Turǵyn úı sharýashylyǵyn basqarýshylardy oqytady

«Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ turǵyn úı-kommýnaldyq sharýashylyǵy salasynda qyzmet etip júrgen qyzmetkerler men jumysshylardyń bilimi men biligin kóterýdi qolǵa almaq. Mundaǵy maqsat turǵyn úı qoryn, turǵyn úı-kommý­naldyq sharýashylyǵyn jań­ǵyrtý, turǵyn úılerge kúr­deli jóndeý júrgizý, turǵyn úı salasyndaǵy energııa únemdeýdiń tıimdiligin arttyrý bolyp otyr. Atalǵan orta­lyqtyń Nasıhat jáne bilim taratý departamentiniń bas menedjeri Gaýhar Taıjanova bıyl atalǵan kýrstarǵa 1975 adam tartylatynyn aıtady. «Ulttyq ekonomıka mı­nıstrliginiń Qurylys jáne turǵyn úı-kommýnaldyq sharýa­shylyǵy isteri komıteti janyndaǵy «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ 2013 jyldan beri Turǵyn úı sharýashylyǵy salasyndaǵy mamandar biliktiligin arttyrý baǵdarlamasy aıasynda úsh kúndik, bes kúndik jáne on kún­dik kýrstardy ótkizip keledi. Biliktilik arttyrý kýrs­tarynda turǵyn úılerdegi energııa únemdeý tehnologııa­laryn qoldaný, turǵyn úı sharýashylyǵyndaǵy energomenedjment, energoaý­dıt týraly aıtamyz. Bul kýrstarǵa osy salada eńbek etip júrgen kadrlar túgel tar­tylady. Olardyń arasynda memlekettik qyzmetkerler de, PIK ókilderi de bar. Al «Turǵyn úı-kommýnaldyq sharýa­shylyǵyn basqarýdyń tıimdi ádisterin qoldaný, ınnovasııa men energııa únemdeý tehnologııasyn engizý negizinde damytý» dep atalatyn aımaqtyq konferensııamyzǵa joǵarǵy oqý oryndary men ǵylymı-zertteý ınstıtýttarynyń ǵalymdary, salalyq qaýym­dastyqtar men birlestik ókil­deri de shaqyrylady», – deıdi G.Taıjanova.