Nıý-Iork qalasyna jaýǵan qardyń qalyńdyǵy shamamen 60 santımetrge jetti. Osy tabıǵat qyspaǵynyń saldarynan mektepter jabylyp, kólik qozǵalysy sırep, qala kórinisi kúrt ózgerdi. Al Central Park syrǵanaq teýip, aqqala jasaǵan balalar men otbasylar jınalǵan demalys alańyna aınaldy.
Qalanyń ortalyq saıabaǵynda sońǵy on jyldan astam ýaqyttaǵy eń qalyń qar tirkeldi. Qaýipsizdik maqsatynda jol júrýge ýaqytsha shekteý qoıylyp, kólikterdiń basym bóliginiń qozǵalysy toqtady. Qoǵamdyq kólik pen jedel járdem qyzmeti ǵana dóńgelekterine taıǵanaýdan saqtaıtyn shynjyr baılap alyp, baıaý ǵana qozǵalyp júr.
Qazaqstannan Vena, Rım jáne Nıý-Iorkke áýe reısteri ashylady
Qala boıynsha mektepter men balabaqshalardyń jabylǵany aıtpasa da túsinikti. Dese de balalar bos ýaqytyn saıabaqtarda ótkizip jatyr. Central Park turǵyndardyń shanamen syrǵanap, aqqala jasap, qys qyzyǵyna batatyn shaǵyn qalashyqqa aınalyp shyǵa keldi.
Qala meri Zohran Mamdanı aýa raıynyń kúrt nasharlaýyna qaramastan, dalada júrgen úısiz-kúısiz adamdar arasynda qaza tapqandar tirkelmegenin aıtty. Onyń sózinshe, bul tótenshe qyzmetterdiń jedel jumysy men ýaqytsha baspanalardyń kóbeıtilýiniń nátıjesi.
80 jastaǵy qazaqstandyq sportshy Nıý-Iork marafonyn baǵyndyrdy
Qalada metro poıyzdary da kidirip qalyp jatyr. Al muz qatqan kósheler turǵyndardyń da júrip-turýyn qıyndata tústi. Degenmen keıbir qala turǵyndary bos qalǵan kóshelerde shańǵy teýip júrse, endi biri erigen qardyń kóktaıǵaqqa aınalýynan qaýiptenip, aýlalaryn tazalaýǵa kirisken.
Osylaısha, ádette qarbalasqa toly bolyp jatatyn Times Square mańy búgin erekshe tynyshtyq qushaǵyna endi.
