«Astana» jarysty Eýropa lıgasynda jalǵastyrady

Sársenbiden beısenbige qaraǵan túni Shotlandııanyń Glazgo qalasynda fýtboldan ÝEFA Chempıondar lıgasynyń úshinshi kezeńinde «Seltık» pen «Astana» komandalary kezdesti. Kezdesýde «Seltık» 2:1 esebi­men jeńiske jetti. Match­ta birinshi bolyp esepti alań ıeleri ashty. Birinshi taımnyń sońynda «Seltıktiń» shabýylshysy Lı Grıffıtıs 11 metrlik penaltıden dop­ty torǵa to­ǵytty. «Astana» ekin­shi taımda esepti teńes­tirdi. Alańǵa Azat Nur­ǵa­lıevtiń ornyna shyqqan Azız Ibraımı «Sel­tık-Park» stadıonyna jınalǵan jurt­shylyqqa tosyn «syı» jasady. Ol 62-mınýtta alys­tan teýip, qaqpany dál kózdedi. Sóıtip, eki oıyn boıynsha esep teńesti. Komandalardyń birinshi kez­desýi 1:1 esebimen aıaqtalǵan bolatyn. Endi «Astanaǵa» Chempıondar lıgasynyń toptyq týrnırine shyǵý úshin alań ıelerin jeńý nemese oıyndy teń aıaqtaý kerek boldy. Alaıda, «Astananyń» alǵa qoıǵan maq­saty bul joly oryndalmady. «Seltık» matchtyń sońynda taǵy da penaltıden ekinshi dobyn soǵyp, jeńisti julyp áketti. «Seltıktiń» quramynda Mýssa Dembele ekinshi goldyń avtory atandy. Kezdesýde alań ıeleri asa ba­symdyq tanytty deı almaımyz. Oıynnyń birinshi jartysynda «Seltık» jıi sha­býyl­dap, «Astananyń» qaq­pasyna qaýipti jaǵdaılar jasaǵanymen odan eshteńe shyǵara almady. Al ekinshi taımda kerisinshe, «Astana» alań ıelerinen seskenbeı, teń dárejede óner kórsetti. Eger matchta Erıchtiń qaqpasyna eki penaltı berilmegende oıyn teń eseppen nemese «Astananyń» paıdasyna aıaqtalar edi. Alańda Qazaqstan komandasynyń qor­ǵanyp júrip jeńiske jetýge múmkindigi boldy. Qazir áleýmettik jelide otan­dastarymyzdyń qaq­pasyna berilgen eki 11 metrlik aıyp doby týraly kóp áńgime bolyp jatyr. Tóreshini aıyptap, ony jerden alyp, jerge salyp jatqandary da bar. Ras, kezdesýde tóre­shiniń alań ıelerine búıregi buryp turǵanyn kórdik. Sol úshin de penaltıler berdi. Alaıda taǵy bir nárseni umytpaýymyz kerek. Ol bizdiń oıynshylarǵa baıla­nysty. Eger Shomko men Shıtov bir oıynda eki retten sary qaǵaz alyp, sońynan qýylmaǵanda «Astana» oıyndy teń eseppen aıaqtaýy da múmkin edi. Endi «Astana» jarysty Eýro­pa lıgasynda jalǵas­tyrady. Onda Eýropa lıga­synyń sońǵy irikteý kezeńine qatysady. Onyń jerebesi búgin tartylady. Dastan KENJALIN, «Egemen Qazaqstan»