Astanada jaýyngerlik kúreske arnalǵan jıyn ótti

[caption id="attachment_50584" align="aligncenter" width="700"] Foto: Jaýyngerlik kúres federasııasynyń prezıdenti Halyq Qojahmetov[/caption] Astanada elimiz táýelsizdiginiń 25 jyldyǵyna jáne L.N. Gýmılev atyndaǵy Eýrazııa ulttyq ýnıversıtetiniń 20 jyldyǵyna oraı «Qazaqtyń jaýyngerlik kúresi: tarıhy, ádistemesi, tehnıkasy» atty halyqaralyq ǵylymı-praktıkalyq konferensııa ótti. Ǵylymı forýmdy L.N. Gýmılev atyndaǵy Eýrazııa ulttyq ýnıversıteti jáne jaýyngerlik kúres federasııasy uıymdastyrdy. Konferensııanyń maqsaty - osy tól sport ónerimizdi jandandyrý jáne damytý. Bul kúres túriniń tarıhy tym erteden bastalady. Oǵan tastaǵy tańbalar men sýretter, folklorlyq-etnografııalyq materıaldar, jazbasha jáne arhıv derek kózderi kýá. Jaýyngerlik kúres federasııasynyń prezıdenti Halyq Qojahmetovtyń aıtýynsha,  konferensııada kúrestiń osy túrine qatysty kóptegen máseleler qaraldy. Atap aıtqanda, «Jaýyngerlik kúres: keshe, búgin, erteń», «Jaýyngerlik kúrestiń damý teorııasy, tarıhy» taqyryptarynda baıandamalar jasaldy. Onda kúrestiń etnografııasy, pedagogıkasy, psıhologııasy,  fılosofııasy, ǵylymı zertteý barysy týraly máseleler sóz boldy. Jıynda jaýyngerlik kúrestiń erejesiniń damýy, kıimi, tóreshilik jasaý, jarysty uıymdastyrý men ótkizý máseleleri de keńinen talqylandy. «Qazirgi kezde jaýyngerlik kúresti damytýdy qolǵa alyp jatyrmyz. Ony nasıhattap, elge kórsetip, tanytý kerek. Osyǵan baılanysty kúrestiń ádistemesi, tehnıkasy, kúresti damytýdaǵy dene shynyqtyrý jáne sport salasynyń, jarnamalaýda buqaralyq aqparat quraldarynyń róli týraly áńgime qozǵaldy», dedi ol. Konferensııa jumysyna belgili ǵalymdar, qoǵam qaıratkerleri, sportshylar, magıstranttar men doktoranttar, sonymen birge aqparat ókilderi qatysady. Dastan KENJALIN Foto: Jaýyngerlik kúres federasııasynyń prezıdenti Halyq Qojahmetov [caption id="attachment_50585" align="aligncenter" width="700"] Foto: Jaýyngerlik kúres federasııasynyń prezıdenti Halyq Qojahmetov[/caption] [caption id="attachment_50586" align="aligncenter" width="700"] Foto: Jaýyngerlik kúres federasııasynyń prezıdenti Halyq Qojahmetov[/caption]