Foto: egemen.kz/Erlan Omar
Ulttyq bank málimetinshe, aqpan aıynda Ulttyq qordan 400 mln dollarynda valıýta satylǵan, bul óz kezeginde respýblıkalyq bıýdjetke transfert bólýdi qamtamasyz etýge múmkindik bergen. Ulttyq qordan satý úlesi jalpy saýda-sattyq kóleminiń 6%-y bolyp, kúnine 20 mln dollardan aspaǵan.
Qazaqstan syrtqy saýdada rekordtyq taýar aınalymy kórsetkishine jetti
«Kútiletin fıskaldyq túsimderdi eskergende, Úkimettiń aldyn ala boljamdy ótinimderi boıynsha naýryz aıynda respýblıkalyq bıýdjetke transfert bólýge Ulttyq bank Ulttyq qordan 400 mln dollardan 500 mln dollarǵa deıingi mólsherde valıýta satylady dep boljaıdy», delingen Ulttyq bank habarlamasynda.
Aqpan aıynda «aınalaý» operasııalary aıasynda 350 mlrd teńge alyndy. Naýryz aıynda osy maqsat úshin 350 mlrd teńge balamasynda valıýta satý boljanǵan.
Ulttyq qordyń qarajatymen operasııalar júrgizý kezinde, sondaı-aq «aınalaý» tetigin iske asyrý kezinde Ulttyq bank naryqtyq beıtaraptyq qaǵıdatyn ustanady, bul shetel valıýtasyn turaqty jáne birkelki satýdy bildiredi.
Ulttyq bank aqpanda valıýtalyq ıntervensııa júrgizbegenin de málimdedi.
«О́tken aıdyń qorytyndysy boıynsha kvazımemlekettik sektor sýbektilerinde valıýtalyq túsimniń bir bóligin mindetti túrde satý normasy aıasynda valıýta túsimin satý kólemi shamamen 284 mln dollardy qurady. Osyǵan deıingi josparǵa sáıkes, BJZQ valıýtalyq aktıvteriniń úlesi 40%-dan asatynyn eskergende, Ulttyq bank aqpan aıynda zeınetaqy aktıvteriniń ınvestısııalyq portfeline dollar satyp almady. Naýryzda da valıýta satyp alýǵa qatysty jospar joq», delingen habarlamada.
Ulttyq bank: Bıznes rýbl men dollardyń aýytqýyna táýeldilikti tómendetedi
Ashyqtyq qaǵıdaty aıasynda Ulttyq bank valıýta naryǵynda júrgiziletin operasııalar týraly aqparatty tolyq ashyp kórsetýdi jalǵastyrmaq.
