• 04 Tamyz, 2016

Parıj kelisimine qol qoıdy

347 ret

kórsetildi

1 mın

oqý úshin

Egemen Qazaqstan

Nıý-Iork qalasynda BUU-nyń shtab-páterinde Syrtqy ister mınıstri Erlan Ydyrysov Qazaqstan atynan Klımattyń ózgerýi týraly Parıj kelisimine qol qoıdy, dep habarlady Syrtqy ister mınıstrliginiń baspasóz qyzmeti. Klımattyń jahandyq ózgerý problemasynyń sheshimi turaqty damýdy qamtamasyz etý, kedeılikti joıý jáne álemniń barlyq elderiniń áleýmettik-ekonomıkalyq ál-aýqatqa qol jetkizýi úshin negizgi sharttardyń biri bolyp tabylady. Parıj kelisimi álemdik qoǵamdastyqtyń qorshaǵan ortanyń quldyraýyn toqtatý sheshiminiń mańyzdy sımvoly boldy. Qazaqstan ulttyq jáne óńirlik deńgeılerde ekologııalyq problemalardy sheshýge eleýli úles qosyp jatqan el retinde osy tarıhı kelisimdi iske asyrýǵa erekshe mán beredi. Sonymen birge, «Bolashaq energııasy» taqyrybymen «EKSPO-2017» kórmesin ótkizý turǵysynan Parıj kelisiminiń mańyzdylyǵyn atap ótken jón. Kórme barysynda qorshaǵan ortany saqtaý máselelerine birinshi kezekte nazar aýdarylady. Sol kúni E.Ydyrysov BUU-nyń Bas hatshysy Pan Gı Mýnmen ekijaqty kezdesýdi ótkizdi. Kezdesý barysynda taraptar Qazaqstannyń BUU-men yntymaqtastyǵynyń jaı-kúıi men perspektıvalaryn, sondaı-aq 2017-2018 jyldary bizdiń elimizdiń BUU Qaýipsizdik Keńesine músheliginiń basymdyqtaryn talqylady. E. Ydyrysov BUU Qaýipsizdik Keńesiniń «Balalar jáne qarýly qaqtyǵystar» taqyrybyndaǵy ashyq pikirtalastarynda sóz sóıledi. О́z sózalymynda mınıstr aǵymdaǵy halyqaralyq máseleler boıynsha elimizdiń ustanymyn usyndy, atap aıtqanda, Aýǵanstandaǵy mektepter men aýrýhanalardy salý, bilim berý baǵdarlamalaryn iske asyrýdy qosa alǵanda gýmanıtarlyq kómek baǵdarlamalaryn júzege asyryp jatqan Qazaqstannyń qosqan úlesi jaıynda aıtty. «Egemen-aqparat»