Mıllıonynshy mıllıonynshyny quttyqtady

Jaqynda ǵana elordada mıllıonynshy bolyp týǵan Saıda esimdi sábıdi Almaty qalasynyń mıllıonynshy turǵyny Baýyrjan Dáýletuly quttyqtady. – Saıda bul ómirdegi eń baqytty, aqyly kórkine saı sulý qyz bolsyn dep tileımin! Kishkentaı balapan kópshilikke úlgili azamatsha bolady degen úmittemin, – dedi Almaty qalasynyń turǵyny. Baýyrjan 1981 jyly 19 jel­toqsanda týǵan. Sol tusta oǵan «Almaty qalasynyń mıllıonynshy turǵyny» degen alqa taǵylyp, qalanyń sımvoldyq kilti tabys etilgen. Mundaı qýanyshty jaǵdaıǵa baılanysty dańqty batyr Baýyrjan Momyshuly batasyn bergen eken. – Baýyrjan dep atyn qoıǵan sábıge batamdy beremin. Deni saý jigit bolyp, eliniń maqtanyshyna aınalsyn! – degen edi batyr. – Eshqandaı ereksheligim joq, qarapaıym jigitpin. Meni súıikti qalamnyń mıllıonynshy turǵyny retinde emes, osy qalpymmen qa­byldaǵandaryn qalaımyn. Al qalanyń kiltine keler bolsam, ol Almatydaǵy 28 gvardııashy-panfılovshylar murajaıynda saqtaýly tur, – dedi Baýyrjan Dáýletuly. Aıta keteıik, 4 shilde kúni Astana qalasy mıllıon tur­ǵyny bar qalaǵa aınaldy. Saıda dep esimi qoıylǵan perzent Araı­lym jáne Oljas Muha­me­dııarovtardyń tuńǵyshy. Qala ákimi Áset Iseke­shev jas jubaı­lar­dy quttyqtap, jańa páterdiń kiltin tabystady. Aıan ÁBDÝÁLI, «Egemen Qazaqstan»