Damýdyń syry – birlikte

Qazaqstandaǵy ulttar dos­tyǵyn kózben kórip, jú­rekpen sezinip júrgen jan­dar­dyń biri retinde, men el­degi darhan kóńil men keń peıild­i qazaq halqynyń osyndaı týabitti baýyr­maldyǵyna tántimin. Barshaǵa belgili, elimizde 130-dan as­tam ult ókil­deri tatý-tátti ǵumyr keshý­de. O bas­tan Elbasy Nursultan Nazarbaev­tyń ult­tar dostyǵyn tý etip ustaýy  – álemdi aýyz­­bir­shilikke, beıbitshilik pen ynty­maq­­qa bastaıtyn sara saıasat emes pe? Qaı zamanda jáne qaı elde bolmasyn ty­nysh jáne beıbit ómir súrýdiń mańyzy aıryq­sha, qoǵamdyq kelisimniń orny bólek. Sondyqtan da Prezıdentimizdiń asa kóre­gendikpen jasap jatqan ár isiniń ózindik máni bar. Bul rette, mádenıetaralyq únqaty­sýdy nyǵaıtýdyń jańa kezeńi­niń negi­zin qalap, etnosaralyq qaty­nas­tar­dy damytý máselelerin joǵary deń­geıde sheshýge múmkindik jasaı­tyn álemdik tájirıbedegi tyń baǵyt bolyp tabylatyn Qazaqstan halqy Assam­bleıasyn qurý ıdeıasy sonyń birden-bir dáleli. Elimizdegi bar­lyq etnos ókilderin ortaq maqsatqa uıystyra otyryp, respýblıkadaǵy turaqtylyqty saqtaý men eldi damytý barysynda aıtýly úles qosyp keletin jıyrma jyldyq tarıhy bar QHA búginde kópke úlgi. Assambleıa tarıhynda jıyrmadan as­tam sessııa ótkizilip, onda qoǵam­daǵy ózekti máseleler men mem­leketti damytý jolyn­daǵy negizgi baǵyttar talqy­la­nyp keledi. 20 jyl­dan as­­tam ýaqyttan beri at­qar­ǵan qyz­­meti men júrip ­ót­ken sara jolyn­da qazaq­stan­dyq etnos­ara­lyq jáne kon­­fessııa­ara­lyq keli­sim úlgi­siniń álemdik qoǵam­das­tyq aldynda bedeldi uıym­ǵa aınalǵanyn kórsetti. Qazaq­standa turatyn barlyq ulttar men etnostardyń múddelerin, quqyqtaryn bir arnaǵa túıistirdi. Árbir ulttyń tegine, dinine, kózqarasyna qaramastan, barlyq azamattardyń quqyqtary men erkindikteriniń buljytpaı saqtalýyn qamtamasyz etti. QHA-nyń 2014 jylǵy «Qazaq­stan-2050» Strategııasy»: beıbitshilik, rýhanı kelisim mádenıeti» atty XXI sessııasynda Elbasy: «Táýelsizdiktiń alǵashqy kúninen biz óńirlerde, qala­larda, aýdandarda, aýyldarda myń­daǵan kezdesýler ótkizdik. Osydan eki on­jyl­dyqqa jýyq ýaqyt buryn, Assam­bleıany qura otyryp, biz álem­degi barlyq málim bolǵan modelder­den de ozyq shyǵa bildik. Biz halyq­ty ortaq patrıottyq tuǵyrnamada toptastyrýdyń birden-bir senimdi tetigin taptyq. Onyń máni árkimge de túsinikti jáne qarapaıym adamı suranystardy – jumysty, otbasyndaǵy ál-aýqatty, balalar úshin bilim berýdi, densaýlyqty, tur­ǵyn úıdi, qaýip­siz­dik pen demalysty qam­tamasyz etý­ge kómek­tesedi. Biz­diń qoǵamda eshkim­niń de etnostyq artyqshylyǵy joq jáne bári de zań aldynda teń. Barlyq qazaqstandyqtar – bir týǵan jerdiń balalary. Biz bárimiz – birtutas Qazaqstan halqynyń ártúrli jáne birdeı balalarymyz. Bizdiń bári­­miz­­di bir másele tolǵandyrady – búkil Qazaq­stan halqynyń ál-aýqaty. Biz­diń bárimizdiń maqsatymyz bir – bizdiń ortaq Otanymyzdyń órkendeýi. Bul bizdiń ortaq tabysymyz, ortaq maqta­ny­­shy­myz», dep qanatty sózin aıtyp edi. Shyn máninde de solaı, bir shańyraq astynda uıyp otyrǵan árbir ulttyń ókilderi Otanymyz úshin qyzmet etýi kerek, maqsatymyz bir baǵytty kórsetse, júregimizdiń de birge soǵary sózsiz. Birligi men yntymaǵy jarasqan elde turý baqyty buıyrǵan biz shyn baqytty ultpyz. Ony Elbasynyń sharapaty tıip, eldiń yqylasyna bólenip otyrǵan árbir ult ókili moıyndaıdy. Qazaqstan hal­qy Assambleıasy­nyń kezekti XXIV sessııasy bizdiń júre­gimiz­ben úndes, tilegimizben tileý­les «Táýel­sizdik. Kelisim. Bola­shaǵy Bir­tutas Ult» taqy­­rybymen Astananyń tórinde ótti. Bul jolǵy sessııanyń tarqatyp aıtar taqyryptary, taldaý­lary men or­ta­ǵa salǵan máseleleri burynǵydan da ma­ńyzdy, ózgeshe bol­dy. Bolashaǵy Bir­tutas Ult qana máń­gilik jasaı bereri, táýelsiz eldiń turǵyndary ǵana bola­shaq­qa bek qaraı­tynyn jáne keli­sim bar jerde nesibe baryn aıtqym keledi. Sóz sońynda Elbasymyz aıtqandaı: «Damýdyń syry – birlikte, tabystyń syry – tirlikte» ekenin barshańyz bile­sizder. Muratqa jolyn tapqan jetedi», degim keledi. Aıvaz OSMANOV, Jambyl oblystyq Qazaqstan halqy Assambleıasynyń múshesi, Merki aýdany «Ahyska» túrik etnomádenı birlestiginiń jetekshisi Jambyl oblysy