Jaryqqa jarymaı otyrǵandar

Oblys ortalyǵyna jáne kúre jolǵa jaqyn ornalasqan Vodo­pro­vodnoe irgeli eldi meken­der­diń biri sanalady. Munda toǵyz­jyldyq mektep pen shaǵyn orta­lyq jumys isteıdi. Eńbekke qabi­letti turǵyndar túgelge jýyq ju­mys­pen qamtamasyz etilgen. Osy­dan 17 jyldaı buryn osyn­daǵy qazan­dyqtyń qyzmeti toqta­ty­lyp, aýyl­dyqtar eki, úsh qabatty úı­lerge pesh saldyryp, kómirmen jyly­týǵa kelis­ken bolatyn. Endi adam­dar­dy balalarymyz oqý-bilim­siz qala ma degen ýaıym qatty mazalap otyr. Bulaı bolatyn sebebi, aýylda elektr energııasy sóndirilip, káriz júıesi men monsha jumysy toq­tatylady degen sýyq sóz jeldeı eskeli jurtshylyqtyń seńdeı soǵy­lysyp, tyǵyryqqa tirelgen jaı­lary bar. «QazSýShar» RMK «Esil sý» mekemesine qarasty Býlaev óndiristik ýchaskesi budan bylaı káriz júıesine qyzmetin kór­setý quqymyz joq dep at-tonyn ala qashyp otyr. Kommýnaldyq tólem­aqy ýaqytyly tólenip kel­geni­ne qaramastan mundaı túsinik­siz qadam­ǵa barýdy kópshilik aýyl­dyń bola­shaǵyna balta shabý dep qabyl­daı­dy. Fılıaldyń bas ener­getıgi Gennadıı Sýrkov elektr ener­gııasyn halyqqa jet­kizip, qamtyp otyrý úshin arna­ıy lı­senzııa kerek­tigin, bul oraı­da, «SevKazEnergo» AQ-tyń «Jiger» kompanııa­symen kelisimshartqa otyrý­dy alǵa tartsa, aýdandyq turǵyn úı-kommýnaldyq sharýashylyq bólimi jetekshisiniń orynbasary Baqyt Ilııasov jınalǵandardy sabyrǵa shaqyrýmen shekteldi. Oryn alǵan problemalardy zańdyq turǵyda sheshýge kim, ne bógesin bolyp otyr degen saýaldar jaýap­syz qaldy. Soǵan qaraǵanda tıis­ti oryndardyń bul áreketi at­ty arbanyń artyna jekken ápen­di­niń qylyǵyn eske túsiretin sekildi. Vodoprovodnoe eldi mekeninde turǵyndardyń sany bes júzden asady. Kóbisi – zeınet jasyndaǵylar. Olar Býlaev óndiristik ýchaskesinde eńbek etip, endi zeınet qyzyǵyn kóretin shaqta aýyl taǵdyryna qatty alańdaýly.  О́mir ESQALI, «Egemen Qazaqstan» Soltústik Qazaqstan