«S5+1» – Ortalyq Azııa men aqsh yntymaqtastyǵyn arttyra túsedi

Aqordada Qazaqstan Respýblıkasynyń Memlekettik hat­shysy Gúlshara Ábdiqalyqova men AQSh Memlekettik hatshy­synyń azamattyq qaýipsizdik, demokratııa jáne adam quqyq­tary jónindegi orynbasary Sara Sıýelldiń kezdesýi ótti. Shara aıasynda taraptar eki el arasyndaǵy yntymaqtastyqtyń jaı-kúıi men perspektıvalaryna qatysty keń aýqymdy máselelerdi talqylady. Sondaı-aq, óńirlik jáne halyqaralyq kún tártibiniń ózekti jaıttary jóninde de pikir almasty. «Men eń aldymen Vashıngtonda ótken kezdesý úshin arnaıy alǵys aıtqym keledi. О́ıtkeni, sol kezde ashyq túrde dıalog quryp, óte mańyzdy máselelerdi talqyladyq. Al endi bıylǵy jyly biz el Táýelsizdiginiń 25 jyldyǵyn atap ótýdemiz. Osy jyldar ishinde Qazaqstan men AQSh arasyndaǵy áriptestik qarym-qatynasqa erekshe kóńil bólindi. Atap aıtqanda, Obama myrza prezıdenttik etip otyrǵan qazirgi ýaqytta bizdiń baılanysymyz edáýir nyǵaıa tústi. Sondaı-aq, BUU Qaýipsizdik Keńesiniń turaqty emes músheligine Qazaqstannyń kandıdatýrasyn qoldaǵany úshin AQSh-qa aıryqsha alǵysymyzdy bildiremiz», – dedi G.Ábdiqalyqova. Kezdesýde Gúlshara Naýshaqyzy Vashıngtonda ótken Iаdrolyq qaýipsizdik jónindegi sammıtte Prezıdent N.Nazarbaevtyń «Álem. HHI ǵasyr» atty manı­fesin jarııalaǵanyna da toqtaldy. Aıta keteıik, Elbasy málimdegen mańyzdy qujatta dúnıe júzin ıadro­lyq qaterden qutqarý, ornyq­ty álem geografııasyn keńeıtý, áskerı bloktardy joıý jáne álemdik damýdyń túbegeıli jańa paradıgmalaryn ázirleý jónindegi naqty usynystar baıandalǵan bolatyn. «Búginde bul manıfest BUU-nyń Bas Assambleıasy men Qaýip­sizdik Keńesiniń resmı qujatyna aınaldy. AQSh sapary aıasynda jarııalanǵan manıfest qazir halyqaralyq sheńberde qol­daýǵa ıe bolyp otyr. Muny AQSh ta maquldaıdy degen úmittemiz», – dedi Memlekettik hatshy. Sonymen qatar, Gúlshara Naý­shaqyzy BUU Qaýipsizdik Keńe­si­niń turaqty emes múshe­ligine 2017-2018 jyldarǵa Qazaq­stan Res­­pýb­lıkasynyń kandı­da­týrasyn qol­da­ǵany úshin S.Sıýell­ge el atynan zor iltıpat, yqyla­symyzdy jet­kizdi. Budan keıin G.Ábdiqalyqova áńgime aýanyn Ortalyq Azııa elderi men AQSh syrtqy saıasat vedomstvolarynyń basshylary deńgeıindegi «S5+1» pishimindegi únqatysýǵa qaraı burdy. Qazaqstan mundaı deńgeıdegi pikir almasý alańyn qoldap, qýattaıtyndyǵyn atap ótken Memlekettik hatshy, bul bastama óńirimizdiń jahandyq ekonomıkalyq úderisterge kirigý jolyndaǵy Ortalyq Azııa memleketteri men AQSh arasyn­daǵy yntymaqtastyqtyń ózara tıimdi damýyna jaǵdaı jasaý kerektigine toqtaldy. Sondaı-aq, kezdesý aıasynda Qazaqstan Prezıdenti usynǵan Bes ınstıtýttyq reforma men «100 naqty qadam» Ult Jospary elimizde jańa ınstıtýttyq orta qalyptastyratyny aıtyldy. Osy kúnderi júzege asyrylyp jatqan «Nurly Jol» jáne Indýstrııalyq-ınnovasııalyq damý memlekettik baǵdarlamalary jóninde de jan-jaqty baıandaldy. G.Ábdiqalyqova oraıy kelgende AQSh Memlekettik hatshy­synyń orynbasary Sara Sıýelldi EKSPO-2017 kórmesiniń ashylý saltanatyna mártebeli meıman retinde qatysýǵa shaqyrdy. Sony­men qatar, AQSh kompanııalaryn kórmege belsendi qatysýǵa úndep, ol jerde «Astana» Halyqaralyq qarjy ortalyǵy ashylatynyn atap ótti. Bul rette spıker Qa­zaqstan tarapynyń Amerıka ın­ves­tısııalyq qorlary men kor­po­rasııalaryn tartýǵa múddeli ekendigin de eskerdi. Dinı ekstremızm men terrorızmge qarsy kúres pen qaýipsizdikti qamtamasyz etý máseleleri tóńireginde oı qozǵaǵan Gúlshara Naýshaqyzy osy baǵyttaǵy qyzmette Qazaqstan men AQSh tyǵyz qarym-qatynas jasaıtyndyǵyn aıtty. «Qazirgi ýaqytta Qazaqstan BUU Bas hatshysynyń ekstremızmge qarsy is-qımyl jospary boıynsha jumystardy belsendi júrgizýde. Osy rette bizdiń ózimizdiń ulttyq josparymyz bar. Sol sııaqty, terrorızmge qarsy arnaıy top qyzmet etýde. Meniń oıymsha, bul baǵyttaǵy birlesken jospar, jobalardyń júzege asyrylýy jalǵasyn taba túsetin bolady», – dedi Memlekettik hatshy. Nurlybek DOSYBAI, «Egemen Qazaqstan» Sýretti túsirgen Erlan OMAROV