Kolledj túlekterine óndiriske joldama berildi

Kókshetaý joǵary kolledji 2011 jyldan bastap eksperımentti túr­de Qazaqstanda birinshi bolyp tórt mamandyq boıynsha bilim berip keledi. Iаǵnı, mundaǵy oqýshylar qurylys salasy, jol qurylysy, avtoservıs jáne mashına jasaý tehnologııalary mamandyqtaryna arnalǵan qoldanbaly bakalavrıat dárejesin ıemdenedi. Bul baǵdarlamanyń bas­ty erek­sheligi – oqýshylar birin­shi kýrstan bastap seriktes ká­sip­oryndardyń óndiristik ju­mystaryna qatysyp, arnaıy tapsyrys boıynsha ónim daıyndaýmen aınalysady. Iаǵ­nı, oqý men tájirıbeni ushtastyr­ǵan olar kol­ledjdi bitirgende daıyn kásibı maman bolyp shy­ǵady. Osyǵan sáıkes, bularǵa suranys ta joǵary. Máselen, bıyl oqý ornynyń 67 túlegi iri kásiporyndardyń sha­qyrýymen óz mamandyqtaryna saı birden jumysqa ornalasatyn bolady. Al, qaladaǵy №1 qurylys-tehnıkalyq kolledji ekonomıka salasynyń úsh baǵyty boıynsha mamandar daıarlaıdy. Munda da «Dıplommen – aýylǵa!» baǵ­darlamasymen 24 túlek shalǵaı aýyldarǵa joldama alyp otyr. – Búgingi kúni aýyldyq jerlerde maman jetispeýshiligi bar, – deıdi bizben áńgimesinde kolledj bitirýshi Ertaı Kúres. – Men Elbasy Joldaýynda erekshe mán berilgen bastamany qoldap, Ereı­mentaý aýdanyndaǵy Boztal aýylyna joldama aldym. О́z eń­begimdi aýylǵa arnap, ony damy­typ, kór­keıtýge úles qosqym keledi. Qos kolledj túlekterine dıp­lomdar men joldamalar tapsyrý sal­tanatyna oblys ákiminiń orynbasary Nurlan Nurkenov qatysyp, jas mamandarǵa sáttilik tiledi. Baqbergen AMALBEK, «Egemen Qazaqstan» Aqmola oblysy