Tabıǵattyń tylsym qubylysyn kórgende tańǵalmasqa sharań joq. Máselen, Astanadaǵy Erjan esimdi turǵynnyń baqshasyndaǵy jemisi pisýge taıaǵan alma aǵashy taǵy gúldegen.
Baǵbannyń aıtýynsha, jemis aǵashynyń 1 jylda eki ret gúldeýi buryn sońdy kezdespegen dúnıe. Ol: «Bul men úshin kútpegen oqıǵa boldy. Alma aǵashyn 7-8 jyl buryn ózim otyrǵyzǵan edim», – deıdi.
Bul qubylys alma aǵashyn býdandastyrýdan boldy ma, joq basqa syry bar ma, ázirge belgisiz. Qalaı bolǵanda da, jazy qysqa ári salqyndaý keletin Astanada alma aǵashynyń eki ret gúldeýi tańdanarlyq jaǵdaı. Munyń sebebin aldaǵy ýaqytta ǵalymdar anyqtap jatsa, "Egemen-aqparat" oqyrmandaryn mindetti túrde habardar etedi.
Talǵat RAIYMBEK
