Foto: apostrof
Aýa temperatýrasy respýblıkanyń basym bóliginde klımattyq normadan shamamen 1°S joǵary, al ońtústik-shyǵys bóliginde normaǵa jýyq bolady (Jetisý oblysynyń basym bóliginde, Almaty jáne Shyǵys Qazaqstan oblystarynyń ońtústik-shyǵys jartysynda, Abaı oblysynyń qıyr ońtústik-shyǵysynda).
Jaýyn-shashyn mólsheri respýblıkanyń basym bóliginde normadan kóp, al Aqtóbe, Ulytaý oblystarynda, Mańǵystaý, Qostanaı, Aqmola, Qaraǵandy, Qyzylorda oblystarynyń basym bóliginde, Batys Qazaqstan men Atyraý oblystarynyń shyǵysynda, Túrkistan jáne Jambyl oblystarynyń soltústiginde normaǵa jýyq bolady dep boljanady.
Aı boıy elimizde aýa raıy qubylmaly bolady. Keı kúnderi eldiń soltústik jartysynda qar, batys jáne ońtústik jartysynda jańbyr jáne qar aralas jańbyr jaýady. Jel kúsheıip, álsin boran soǵyp, tuman jáne kóktaıǵaq bolýy da yqtımal.
Naýryz aıynyń birinshi jartysynda aıazdy kúnder men jyly aýa raıy qatar bolady.
Boljamdar naqtylana túspek: «Qazgıdromet» sýperkompıýterdi paıdalana bastady
«Elimizdiń soltústik, shyǵys jáne ortalyq óńirlerinde naýryz «qystyń jalǵasy» bolyp sanalady. Sondyqtan qysqa tán sýyq aýa raıy, qar jaýýy, boran, jıi kóktaıǵaq pen tuman kútiledi. Degenmen keıbir kúnderi kóktemniń lebi seziledi. Birinshi onkúndikte túngi temperatýra -28-38°S-tan -5-10°S-qa deıin, kúndiz -10-20°S-tan 0-8°S-qa deıin birtindep joǵarylaıdy. Onkúndiktiń sońynda temperatýra qaıta tómendeıdi. Batys óńirlerde de naýryz aıy qubylmaly, kóktemge tán ózgermeli bolady. Aı boıy sýytý men jylyný kezeńderi almasyp otyrady. Birinshi onkúndikte túnde -5-15°S-tan 0-5°S-qa deıin, kúndiz 0-8°S-tan -3+7°S-qa deıin aýytqıdy. Ońtústik jartysynda birinshi onkúndikte túngi temperatýra -8+2°S-qa deıin, kúndiz +5+15°S-qa deıin birtindep joǵarylaıdy», delingen «Qazgıdromet» habarlamasynda.
Qańtar aıynda 51 jyl boıy saqtalǵan temperatýralyq rekord jańardy
Aıdyń ekinshi jáne úshinshi onkúndikterinde soltústik, ortalyq jáne shyǵys óńirlerde túnde -3+2°S-tan -8-15°S-qa deıin, keı jerlerde -20-25°S-qa deıin, kúndiz +5+13°S-tan 0-8°S-qa deıin aýytqýy boljanǵan. Ońtústik-batys jáne ońtústik óńirlerde keı kúnderi kúndiz +13+22°S-qa deıin, al qıyr ońtústikte +27°S-qa deıin jylynady. Antısıklon yqpalymen qysqa merzimdi sýyq tolqyndary da bolýy múmkin.
