Mańyzdy máselelerge mán berildi

«Nur Otan» partııasynyń Máji­lis­tegi fraksııasynyń músheleri, Par­lament Májilisiniń depýtattary Baqyt­jan Ertaev, Evgenıı Kozlov jáne Nur­taı Sabılıanov jumys saparymen Shy­ǵys Qazaqstan oblysynda boldy. Baqytjan Ertaev pen Evgenıı Kozlov eń aldymen «Nur Otan» partııasynyń oblystyq fılıalynda ádilet salasynyń jáne Aýǵan soǵysy ardagerleriniń ókilderimen kezdesti. Kezdesý barysynda Elbasy N.Á.Nazarbaevtyń «Qazaqstan jańa jahandyq naqty ahýalda: ósim, reformalar, damý» atty halyqqa Joldaýy men «100 naqty qadam» Ult Jospary, «Máńgilik El» ulttyq ıdeıasy taqyryptarynda keńinen sóz qozǵalyp, júzege asý deńgeıine kóńil bólindi. Ári qaraı, Májilis depýtaty Evgenıı Koz­lov saılaýshylardyń úılerin aralap, óske­mendikterdi alańdatyp otyrǵan máseleler, sol qatarda, partııanyń saılaýaldy baǵdar­lama­synyń basty aspektileri jaıly sóz qozǵady. Al Baqytjan Ertaev osy kúni Aıagóz aý­da­nyndaǵy jańadan salynyp jatqan shaǵyn et kombınatynyń jumysymen tanysyp, ónim óń­deý men ótkizýde qandaı máseleler baryna nazar aýdardy. «Nur Otan» partııasy fraksııasynyń múshesi Nurtaı Sabılıanov Aıagóz aýdanyna qarasty Maılın, Aqshataý, Aqsháýli, Bıdaıyq, Myńbulaq, О́rken jáne basqa da birneshe aýylda bolyp, 400-den astam aýyl turǵynymen kezdesý ótkizdi. Mundaı kezdesý temirjolshylar qaýymymen de jalǵasty. Barlyq basqosýda «100 naqty qadam» Ult Jospary  boıynsha atqarylýy tıis jumystar áńgimelenip, saılaýshylar tarapynan qoıylǵan suraqtarǵa jaýap berildi. Aıagóz turǵyndarymen kezdesý kez­derinde kóterilgen suraqtardyń keıbirin ataı keteıik. Olar: áleýmettik-ekonomı­kalyq máselelerdi sheshý barysynda kezde­setin túrli jaǵdaılar, jastardy jumyspen qamtý, ıgerilmeı jatqan jer telimderin qaıta qaraý, teri men bylǵary óńdeý, zeı­netaqynyń tómengi deńgeıin kóterý, mem­leket qarjysyna salynyp jatqan qury­lystardy qatań baqylaý, aýyz sý jáne ózgeler. Osy suraqtardyń ishinde kópshilik­tiń kókeıkesti máselesi retinde joldardy kúrdeli jóndeýden ótkizý jaıy jıi ataldy. «Bizdiń elimizde keńinen júrgizilip jatqan reformalardyń negizgi mindeti – ár qazaqstandyqtyń ómir súrý sapasyn jaqsartý. Soǵan qaramastan, sheshimin tappaı jatqan máseleler de kezdesedi. Ondaılardy ashyq aıtyńyzdar, ózim jeke baqylaýyma alatyn bolamyn», – dedi Májilis depýtaty Nurtaı Sabılıanov. Dýman ANASh, «Egemen Qazaqstan»