Jańa Ata zańdaǵy áleýmettik quqyqtar men kepildikter týraly zańger Azamat Ramazan sóz qozǵady. Onyń aıtýynsha, buǵan deıin shıkizattyq resýrstarǵa baǵdarlanǵan qazaqstandyq ekonomıkalyq model endi bilimge, ıntellektke jáne adamı kapıtaldy damytýǵa baǵyttalǵan úlgige kóship jatyr. Sondaı-aq azamattardyń eńbek etý quqyǵyn qorǵaýǵa basymdyq berilgenin atap ótti.
«Eldiń basty baılyǵy retinde joǵary zııatkerlik jáne kásibı deńgeıi bar azamattar qarastyrylady», dedi Azamat Ramazan.
Qazaqstan Halyq partııasynyń belsendisi, jobalyq kompanııanyń jetekshisi Naılıa Appasova ekologııalyq ádilettilik pen bolashaq urpaq aldyndaǵy jaýapkershilik máselesine nazar aýdardy. Ol QHP bastamashy bolǵan Konstıtýsııa normasyn eske saldy. Atalǵan normaǵa sáıkes, jer qoınaýy, sý, paıdaly qazbalar, sondaı-aq ósimdikter men janýarlar dúnıesi halyqqa tıesili. Al memleket bul resýrstardy tek basqarýdy júzege asyrady.
«Qolaıly qorshaǵan ortaǵa quqyq adamnyń ómiri men densaýlyǵyna tikeleı áser etedi. Iаǵnı ekologııalyq ahýaldy saqtaý áleýmettik máselelermen tikeleı baılanysty», dep atap ótti Appasova.
Saıasattanýshy, «Eýrazııalyq monıtorıng» Ortalyq Azııa zertteýler ınstıtýtynyń dırektory Álibek Tájibaev jańa Konstıtýsııa jobasyn jańa sıfrlyq dáýirdiń qujaty dep atady. Onyń aıtýynsha, bul qujatta adam quqyqtaryn qorǵaý tabıǵı ómir súrý ortasymen shektelmeı, sıfrlyq keńistikke de taralady.
«Konstıtýsııaǵa sıfrlyq quqyqtardy engizý Qazaqstannyń damýynyń jańa kezeńine ótkenin ǵana kórsetpeıdi. Sıfrlyq quqyqtar – biz aıtyp júrgen tabıǵı negizgi bostandyqtardyń jalǵasy», dedi Álibek Tájibaev.
Jańa Konstıtýsııa: Aqmola oblysynyń turǵyndary ózderin tolǵandyrǵan suraqtaryn qoıdy
Kezdesýdi qorytyndylaǵan is-shara moderatory, sarapshy Sultanbek Qudabaı áleýmettik ádilettilik adam men azamattyń ómir súrýiniń barlyq salasyna áýel bastan taralýy tıis ekenin atap ótti.
