Aq jol

Abaı mýzeıinen bastalady О́mirdiń qaı «maýsymynyń» bol­­syn óz qyzyǵy men qýanyshy je­­terlik. Degenmen... tabıǵat ta­myl­jı búr jaryp, tirshilik ıesi jahanǵa «men keldim» dep jar salatyn kóktemge teń keler ne bar?! Erjetken eki júrektiń qýana tabysyp, eki jastyń ómir jolyna qol ustasyp, birge attanatyn shaǵy qandaı ǵajaıyp! Jas jubaılardyń tilekshisi, álbette, árqashan kóp. Al sol eki jas týǵan otbasynda alǵan ónege jo­­­lymen úlgi kórsetip, kıeli oryn­darǵa taǵzym etip jat­sa, tipti, nur ústine nur emes pe?! Abaı mýzeıiniń shyraqshylary sondaı bir taǵylymdy ónegeniń kýási boldy. Taǵdyrlaryn qoc­qan eki jas Ernar Zupparuly Sma­ǵu­­lov pen Marjan Ermanqyzy Mu­qanova nekelerin qııa salysymen Semeıdegi Abaı mýzeıine asyq­qan. Ernar bolashaq zań­ger, Qazaq ınnovasııalyq gýma­nı­tarlyq zań ýnıversıtetiniń stýdenti, al Marjan tehnolog ma­man­dyǵyn Shákárim atyndaǵy zań ýnıversıtetinde meńgerýde. Jas jubaılar Abaı sha­­­­­ńy­­raǵyn­da estelik úshin sýretke tústi, olar­ǵa mý­zeı ákimshiligi aty­nan eskertkish syı­lyqtar tapsyryldy. Abaı mýzeıiniń ujymy Ernar men Marjannyń osy bir tamasha bastamalarynyń odan ári jalǵasyn taýyp, alǵashqy qadamdaryn kıe­li Abaı shańyraǵynan bastaıtyn jas otaý ıeleriniń qatary kóbeıe túserinen úmitti. Olardy mýzeı ujymy qashanda qýana qarsy alyp, tegin qyzmet kórsetýdi borysh sa­naı­dy. Abaı armany – Táýel­sizdigimizdiń baıandy bolýy da uly aqyn aıtatyn «keýdesi sáýleli» jastardyń arqasy, el bolashaǵy da solarǵa táýeldi. Memlekettik Abaı mýzeıiniń ujymy óz ómir joldaryn Abaı atalarynyń shańyraǵyna kelip, Uly Dala eliniń uly aqynyna taǵzym jasaýdan bastaǵan Ernar men Marjanǵa «Qadamdaryń qutty bolsyn, otaýlaryń baqytqa tolsyn!» degen tilek aıtty. «Egemen-aqparat»