktik kepildik qamtamasyz etýi aqsha bolǵan jaǵdaılardy qospaǵanda, Kepil­zat berýshi/Klıent kelesi mindetterdi oryn­damaǵanda: a) kepildik zatyn saqtaýdy qamtamasyz etý úshin, sonyń ishinde úshinshi tulǵalar tarapynan qolsuǵýshylyq pen talap etýden qorǵaý úshin qajetti sharalardy qoldaný; b) kepildik zatynyń zaqymdaný nemese aıy­rylý qaýpiniń týyndaýy týraly Bankke kidirtpeı habarlaý; v) kepilzat berýshidegi kepildik zatynyń bar bolýyn, mólsherin, jaǵdaıyn jáne saqtaý jaǵdaıyn qujat boıynsha jáne is júzinde Banktiń tekserýine kedergi jasamaý; 12) Banktik kepildikti berý kezinde mindette­melerdi oryndaýdy qamtamasyz etý aqsha bolǵan jaǵdaılardy qospaǵanda, Kepilzat berýshi/Klıent kepildik zatyna ıelik etý jónindegi erejelerdi buzǵanda; 13) Qazaqstan Respýblıkasynyń zańnama­synda belgilengen jaǵdaılarda, sonyń ishinde Klıent kúdikti dep klassıfıkasııalanǵan operasııany jasaǵan kezde nemese Klıent operasııalaryn Qazaqstan Respýblıkasynyń qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jónindegi zańnamasyna sáıkes toqtatylǵan kezde Klıent­pen iskerı qatynastardy toqtatqan jaǵdaıda (Úlgi erejeler jáne/nemese BKK jáne/nemese Qarjylandyrý shartyn oryndaýdan birjaq­ty bas tartý). Tólenýi tıis barlyq somalardy Klıent Banktiń osy týraly jazbasha habarlamasynda kórsetilgen merzimnen keshiktirmeı qaıtarýy tıis. 6. Taraptardyń jaýapkershiligi jáne daýlardy sheshýdiń tártibi Qarjylandyrý shartynda jáne (nemese) BKK-da basqasy qarastyrylmasa: 6.1. Úlgi erejeler, Qarjylandyrý sharty jáne/nemese BKK talaptaryn buzǵany úshin Taraptar Qazaqstan Respýblıkasy zańnamasyna, Úlgi erejeler jáne/nemese Qarjylandyrý sharty jáne/nemese BKK-ǵa sáıkes jaýapkershilikte bolady. 6.2. Negizgi qaryzdy ýaqtyly ótemeý jáne syıaqyny tólemeý úshin turaqsyzdyq tólemi (aıyppul, ósimaqy) mólsheri jáne esepteý tártibi banktik qaryzdy berý kezinde Qarjylandyrý shartynda kórsetiledi. 6.3. Klıent tómendegi óz mindettemelerin oryn­damaǵan nemese tıisti túrde oryndamaǵan jaǵdaıda Bankke mynalardy tóleýge mindet­tenedi: 1) Qarjylandyrý sharty jáne/nemese BKK-da Banktiń ýákiletti organynyń sheshimi boıyn­sha erekshe sharttar retinde (budan ári – Erekshe sharttar) kórsetilgen mindettemelerdi qospaǵanda Qarjylandyrý sharty jáne/nemese BKK jáne/nemese Úlgi erejeler boıynsha oryndalý merzimi bar mindettemeler úshin Qural somasynyń 0,01% (nól bútin júzden bir paıyz) mólsherindegi turaqsyzdyq tólemin (ósimaqyny); 2) Erekshe sharttarda kórsetilgen mindet­temelerdi qospaǵanda Qarjylandyrý sharty jáne/nemese BKK jáne/nemese Úlgi erejeler boıynsha ózge mindettemeler úshin Qural somasynyń 0,5% (nól bútin onnan bes paıyz) mólsherindegi turaqsyzdyq tólemin (aıyppuldy); 6.4. Banktik qaryzdy maqsatty paıdalanbaý jaǵdaıynda (Qarjylandyrý shartynda qaryzdy belgili bir maqsatqa paıdalaný qarastyrylsa). 7. Klıent bastamasy boıynsha banktik qaryzdy merziminen buryn ishinara óteý Qarjylandyrý shartynda jáne (nemese) BKK-da basqasy qarastyrylmasa: 7.1. Banktik qaryz somasyn merziminen buryn ishinara óteý kezinde Klıent tómendegilerdi qamtıtyn óteý kestesin tańdaıdy: 1) banktik qaryz merzimi ózgerissiz qalyp, aı saıynǵy josparly óteý somasynyń azaıýy nemese 2) aı saıynǵy josparly óteý somasynyń mólsheri buryn belgilengen aı saıynǵy tólem mólsherinen aspaıtyn somany qurap, banktik qaryz merziminiń azaıýy. Klıent qarjylandyrý shartyna jáne (nemese) BKK-ǵa qol qoıýymen banktik qaryz bóligin óteý jaǵdaıynda Bank bolashaqta usynatyn óteý kestesine sózsiz kelisetinin bildiredi. О́zgertilgen óteý kestesi burynǵy óteý kestesin almastyryp, Qarjylandyrý sharty­nyń nemese BKK-nyń ajyramas bóligi bolyp tabylady. 8. Taraptardyń quqyqtary Qarjylandyrý shartynda jáne (nemese) BKK-da basqasy qarastyrylmasa: 8.1. Tómende kórsetilgender Klıentke qatys­ty qoldanylatyndaı bolsa, Bank quqyly: 1) Qarjylandyrý shartynda jáne/nemese BKK jáne/nemese Úlgi erejelerde qarastyrylǵan somalardy tóleý merzimi bastalǵanda, sondaı-aq Quraldardy berý valıýtasynda Klıenttiń banktik shotynda aqsha joq nemese jetkiliksiz bolǵan jaǵdaıda Qarjylandyrý sharty jáne/nemese BKK jáne/nemese Úlgi erejelerge sáıkes tólenýge tıisti somalardy Klıenttiń Bankte, basqa ekinshi deńgeıli bankterde jáne/nemese Qazaqstan Respýblıkasynyń banktik operasııalardyń jeke­legen túrlerin júzege asyratyn ózge uıym­darda ashqan kez kelgen banktik shottarynan bas­qa valıýtada alý kúnine belgilengen valıýta aıyrbastaýdyń naryqtaǵy baǵamy boıynsha aıyrbastaıtyndaı etip, qoldanystaǵy tarıf bo­ıynsha aıyrbastaý úshin komıssııany ustap qa­lý­men basqa valıýtalarda akseptsiz tártippen alýǵa; 2) Qazaqstan Respýblıkasynyń zańnamasynyń talaptaryn eskerip, Klıent/kepilger/kepildik berýshiniń qarjy jaǵdaıy nasharlaǵan jaǵ­daıda Qarjylandyrý sharty jáne (nemese) BKK boıyn­sha bereshekti tolyq kólemde óndirip alýǵa merziminen buryn usynýǵa; 3) Klıentke Qarjylandyrý jelisin ashqan kezde Quraldardy berýdi toqtatýǵa (toqtata turý­ǵa) jáne/nemese Qazaqstan Respýblıkasy zańnamasynda, Qarjylandyrý sharty jáne/ne­mese BKK jáne/nemese Úlgi erejelerde qaras­­tyrylǵan jaǵdaılarda qarjylandyrýdy toqtata turýǵa (toqtatýǵa) jáne/nemese osy Úlgi erejeleriniń 5-babynda jáne Qazaqstan Res­pýb­lıkasy zańnamasynda qarastyrylǵan jaǵ­daı­larda Quraldar boıynsha tolyq Bereshek so­masyn merziminen buryn qaıtarýdy talap etýge; 4) BKK sheńberinde Lımıttiń tómendeýi jónindegi sheshimdi, osyndaı sheshimniń sebebin Klıentke túsindirmeı tóleýge qabiletsiz Klıentke qatysty qoldanylatyn shara retin­de qabyldaýǵa quqyly. Osy sheshim ony qabyldaǵan kúnnen bastap úsh jumys kúnnen keshiktirmeı Klıentke jazbasha habarlama jóneltý arqyly málimdeledi; 5) Qazaqstan Respýblıkasy zańnamasynyń talaptaryn eskerip, Úlgi erejelerinde qaras­tyrylǵan tártipte Qarjylandyrý sharty jáne/nemese BKK qoldanysynyń kez kelgen ýaqytynda, al banktik qaryz berilgen kezde Qarjylandyrý shartyna qol qoıǵan kúnnen bastap banktik qaryzdy naqty bergen kúnge deıin Qarjylandyrý sharty jáne/nemese BKK talaptaryn (sonyń ishinde syıaqy mólsherlemesi, banktik qaryz valıýtasy, banktik qaryz somasyn, syıaqyny tóleý merzimi, komıssııalar jáne banktik qaryzdy berý jáne qyzmet kórsetýge baılanysty alynýǵa jatatyn ózge tólem­der mólsheri, túrleri jáne esepteý tárti­bin) ózgertý jáne/nemese tolyqtyrýdy usynýǵa quqyly. Qarjylandyrý sharty jáne/nemese BKK jáne/nemese Úlgi erejeleri talaptaryn ózgertý jáne/nemese tolyqtyrý týraly usynys Klıentke jazbasha habarlama túrinde joldanady. Klıenttiń Qarjylandyrý sharty jáne/nemese BKK jáne/nemese Úlgi erejeleriniń jańa jáne/nemese ózgertilgen talaptaryn qabyldaýy Qarjylandyrý sharty jáne/nemese BKK-nyń qosymsha kelisimine qol qoıýy arqyly júzege asyrylady. 6) Klıent, Banktiń pikirinshe, Klıenttiń jeke qarajatynyń somasynan aıtarlyqtaı joǵary somadaǵy talap boıynsha sot isinde jaýapker (birlesip jaýapkershilikte bolý) retinde jaýapqa tartylsa jáne/nemese Klıenttiń múlkine jáne onyń banktik shotyndaǵy aqshaǵa tyıym salynsa, banktik shottar boıynsha shyǵys operasııalar toqtatylsa, múlkinen, sonyń ishinde banktik shottardaǵy aqshany óndirip alýǵa jatatyn bolsa (nemese osyndaı qaýiptiń shyn bolýy) Quraldardy/Quraldar bóligin berýdi júzege asyrmaýǵa; 7) eger Quraldardy berý kezinde Banktiń prýden­sıaldyq normatıvterdi ustaný týraly talaptaryn qosa alǵanda Qazaqstan Respýb­lıkasy zańnamasynyń talaptaryn buzýyna ákeletin bolsa, Quraldardy berýden bas tartýǵa; 8) Qazaqstan Respýblıkasynyń zańnamasyna sáıkes Klıenttiń kelisiminsiz úshinshi tul­ǵalarǵa Qarjylandyrý sharty jáne/nemese BKK boıynsha Klıentke beriletin kez kelgen quqyqtardy (talaptardy) tabystaýdy jasaýǵa quqyly, buǵan Klıent Qarjylandyrý sharty jáne/nemese BKK-ǵa qol qoıýymen óziniń sózsiz jáne qaıtaryp alynbaıtyn kelisimin beredi. Klıent Qarjylandyrý sharty jáne/nemese BKK-ǵa qol qoıýymen úshinshi tulǵanyń tulǵasy Klıent úshin asa mańyzdy emestigin rastaıdy; 9) Klıent óz mindettemelerin oryndamaǵan nemese tıisti túrde oryndamaǵan jaǵdaıda Bank Qarjylandyrý sharty jáne/nemese BKK boıynsha osy Úlgi erejeleriniń 12-baby, 13.5 tarmaǵynyń negizinde Klıenttiń bank qupııasyn úshinshi tulǵaǵa jarııalaý quqyǵyna ıe bolady; 10) Klıenttiń/Kepilgerdiń/Kepildik berýshiniń qarjy jaǵdaıyn, ony/olardyń damý perspektıvasyn anyqtaý úshin, Úlgi erejeleriniń 9.2. tarmaǵynda kórsetilgen qarjy eseptemesin qosa alǵanda kez kelgen aqparatty talap etýge, sondaı-aq keplidik zatynyń bar bolýyn, qoldanylýyn, saqtalýyn jáne jaǵdaıy men ony ustaý jaǵdaılaryn tekserýge, banktik qaryzdyń maqsatty paıdalanýyn tekserý úshin kez kelgen aqparatty talap etýge quqyly, al Klıent buǵan járdemdesýge mindetti; 11) Qarjylandyrý sharty jáne/nemese BKK jasasqannan keıin osy Úlgi erejeleriniń 9.2. tarmaǵynyń 12) tarmaqshasynda kórsetilgen jaǵdaılar týraly aqparat paıda bolǵan jaǵdaıda Klıentten qosymsha qamtamasyz etýdi nemese Bank belgilegen mólsherde já­ne merzimde Bank talaptarynyń bóligin oryndaýyn talap etýge, sondaı-aq Quraldardy berýdi toqtata turýǵa; 12) Klıent osy Úlgi erejeleriniń 8.1. tarma­ǵynyń 11) tarmaqshasyndaǵy talaptar men 9.2. tarmaǵynyń 12) tarmaqshasynda kórse­tilgen mindettemelerdi oryndamaǵan jaǵdaıda Quraldardy usynýdan bas tartýǵa; 13) Qarjylandyrý sharty jáne/nemese BKK boıynsha mindettemelerdi oryndaýda usynylatyn qamtamasyz etý ishinara nemese tolyq joıylǵan jaǵdaıda (osyndaı qaýiptiń týyndaýy), sondaı-aq kepildik zaty Klıenttiń nemese kepilzat ustaýshynyń ıeliginen shyǵyp qalsa, táýelsiz baǵalaýshy esebiniń negizinde anyqtalǵan qamtamasyz etý quny 10% (on paıyz) jáne odan artyq tómendegen jaǵdaıda Klıentten Bank qajet, qolaıly jáne jetkilikti dep sanaıtyn forma men kólemde Qarjylandyrý sharty jáne/nemese BKK boıynsha mindettemelerdi oryndaýda qosymsha kepildik usynýyn talap etýge; 14) Banktiń qarjylandyrý baǵdarlamasynda kepildik zatyn Klıenttiń saqtandyrýy qaras­tyrylǵan jaǵdaıda, Saqtandyrý sharty tolyq merzimge jasalatyn jaǵdaılardy qospaǵanda Klıent saqtandyrý shartynyń merzimin uzartý talabyn buzǵan kezde Qarjylandyrý shartynda anyqtalǵan mólsherdegi turaqsyzdyq tólemin (ósimaqyny) óndirip alýǵa; 15) Banktiń qarjylandyrý baǵdarlamasynda kepildik zatyn saqtandyrý qarastyrylǵan jaǵdaıda, saqtandyrý sharty boıynsha paıda alýshy retindegi Bankke tıesili jáne Klıenttiń Qarjylandyrý sharty jáne/nemese BKK boıyn­sha bereshek somasyn óteýge jóneltilgen saqtandyrý tólemi bereshektiń tolyq somasyn ótemegen kezde Klıentten bereshektiń qalǵan somasyn óz qarajatynyń esebinen óteýdi talap etýge; 16) Klıentten, barlyq Birlesip qaryz alýshylardan (bolǵan kezde), sonymen qatar olardyń kez kelgeninen jeke Qarjylandyrý sharty jáne/nemese BKK boıynsha bereshekti tolyq ne ishinara qaıtarýdy talap etýge quqyly. Bank Birlesip qaryz alýshylardyń birinen jáne/nemese Klıentten tolyq qanaǵattanbasa alynbaǵan bólikti qalǵan Birlesip qaryz alýshylardan, Klıentten talap etýge quqyly; 17) Qarjylandyrý sharty jáne/nemese BKK jasasqanǵa deıin jáne Banktiń qalaýynsha kez kelgen ýaqytta Klıenttiń qarjy jaǵdaıyn jáne Quraldardyń qamtamasyz etilýin tekserýge; 18) banktik qaryzdy berý kezinde: a) zańnamada, Qarjylandyrý sharty jáne/nemese BKK jáne/nemese Úlgi erejelerinde qaras­tyrylǵan jaǵdaılarda Qarjylandyrý sharty jáne/nemese BKK jáne/nemese Úlgi erejeleriniń talaptaryn birjaqty tártipte Klıent úshin jaqsartý jaǵyna qaraı ózgertýge; b) Klıent banktik qaryzdyń kezekti bóligin qaıtarý jáne (nemese) syıaqyny tóleý úshin belgilengen merzimdi qyryq kúntizbelik kúnnen artyq merzimge buzǵan kezde banktik qaryz jáne ol boıynsha syıaqy somasyn merziminen buryn qaıtarýdy talap etýge; v) Qarjylandyrý sharty jáne/nemese BKK-ǵa sáıkes tólenýge tıisti somalardy óteý merzimi bastal­ǵan kezde, sondaı-aq Bankte Qarjylandyrý sharty jáne/nemese BKK jáne/nemese Úlgi erejelerinde qarastyrylǵan somalardy tóleýdi talap etý quqyǵy týyndaǵan jaǵdaıda, JK, jeke tulǵa-klıent Qazaqstan Respýblıkasy Ulttyq Bankiniń normatıvtik quqyqtyq aktisimen belgilengen tártippen Klıenttiń talaby boıynsha ashylǵan banktik shottaryndaǵy memlekettik bıýdjetten jáne Memlekettik áleýmettik saqta