36 adam sýǵa ketti

Kim kináli? OQO tótenshe jaǵdaılar departamenti ótkizgen brıfıngte aıtylyp, kóktem bastalǵaly beri 36 adam­nyń sýǵa ketkendigi habarlandy. Cońǵy qaıǵyǵa soqtyrǵan oqı­ǵalardyń deni qutqarýshylar baqy­lamaıtyn aımaqtarda bolǵan. Al Ońtústiktiń týrızm klas­teriniń bir butaǵy bolady dep úkilep otyrǵan Shardara sý qoımasynda bıyl úsh adam sýǵa ketti. Shardara aýdandyq tótenshe jaǵdaılar jáne órtke qarsy qyzmet bóliminiń bas mamany Abaı Sátpaev osyndaı keleńsiz jaǵdaılarǵa baılanysty turǵyndarmen túsindirý jumystary júrip jatqandyǵyn aıtady. Endi sý jaǵalaýlaryna shomylýǵa tyıym salynǵan jerlerge bılbordtar ornatylyp, taqtaıshalar iline bastaǵan. Oqýshylarmen kezdesýler de ótip turady. Jamaǵat kóp baratyn meshitterde bul másele ımamdardyń aralasýymen aqylǵa salynady. Búginde Shardara sý qoıma­synda táýlik boıy kezekshilik qoıylǵan. Úsh aýdan aýmaǵyn qamtyǵan kólde qutqarý toptary kezekshilik etedi. Biraq, shtat az bolǵandyqtan bárin birdeı qamtamasyz etý múmkin emes eken. О́ıtkeni, oblys aımaǵynda 320 ózen, kólshik bar. Al qutqarýshy qyzmetindegi shtattyq birlik 98 ǵana, maman jetispeıdi. Sondyqtan oblystyq tótenshe jaǵdaılar departamentiniń mamandary qaıǵyly oqıǵaǵa úlkenderdiń salǵyrttyǵy sebep deıdi. Oıyn balasyn ata-ana izdeı qoımaıdy, baqylaýǵa almaıdy. Al onyń saldary aýyr qaıǵyǵa ákelip jatyr. Máselen, sýǵa ketken 36 adamnyń 27-i jas balalar. Osy balalardyń 20-y eki jas pen bes jas araly­ǵyndaǵy búldirshinder. Kúni keshe ata-ana baqy­laýyn­syz qalǵan 2 jasar Abdýl­lah esimdi bala Qoshqar ata óze­nine aǵyp ketti. Tótenshe jaǵ­daılar departamentiniń bólim basshysy Baqytqalı Eserkepov izdeý jumysyna 40 qutqarýshy men 8 arnaýly tehnıka jumyldyrylǵanyn aıtady. Balanyń óli denesi ózenniń tórt shaqyrym qashyq­tyǵynan tabylǵan. Átteń, osy jumystardyń bári aldyn ala uıymdastyrylyp, TJD qyz­metkerleri qaıǵyly oqı­ǵalardyń aldyn ala bilse ǵoı. Sonda jan syzdatar jaılar da bolmas edi-aý. Demek, talaı otbasyǵa qan qustyrǵan bul oqıǵalar jas balalar qaýipsizdigin erekshe qadaǵalaý kerektigin taǵy da eske salady. Baqtııar TAIJAN, «Egemen Qazaqstan» Ońtústik Qazaqstan oblysy