Olımpıadada bokstan ótip jatqan jarystarǵa 75 kıloǵa deıingi salmaqta qatysyp jatqan Jánibek Álimhanulynyń shırek fınaldaǵy qarsylasy belgili boldy. Ol – ázerbaıjan Kamran Shahsývarly. Apsheron túbeginiń ókili 1/8 fınalda reseılik Artem Chebotarevty jeńdi.
Kamran 1990 jyly Aqtóbede týǵan. Aqtóbeniń boks mektebiniń túlegi.
2011 jyly Olımpıadanyń kúmis júldegeri Serik Qonaqbaevtyń júldesi úshin ótken halyqaralyq týrnırdiń jeńimpazy bolǵan. Qazaqstannyń atynan kásipqoı boksshy retinde bes jarysqa qatysyp, sonyń bárinde jeńiske jetken.
2013 jyly Ázerbaıjannyń azamattyǵyn alyp, sol elge kóship ketken.
Jánibek Álimhanuly men Kamran Shahsývarlynyń jekpe-jegi 15 tamyzda ótedi.
Dastan KENJALIN
Foto: facebook.com
