Bilim jáne ǵylym mınıstrliginiń jaýapty hatshysy Ámirhan Rahymjanov jumys saparymen Qorqyt Ata atyndaǵy Qyzylorda memlekettik ýnıversıtetinde bolyp, birqatar nysandardy aralady. Bul týraly atalǵan ýnıversıtettiń baspasóz qyzmeti habarlady.
Jaýapty hatshy aldymen oqý ornynyń «Arheologııa jáne etnografııa» ǵylymı-zertteý ortalyǵynyń kórme zalynda aıaldap, Syr óńirindegi arheologııalyq jáne tarıhı-mádenı eskertkishterdiń zerttelý tarıhymen tanysty. О́lkede órkendegen arheologııalyq mádenıetterge baılanysty daıyndalǵan arnaıy taqyryptyq stendter men qazba jumystary nátıjesinde tabylǵan jádigerlerdi aralap kórdi. Sonymen qatar, «Elbasy jáne Táýelsiz Qazaqstan» oqý-kórme zaly, «Fızıka-hımııalyq taldaý ádisteri» ınjenerlik beıindegi zerthana men murajaıdy aralap, materıaldyq-tehnıkalyq bazasymen, ýnıversıtet ǵalymdarynyń ǵylymı jobalarymen tanysty.
О́z kezeginde ýnıversıtet rektory, tehnıka ǵylymdarynyń doktory, professor Qylyshbaı Bısenov ýnıversıtettiń mıssııasy, bilim berý qyzmeti men ǵylymı áleýeti jáne halyqaralyq baılanysy jóninde baıandap berdi.
Munan soń atalǵan mınıstrlik ókili oqý ordasynyń oqytýshy quramymen kezdesip, bilim berý baǵytyndaǵy ózekti máselelerdi talqylady.
Talǵat RAIYMBEK
