Sheteldik bir top ǵalymdar 2014-2015 jyldaryǵy kórsetkishteri boıynsha, álemdegi halyqtyń turmys deńgeıi men ekonomıkalyq ósýi joǵary álemdegi eń baı 10 memleketti anyqtap shyǵardy. Endi sol memleketter shoǵyrymen tanys bolyńyzdar
Katar. Ǵalymdardyń zertteýinshe, Katar eli álemdegi eń baı memleketterdiń kóshin bastaǵan. Bul eldiń jer kólemi shaǵyn bolsa da, halqynyń turmys deńgeıi óte joǵary. Jer sharynda munaıdy kóp óndiretin osy el eken. Jan basyna shaqqandaǵy ishki jalpy ónim 145 myń dollardan asady.
Lıýksembýrg – Eýropa elderi boıynsha ishki jalpy ónimi óte joǵary memleket. Halyqtyń ómir súrý deńgeıi jaqsy. Mundaǵy árbir turǵynnyń jyldyq tabysy 90 332 AQSh dollaryn quraıdy.
Sıngapýr. Zertteýshiler bul qala-memleketti eń baı elderdiń úshtigine eńgizgen. О́ıtkeni, ol Azııadaǵy ishki ekonomıkalyq naryǵy damyǵan elderdiń kóshin bastap keledi. Sıngapýrlyqtardyń jyldyq tabysy – 78 761 dollar.
Irlandııa – Eýropadaǵy ekonomıkasy damyǵan elderdiń ekinshi satysynda tur. Ol álem boıynsha 4 orynǵa taban tiredi. Mundaǵy turǵynnyń ishki tabysy 45 myń dollardan asyp túsedi.
Birikken Arab Ámirlikterindegi halyqtyń jyldyq tabysy 63 180 dollardy quraǵanymen, oǵan 5-satysy berilgen. BAÁ negizgi ekonomıkalyq tabysy munaı óndirý bolyp tabylady.
AQSh. Zertteýshiler bul elge 6 oryndy belgilepti. Olardyń pikirinshe, halyqtyń jalaqysy men zeınet aqysy óte joǵary mólsherde. Turǵyndardyń tabysy – 53 myń dollar.
Kýveıt. Arab elderiniń ishinde munaı qory eń baı memleket bolǵandyqtan, halyqtyń jyldyń tabysy – 70 785 dollar. Soǵan qaramastan Kýveıt tizimniń 7 satysynda ornalasypty.
Nıderland – Eýropadaǵy ekonomıkasy damyǵan elderdiń biri. Mundaǵy halyqtyń jan basyna shaqqandaǵy tabysy 40 myń AQSh dollaryn quraıdy.
Avstrııa. Bul eldiń halqy jylyna 40 myń dollarǵa teń tabys tabady. Sondyqtan da Avstrııa úzdik 10 eldiń tiziminde tur.
Shvesııa eń baı 10 eldi túıindeıdi. Eýropanyń soltústik-shyǵysynda ornalasqan memleketiń halqy jylyna 44 myń dollar tabady.
Talǵat RAIYMBEK
Derek, foto: thewebpirate.net
