Kollajdy jasaǵan – Amangeldi Qııas, «EQ»
Bolys Sábıtbek Almatydaǵy ál-Farabı atyndaǵy Qazaq ulttyq ýnıversıtetinde bakalavrıat pen doktorantýra boıynsha bilim alǵan. Magıstratýrany «Halyqaralyq baǵdarlamalar ortalyǵy «Bolashaq» baǵdarlamasy arqyly AQSh-ta támamdaǵan. 24.kz málimetinshe, ol keıin Londonda, Queen Mary University of London ýnıversıtetinde qyzmet etip, qundy kásibı tájirıbe jınaqtaǵan. Búginde ol álemdegi jetekshi zertteý oqý oryndarynyń biri sanalatyn Gent ýnıversıtetinde ǵylymı qyzmetker bolyp eńbek etip júr.
Otandasymyz qazir gıperbolalyq teńdeýler men qatar jasandy ıntellektiniń negizinde jatqan formýlalar, modelder men esepteý ádisterin zerdelep júr. Bolys Sábıtbek ázirge tolyq zerttelmegen neırojeli algorıtmderiniń qalaı jumys isteıtinin matematıkalyq turǵydan dáleldeýge kúsh salady. О́z kezeginde ýnıversıtet basshylyǵy onyń ǵylymı izdenisterin qoldap otyr.
«О́tken jyly jumys saparymen Qazaqstanǵa alǵash ret barǵanymda bilim berý júıesiniń damý qarqyny meni tańǵaldyrdy. Biz Qazaqstan ýnıversıtetterimen yntymaqtastyqty nyǵaıtýǵa múddelimiz. Qazirdiń ózinde birqatar joǵary oqý oryndarymen uzaq merzimdi áriptestik ornatylǵan. Bizdiń professorlar Qazaqstanǵa turaqty túrde baryp turady. Aıta ketý kerek, Gent ýnıversıteti tek akademııalyq almasýmen shektelmeıdi, sonymen qatar bıotehnologııa, aýyl sharýashylyǵy, jasandy ıntellekt jáne sıfrlandyrý salalarynda birlesken ǵylymı jobalarǵa qyzyǵýshylyq tanytyp otyr», deıdi Gent ýnıversıtetiniń rektory Petra de Sýtter.
Qazir Bolyspen birge Gentte taǵy elimizdiń eki ǵalymy taǵylymdamadan ótip jatyr. Olar eldiń aýyl sharýashylyǵy salasyna robototehnıka men jasandy ıntellektini engizýdi josparlap otyr. Bolys Sábıtbek bolashaqta halyqaralyq deńgeıdegi jeke matematıkalyq zerthana qurý úshin elge oralýdy kózdeıdi.
Qysqy jýrnalıstıka mektebi: JI quraldarynyń jýrnalıstıkadaǵy róli qandaı?
