Bıznes jaǵdaıy jaqsardy

Keshe Ortalyq kommýnıkasııalar qyzmetinde Ulttyq ekonomıka mınıstrligi Kásipkerlikti damytý departamentiniń dırektory Ǵalııa Joldybaeva baspasóz máslıhatyn ótkizdi. Ol bıznes-ahýaldy jaqsartý boıynsha atqarylyp jatqan jumystar jóninde aıtty. Departament dırektory 2016 jyly naýryzda ruqsat berý qu­jat­taryn qysqartý jáne ruqsat berý rásimderin ońaılatý másele­leri jónindegi zań týraly áńgi­meledi. Sondaı-aq, zańnamalyq qujat kásipkerliktiń damýyna, bız­nestiń jandanýyna jáne onyń qyz­metin keńeıtýge áser etetinin jetkizdi. Bularmen birge zańnyń qabyl­danýyna baılanysty kásipkerlik salasynda 34 ruqsat berý qaǵazy zań boıynsha múlde joıylǵanyn málimdedi. Spıker Úkimet ákimshilik keder­gilerdi joıý maqsatynda bıznes-ahýaldy jaqsartý men kásip­ker­likti qoldaý boıynsha júıeli ju­mys atqaryp jatqanyna toqtaldy. «Kásipkerlikti damytý – bul eli­mizdiń ekonomıkasy men halyqtyń ál-aýqatyna áser etetin eń mańyzdy faktordyń biri. 2016 jyly kásipkerlik qyzmet­ti memlekettik retteý júıelen­dirildi. О́zin ózi retteý ınstıtýty engizildi. Ruqsat berý qujat­tary eki ese qysqardy. О́zderi­ńiz bile­tindeı, Qazaqstanda 2016 jylǵy 1 qańtardan bastap kásipkerlik kodeks jumys istep tur. Kásipkerlik kodeks pen Qazaqstandaǵy kásipkerlerdiń quqyqtaryn qorǵaý jónindegi ýákilettiliktiń rólin kúsheıtý boıynsha sharalar qabyldandy. 2016 jyly naýryzda ruqsat berý qujattaryn qysqartý jáne ruqsat berý rásimderin ońaılatý máseleleri jóninde zań qabyldandy. Zań kásipkerliktiń damýyna, bıznestiń jandanýyna jáne onyń qyzmetin keńeıtýge áser etedi. О́ıtkeni, osy zań boıynsha ruqsat berý júıesi elý paıyzǵa qysqardy. Bul degenimiz, 34 ruqsat berý qaǵazy zań boıynsha múlde joıylǵanyn, 14 ruqsat berý eskertpe tártibine aýystyrylǵanyn bildiredi. Ońtaılandyrý aıasynda 105 ruqsat beretin qujattar alynyp tastaldy», dedi Ǵ.Joldybaeva. Aǵymdaǵy jyldyń mamyr aıynda qoldanysqa engen «О́zin ózi retteý týraly» zań «100 naqty qadam» Ult Josparynyń aıasynda jasalǵanyn aıtqan departament dırektory, onyń negizgi maqsaty ózin ózi retteıtin uıymǵa erikti jáne mindetti múshelikke negizdelgenin aıtty. Ol ekonomıkany memlekettik retteýdiń tıimdiligin arttyratyn kórinedi. «Qabyldanǵan sharalardyń nátıjesinde adal kásipkerler ózin ózi retteý uıymynyń adal emes múshelerin qatardan shyǵaryp tastaýǵa múddeli bolady. Nátıjesinde, bul shara bıznestiń básekege qabilettiligin arttyrýǵa yqpal etedi», dedi departament basshysy. Nurbaı ELMURATOV, «Egemen Qazaqstan»