Astanadaǵy «Tulpar-Talgo» zaýytynyń dánekerleýshileri Qytaı astanasy Beıjińde ótken halyqaralyq «Arc Cup» baıqaýynda ekinshi orynǵa ıe boldy. Baıqaýǵa álemniń 25 elinen 300 dánekerleýshi qatysypty.
Komandalyq baıqaýda Qazaqstan mamandarynyń dánekerleý sheberligin kórsetken Vladımır Shvars pen Mıhaıl Gofman baıqaýdyń júldeli ekinshi ornyn jeńip alǵan. Qazaqstan mundaı baıqaýǵa tuńǵysh ret qatysyp otyr eken. Dánekerleýshi sheberler gazben, maıysqan elektrodpen, tot almaıtyn bolat, alıýmınıı, mys, nıkel buıymdaryn, tıtan quımasyn dánekerlegen. On eki jyldyq eńbek ótili bar dánekerleýshi Mıhaıl Gofman alıýmınıı buıymdaryn dánekerleýdegi sheberligin kórsetip, ózindik tájirıbesimen bólisti. Sońǵy bes jylda alıýmınıımen jumys jasap júrgen Vladımır Shvars temirden baǵyn synap kórdi. Ártúrli metaldarmen jumys jasaǵan dánekerleýshilerdiń sheberligin arnaıy komıssııa baǵalapty. Baıqaýǵa qatysýshylar arnaıy uıymdastyrylǵan kórmeniń quraldarymen de tanysqan. – Biz Qazaqstanda da myqty mamandar barlyǵyn kórsetýdi maqsat ettik. Qıyndyqtar boldy. Onyń ishinde basqa orta, basqa qural-jabdyqtarmen jumys jasadyq. Biz baıqaý arasynda ózimizde joq oqý quraldarymen tanystyq. Baıqaýǵa postkeńestik elderdiń dánekerleýshileri qatysty. Olarmen ózara tájirıbe almastyq, – dedi M.Gofman.Nurbaı ELMURATOV,
«Egemen Qazaqstan»
Mundaı baıqaý kelesi jyly Shanhaıda uıymdastyrylady eken. Buıyrtsa, qazaqstandyq dánekerleýshiler kelesi jyly «altyndy» qanjyǵasyna baılaýdan dámeli.
