Bıyl Qazaqstan quramasy para shańǵy jarysy men para bıatlon boıynsha baq synaıdy. El namysyn halyqaralyq arenada jeti sportshy qorǵaıdy: Erbol Hamıtov, Aleksandr Gerlıs, Iýrıı Berezın, Vladıslav Kobal, Sergeı Ýsolsev, Anna Gracheva jáne Nurlan Alımov.
Quramadaǵy eń jas sportshy – 17 jastaǵy Vladıslav Kobal. Al eń tájirıbeli ári jasy úlken qatysýshy – 51 jastaǵy Sergeı Ýsolsev, ol para shańǵy jáne para bıatlonnan óner kórsetedi.
Tájirıbeli sportshylardyń biri Aleksandr Gerlıs 2022 jylǵy Beıjiń Paralımpıadasynda para bıatlonnan qola júlde ıelengen. Sondaı-aq ol 2018 jylǵy Phıonchhan oıyndarynda para shańǵy jarysynan úzdik tórttikke engen.
Quramanyń kóshbasshylarynyń biri Erbol Hamıtov – álem chempıonattarynyń júldegeri jáne Álem kýbogi kezeńderiniń birneshe dúrkin jeńimpazy. 2022-2023 jylǵy maýsymda ol para shańǵydan álem chempıony atanyp, Qazaqstan tarıhynda mundaı jetistikke jetken alǵashqy para sportshy boldy. Al 2024-2025 jylǵy maýsym qorytyndysy boıynsha para bıatlonnan Álem kýboginiń jalpy esebinde top jaryp, 31 jyldan keıin elge Hrýstal globýsty qaıtardy.
Qazaqstan quramasynyń qysqy Olımpıadadaǵy joly: Jyldar men nátıjeler
Aldaǵy oıyndarǵa álemniń 600-den astam sportshysy qatysyp, 79 medal jıyntyǵy sarapqa salynady. Bıylǵy doda qysqy Paralımpıada qozǵalysynyń 50 jyldyǵymen tuspa-tus kelip otyr. Aıta keteıik, alǵashqy qysqy Paralımpıada 1976 jyly Shvesııanyń Ernshıoldsvık qalasynda ótken.
