© REUTERS / Evelyn Hockstein
«Biz tórt-bes aptaǵa josparlap otyrmyz. Bul biz úshin qıyndyq týǵyzbaıdy», dedi Donald Tramp AQSh pen Izraıldiń Iranǵa qarsy áreketteri qansha ýaqytqa jalǵasýy múmkin degen suraqqa jaýap bere otyryp.
Sonymen qatar ol Daily Mail gazetine bergen suhbatynda Iranǵa qarsy operasııa «tórt aptaǵa jetpeı aıaqtalýy da múmkin» ekenin aıtqan. Basylymnyń jazýynsha, Aq úı basshysy kelissózderge jol áli de ashyq ekenin joqqa shyǵarmaǵanymen, «sóılesý kerek ýaqyt ótken aptada bolǵanyn» atap ótken. Degenmen Tramp Tegeran AQSh-tyń talaptaryn «qanaǵattandyrsa», soqqylardy ýaqytsha toqtatýǵa múmkindik bar ekenin de meńzegen.
AQSh prezıdenti budan bólek beıneúndeý jarııalap, amerıkalyq shabýyldardan keıin qarýyn tastamaǵan ırandyq kúshtik qurylymdar men áskerı bólimderdi ólim kútip turǵanyn eskertti.
«Men taǵy da Islam revolıýsııasy saqshylar korpýsyn, Iran armııasy men polısııasyn qarýlaryn tapsyrýǵa shaqyramyn. Sonda tolyq ımmýnıtetke ıe bolady, bolmasa sózsiz ólimge ushyraıdy. О́lim naqty bolady, ári ol jaǵymdy bolmaıdy», dedi Donald Tramp.
Sondaı-aq ol Iran halqyna úndeý jasap, qazirgi sátti paıdalaný qajet ekenin aıtty. AQSh prezıdenti bul arqyly el azamattaryna bergen ýádesin oryndaǵanyn alǵa tartty.
«Qalǵany ózderińizge baılanysty. Biz kómektesý úshin sizdermen birge bolamyz», dedi Tramp.
Aıta keteıik, 28 aqpan, senbi kúni AQSh pen Izraıl Iranǵa qarsy aýqymdy áskerı operasııa bastaǵan. Tel-Avıv bıligi soqqylardyń negizgi maqsaty – Tegerannyń ıadrolyq qarýǵa qol jetkizýine jol bermeý ekenin málimdedi. Al Donald Tramp Irannyń áskerı floty men qorǵanys ónerkásibin joıý nıetin jarııalap, el azamattaryn bılikti qulatýǵa úndedi.
Jeksenbige qaraǵan túni Iran bıligi eldiń rýhanı kósemi Álı Hameneıdiń qaza tapqanyn habarlady. Aqparatqa sáıkes, AQSh pen Izraıldiń soqqylary saldarynan Aıatollanyń qyzy, kúıeý balasy, nemeresi men kelini de mert bolǵan.
Iranda Alı Hameneıdiń ornyna ýaqytsha kóshbasshy taǵaıyndaldy
Buqaralyq aqparat quraldarynyń málimetinshe, zymyran soqqylary tek áskerı nysandardy ǵana emes, Iran aýmaǵyndaǵy jáne óńirdiń ózge elderindegi azamattyq ınfraqurylymdy da qamtyǵan. Buǵan jaýap retinde Tegeran Izraıl aýmaǵyna, sondaı-aq Taıaý Shyǵysta ornalasqan amerıkalyq áskerı bazalarǵa shabýyl jasap jatyr.
