Foto: Vıdeokadr
Tergeý barysy qalaı júrip jatyr?
Atalǵan jaǵdaıǵa baılanysty mınıstrdiń tapsyrmasymen óńirge elordadan arnaıy komıssııa kelýi tıis. Alaıda jergilikti atqarýshy organdar jasóspirimge qatysty býllıng deregi ázirge rastalmaǵanyn málimdedi.
«Býllıng faktisi naqty dáleldengen joq. Qazir tergeý amaldary júrgizilip jatyr. Tekserý basqa synyptyń 4 oqýshysyna qatysty. Olar úzilis kezinde jasóspirimmen sóılesý úshin kelgen. Ol jerde naqty ne bolǵanyn tergeý anyqtaıdy», dedi Atyraý oblysy bilim basqarmasynyń basshysy Marat Abýov.
Áleýmettik jelidegi vıdeo jáne quqyqtyq baǵa
Oqıǵadan keıin áleýmettik jelilerde mektep dálizinde balta ustap júgirgen oqýshynyń beınejazbasy tarady. Kadrlardan onyń ózge bir oqýshyny qýa jónelgeni, álgi qashqan balanyń synyptardyń birine kirip, esikti ishten jaýyp alǵany anyq kórinedi.
Qulsaryda mektepke baltamen kelgen 10-synyp oqýshysy qamaýǵa alyndy
Polısııanyń málimetinshe, 10-synyp oqýshysy qatarlastarymen bolǵan janjaldan keıin shabýyl jasap, keıin mektep aýmaǵynan shyǵyp ketken. Basqa oqýshylarǵa zııan keltirmegen. Jasóspirim sol kúni ustalyp, ýaqytsha ustaý ızolıatoryna qamaldy. Atalǵan derek boıynsha buzaqylyq faktisimen qylmystyq is qozǵalyp, materıaldar kámeletke tolmaǵandar isi jónindegi komıssııaǵa joldanǵan.
Oqýshy synyptasyna balta ala júgirgen: Qulsarydaǵy mekteptiń dırektory qyzmetinen bosatyldy
Mektep basshylyǵy jáne mınıstr pikiri
Oqıǵadan soń mektep dırektory qatań sógis alyp, óz erkimen qyzmetinen ketkeni belgili boldy. Bul jaıtqa Oqý-aǵartý mınıstri Juldyz Súleımenova da nazar aýdaryp, jaýapkershilikti tek mektep dırektoryna júkteý durys emes ekenin aıtty.
«Eger oqý jylynyń ortasynda osyndaı jaǵdaılar týyndaǵan saıyn mektep dırektorlaryn qyzmetten bosata bersek, bul laýazymǵa kelgisi keletin adam qalmaýy múmkin. Mundaı kúrdeli máseleler úshin jaýapkershilik bir ǵana dırektorǵa artylmaýy tıis», dedi mınıstr.
Qazirgi ýaqytta atalǵan is boıynsha tergeý amaldary jalǵasyp jatyr.
Oqý-aǵartý mınıstri: Býllıng úshin dırektordy jumystan bosatý orynsyz
