«Altyn adam»

Syr jurtynyń nazaryna usynyldy Saq dáýiriniń sarqytyndaı bolǵan «Altyn adam» jádigeri qazaq elin kúlli álemge áıgili etkeni haq. Tutas bir dáýirdiń mádenıetin bildiretin baǵa jetpes bul mura Syr eline jetkizildi. Ondaǵy maqsat – Táýelsizdiktiń 25 jyldyǵy qarsańynda qyzylordalyqtardy qundy jádigermen tanystyrý. – «Altyn adam» – tek óner týyndysy ǵana emes, sonaý saq zamanynyń ómirinen habar be­retin birden-bir derek. Osy já­diger Táýelsizdik sımvoly bol­ǵandyqtan, bul tek Astana men Alma­tydaǵy úlken mýzeılerde ǵana emes, elimizdiń búkil halqynyń tamashalaýyna múmkindik týýy kerek. Sol úshin biz Syr eline atba­syn tiredik», – deıdi Ulttyq mý­zeıdiń ǵylymı qyzmetkeri Per­dehan Musyrmanqul. Syr jurtynyń nazaryna usynylatyn kórmede «Altyn adamnan» bólek, 4 myńnan astam baǵaly tastarmen kómkerilgen áshekeı buıymdar bar. Sonymen qatar, saq dáýirinde adamdardyń paıdalanǵan kúmis ydystary da mýzeı tórinen tabylady. Aıt­paqshy, atalǵan ydystardaǵy jazýlar san ǵasyrlar buryn qazaq dalasynda jazý-syzý dástúriniń bar bolǵanyn aıshyqtaıdy. Al kópshilikke usynylǵan patsha móri – qazaq halqynyń qujatnamalyq, zańdyq aınalymyn, jalpy, memlekettilik turǵysynda uıy­sýy­nyń jarqyn dáleli. Aıta keteıik, «Altyn adam» jádigerin kórýge Syr halqy kóp jınaldy. Al mýzeı qyzmetkerleri mádenı shara elimizdiń barlyq oblysynda jalǵasatynyn aıtty. Talǵat RAIYMBEK, «Egemen Qazaqstan»