Memleket basyshy Nursultan Nazarbaevtyń Vashıngton qalasynda ótken Iаdrolyq qaýipsizdik jónindegi IV sammıtte jarııalaǵan «Álem. XXI ǵasyr» manıfesin ilgeriletýdi qamtamasyz etý maqsatynda Qazaqstan halqy Assambleıasy «Aq oramal» respýblıkalyq aksııasyn ótkizýge bastama jasaǵan bolatyn. Búginde qazaq eliniń tarıhynda fılosofııalyq maǵynasy tereń «Aq oramal» aksııasy ulysymyzdyń uıytqysy sanalatyn Ońtústik Qazaqstanda bastaý aldy.
Aksııasynyń maqsaty – qazaqstandyqtardy etnostyq shyǵý tegine, áleýmettik, dinı nemese basqa da erekshelikterine qaramastan beıbitshilik ıdeıasy aıasyna shoǵyrlandyrý.
Is-sharany uıymdastyrýshylar Ońtústik Qazaqstan oblystyq Qazaqstan halqy Assambleıasy janyndaǵy Analar keńesi «Qoǵamdyq kelisim» mekemesimen birlesip, oblystyq №1 perınataldyq ortalyǵynda bolyp, jańa bosanǵan jas analarǵa aq oramal jaýyp syı-sııapat jasady.
Sonymen qatar, bul ıgi shara neke saraıynda «Analar shańyraq shýaǵy» taqyrybynda jalǵasyn tapty. Balqııa Kómekbaeva bastaǵan ardaqty analar Báıdibek aýdanynan kelgen Elaman Turarbek pen Gúlnaýryz Seıtbektiń neke qııý saltanatty rásimine qatysyp, qalyńdyqqa aq oramal tartý etti. Jastarǵa oramaldyń qasıeti jaıly aıtyp, ınabatty kelin, aq jaýlyqty ana bolýǵa tilektestigin bildirdi.
Beıbitshilik pen tatýlyqty, qazaqtyń salt-dástúrin dáripteıtin «Aq oramal» aksııasy tamyz aıynyń sońyna deıin jalǵasady. Osy ýaqyt ishinde analarymyz soǵysta erlik kórsetken batyrlar men saıası qýǵyn-súrgin jáne asharshylyq qurbandaryna taǵzym etip, beıbitshiliktiń nyshany retinde aq oramaldar iledi. Sondaı-aq aq oramal taqqan analardyń jalpyrespýblıkalyq sherýi uıymdastyrylady.
Aıdar О́RISBAEV
