Túrkııada qorlar, kásipodaqtar, pansıonattar jabylyp jatyr

Túrkııada densaýlyq saqtaý sektorynyń 35 nysany, 1043 jeke bilim berý mekemesi, jeke jataqhanalar men pansıonattar, 1229 qoǵamdyq uıymdar men qorlar, 19 kásipodaq uıymy, federasııalar men konfederasııalar, 15 joǵary oqý orny, ashyq qorlar jumystaryn toqtatty. Oxu.Az habarlaǵandaı, Túrkııa úkimeti «Tótenshe jaǵdaı rejimi sheńberinde qabyldanǵan sharalar týraly» qaýly qabyldap, ony senbi kúni resmı «Resmi Gazete» basylymynyń saıtynda jarııalaǵan. Qaýlyǵa sáıkes, tótenshe jaǵdaı kúshinde turǵan kezde qulyp astyna alý merzimi qamaýǵa alynǵan ýaqyttan bastap 30 kúnnen artyqqa sozylmaıdy. Bul merzimge ustalýshyny jaqyn mańdaǵy sotqa aparý ýaqyty kirmeıdi. Memlekettiń qaýipsizdigine qater tóndiretin terrorlyq uıymdarǵa nemese qurylymdarǵa, toptar men tobyrlarǵa múshelik baılanysty bar ekenderi anyqtalǵan memlekettik qyzmetkerler jumystarynan aıyrylyp, budan keıin eshqandaı memlekettik qyzmetke qabyldanbaıdy. Túrkııa prezıdenti Redjep Taııp Erdoǵan 16 shilde kúni memlekettik tóńkeris jasaýǵa áreket etilgennen keıin, elde úsh aılyq merzimge sozylatyn tótenshe jaǵdaı jarııalady. Onyń aıtýynsha, bul ýaqyt búlikke qatystary bar adamdarǵa qarsy tıimdi ári tez shara qoldanýǵa múmkindik beredi. Túrik lıderi óziniń muny jasaǵanda, eldegi demokratııaǵa, azamattardyń quqyqtary men erkindikdikterine eshqandaı zalal keltirilmeıtinin, uaıta ony nyǵaıta túsetinin aıtty. Murat AITQOJA