Aqparat jáne kommýnıkasııalar mınıstrligi saıtynda «shaǵymdaný» bólimi ashyldy

Endi kez-kelgen azamat Qazaqstan zańnamasyna qaıshy keletin aqparattyń jarııalanǵany týraly habarlamasyn mınıstrlik saıtynyń osy bólimine qaldyra alady. Qoǵamdaǵy túıtkildi máseleler sanalatyn terrorızm men ekstremızmge, qatygezdik pen ultaralyq janjalǵa úndegen toptarǵa jáne áleýmettik jelidegi sýısıdti, esirtikni nasıhattaǵan saıttarǵa qatysty zań buzýshylyq áreketterdi baıqasa, materıaldyń siltemesin engizip, shaǵymyn ýákiletti organǵa joldaýǵa múmkindik bar. Mınıstrlik árbir shaǵym boıynsha jedel áreket etip, jarııalanǵan materıaldarǵa quqyqtyq baǵa beretin bolady. Eger zań buzýshylyq aıqyndalsa, olar elimizdiń aýmaǵynda buǵattalady. «Bizge jýrnalıster tarapynan qandaı da bir resýrstyń ne sebepti buǵattalǵany týraly saýal jıi túsedi. Osy oraıda biz mundaı aqparat qoǵam úshin ashyq bolýy kerek dep sanaımyz. Sondyqtan aldaǵy ýaqytta resýrstardyń jabylý sebebin kórsete otyryp, buǵattalǵan siltemeler bazasyn qurýdy josparlap otyrmyz», – deıdi Aqparat jáne kommýnıkasııalar mınıstri Dáýren Abaev.