Foto: Ashyq derekkóz
Densaýlyq saqtaý mınıstrliginiń málimetinshe, sońǵy aptada qyzylshanyń 212 jaǵdaıy tirkelgen, al onyń aldyndaǵy aptada bul kórsetkish 302 bolǵan. Bul epıdemıologııalyq ahýaldyń birtindep turaqtanyp kele jatqanyn kórsetedi.
О́ńirler bólinisinde eń kóp jaǵdaı Astana qalasynda – 46, Pavlodar oblysynda – 38, Almaty qalasynda – 20, Qaraǵandy oblysynda 19 jaǵdaı tirkelgen.
2025 jyldyń qorytyndysy boıynsha elde 4 240 jaǵdaı anyqtalǵan. Onyń ishinde 76,4%-y ekpe almaǵan azamattarǵa tıesili. Ekpe almaǵandardyń arasynda balalardyń úlesi basym – buǵan ata-analardyń ekpeden bas tartýy, medısınalyq qarsy kórsetilimder nemese jas ereksheligi sebep bolyp otyr.
Balalardy qyzylshadan qalaı qorǵaý kerek? Dáriger keńesine nazar aýdaryńyz
Jyl basynan beri josparly vaksınasııalaý jalǵasyp jatyr. Qazirgi tańda 1 jastaǵy 69 myń bala jáne 6 jastaǵy 66,8 myń bala ekpe alǵan. Sonymen qatar, qosymsha ımmýndaý aıasynda shamamen 1,5 mln adam qamtyldy.
Budan bólek, tolyqtyrýshy ımmýndaý júrgizilip jatyr – jyl basynan beri 18 jasqa deıingi 58,2 myń bala men jasóspirim vaksınasııalanǵan.
Jalpy, elimizdegi epıdemıologııalyq jaǵdaı turaqty baqylaýda tur. Mamandar qyzylshanyń aldyn alýdyń eń tıimdi joly vaksınasııa ekenin taǵy da eske salady.
