Almaty qalalyq soty baspasóz qyzmetiniń málimetinshe, apellıasııalyq ınstansııa birinshi satydaǵy sot úkimin ózgerissiz qaldyrdy.
«Almaty qalalyq sotynda is boıynsha apellıasııalyq shaǵym qaraldy. Qylmystyq ister jónindegi sot alqasy úkimdi ózgertýge negiz tappady. Birinshi satydaǵy sottyń sheshimi kúshinde qaldy», dep habarlady sotta.
Qaýly jarııalanǵan sátten bastap zańdy kúshine enedi. Ony kassasııalyq tártippen bir jyl ishinde shaǵymdanýǵa nemese narazylyq bildirýge bolady.
Eske salsaq, 2025 jylǵy qarashada Almaty qalasynyń Túrksib aýdandyq soty Bek Air áýe kompanııasy ushaǵynyń apatyna qatysty is boıynsha úkim shyǵarǵan. Is boıynsha aıyptalýshylar retinde áýe kemesiniń ushqyshtary – Marat Murataev pen Mırjan Muldaqulov tanyldy. Ekeýi de áýe apatynda qaza tapqan.
Olarǵa Qazaqstan Respýblıkasy Qylmystyq kodeksiniń 344-baby 3-bóligi («Áýe kóligin paıdalaný nemese qozǵalys qaýipsizdigi qaǵıdalaryn buzý, abaısyzda eki nemese odan da kóp adamnyń ólimine ákep soqqan áreket») boıynsha aıyp taǵylǵan. Sot ushqyshtardy kináli dep tanydy, alaıda olardyń qaıtys bolýyna baılanysty qylmystyq jaza taǵaıyndalmady.
2019 jyly áýe apatynan qaza tapqan Bek Air ushqyshtaryna sot úkimi shyqty
2019 jylǵy 27 jeltoqsanda Almaty – Astana baǵyty boıynsha ushqan «Bek Air» áýe kompanııasynyń ushaǵy ushyp kóterilý kezinde bıiktigin joǵaltyp, beton qorshaýdy buzyp ótken, keıin eki qabatty ǵımaratpen soqtyǵysqan. Apat saldarynan 12 adam qaza taýyp, 69 adam jaraqat aldy.
Bek Air avıakompanııasynyń paıdalanýshy jáne ushý jaramdylyǵy sertıfıkattary toqtatyldy
