Elbasynyń týǵan kúnine baılanysty Ázerbaıjan Respýblıkasynyń Prezıdenti Ilham Álıev quttyqtaý jedelhatyn joldady, dep habarlady Prezıdenttiń baspasóz qyzmeti.
I.Álıevtiń quttyqtaýynda Nursultan Nazarbaevtyń dana basshylyǵymen Qazaqstannyń saıası, áleýmettik-ekonomıkalyq jáne mádenı jasampazdyq jolynda nyq senimmen qadam basyp kele jatqany aıtylǵan.
«Elińizdiń halyqaralyq bedeli kún saıyn artyp keledi. Qazaqstan men Ázerbaıjan arasyndaǵy ekijaqty qarym-qatynasty damytýdaǵy jáne onyń búgingi deńgeıine jetýindegi Sizdiń úlesińiz zor. Bizdiń ózara senim men qoldaýǵa negizdelgen seriktestigimiz tarıhı tereń tamyrlastyq baılanystyryp jatqan halyqtarymyzdyń ıgiligine aldaǵy ýaqytta da qyzmet ete beretinine senimdimin», – delingen jedelhatta.
Memleket basshysyna Ázerbaıjan Prezıdenti myqty densaýlyq, baqyt jáne memlekettik qyzmetine tabys tiledi.
Qazaqstan Prezıdentiniń týǵan kúnine baılanysty Grýzııa Prezıdenti Gıorgıı Margvelashvılı quttyqtaý jedelhatyn joldady, dep habarlady Prezıdenttiń baspasóz qyzmeti.
Grýzııa Prezıdenti jyly lebizdi quttyqtaýy men ıgi tilegin joldaǵan.
«Siz Qazaqstan Respýblıkasyn órkendetýge baǵyttalǵan qajyrly qyzmetińiz arqyly barshanyń qurmetine bólengen kemel memlekettik qaıratkerdiń jarqyn mysaly bolyp otyrsyz. Grýzııa men Qazaqstan Respýblıkasy arasyndaǵy dástúrli dostyq jáne ózara tıimdi yntymaqtastyq aldaǵy ýaqytta da nyǵaıa beretinine senemin», – delingen jedelhatta.
G.Margvelashvılı jeke óziniń jáne Grýzııa halqynyń atynan Nursultan Nazarbaevqa Qazaqstan halqynyń ıgiligi jolynda jańa tabystar tiledi.
BUU Qaýipsizdik keńesiniń 2017-2018 jyldardaǵy turaqty emes músheligi saılaýyndaǵy Qazaqstannyń jeńisine baılanysty О́zbekstan Respýblıkasynyń Prezıdenti Islam Kárimov quttyqtaý joldady, dep habarlady Prezıdenttiń baspasóz qyzmeti.
I.Kárimov jahandyq beıbitshilik pen qaýipsizdikti saqtaý jónindegi ókilettik júktelgen osyndaı ókildi organda múshelik etý Qazaqstannyń halyqaralyq arenadaǵy bıik bedeliniń álemdik qoǵamdastyq tarapynan moıyndalýy bolyp sanalatynyn atap ótken.
«Qaýipsizdik keńesindegi qyzmeti kezinde Qazaqstan BUU ınstıtýttary men organdaryn jetildirý úshin, onyń jalpyǵa ortaq turaqtylyq pen ornyqty damýdy qamtamasyz etýdegi rólin nyǵaıtý úshin barlyq jaǵdaıdy jasaıtynyna nyq senimdimin», – delingen jedelhatta.
I.Kárimov Nursultan Nazarbaevqa myqty densaýlyq, jumysyna tabys, al baýyrlas Qazaqstan halqyna ıgilik pen baq-bereke tiledi.