Ortasha deńgeıdegi qaýip Qostanaı, Batys Qazaqstan, Aqtóbe, Pavlodar, Túrkistan, Almaty oblystary men Jetisý jáne Ulytaý óńirlerinde tirkelgen. Al eń tómen qaýip Atyraý, Mańǵystaý, Qyzylorda jáne Jambyl oblystarynda baıqalady. Bul boljamdardy «Qazgıdromet» RMK jarııaldy.
Tótenshe jaǵdaılar mınıstrliginde bul boljamdar jumysqa alynǵanymen, eldegi sý tasqynyna qarsy daıyndyq sharalary jaz-kúz kezeńinen bastap júrgizilip keledi.
Mınıstrliktiń habarlaýynsha, qorǵaý bógetterin nyǵaıtý, sý ótkizgish qubyrlardy ornatý jáne ózen arnalaryn tazalaý jumystary tolyq kólemde jalǵasyp jatyr.
Sý tasqynyn joıýǵa arnalǵan kúshter men quraldar toptamasy 39 myńnan astam adam men 12 myń birlikten astam tehnıkadan quralǵan.
Áýeden barlaý: Shyǵys Qazaqstandaǵy sý tasqyny qaýpi bar aımaqtar tekserildi
«800 km-den astam qorǵanysh bógetteri salyndy, 1000 km-den astam drenaj júıeleri men aryqtar jóndeldi, avtomobıl joldaryna 900-den astam sý ótkizgish qurylystar ornatyldy. О́zen ýchaskelerinde shamamen 166 km arnalardy tereńdetý, 255 km jaǵalaýdy bekitý, 221 km túzetý jáne 172 km ózen arnalaryn tazalaý jumystary júrgizildi», dedi Tótenshe jaǵdaılardy aldyn alý komıtetiniń bas mamany Aıjas Sabyrjan.
