Qytaı – birinshi, Úndistan – ekinshi
Qytaı 2026 jyly jahandyq naqty ishki jalpy ósiminiń 26,6%-yn qamtamasyz etedi. El ekonomıkasy 4,2%-ǵa ulǵaıady dep kútiledi. О́sim qarqyny burynǵy jyldarmen salystyrǵanda baıaýlaǵanymen, Qytaı ekonomıkasynyń kólemi úlken bolǵandyqtan, onyń álemdik ósimdegi róli basym.
Úndistan 6,2% ósimmen ekinshi orynda tur. Onyń jahandyq ósimge qosatyn úlesi – 17%. Eki el birigip, 2026 jylǵy álemdik ekonomıkalyq ósimniń 43%-dan astamyn qamtamasyz etedi. Bul – jahandyq ekonomıkalyq ortalyqtyń Azııaǵa qaraı yǵysqanyn ańǵartady.
AQSh pen Eýropa: ósim bar, qarqyn baıaý
Damyǵan memleketter arasynda eń iri úles AQSh-qa tıesili. 2026 jyly Amerıka ekonomıkasy 2,1%-ǵa ósip, jahandyq ósimniń 9,9%-yn beredi.
Eýropanyń jıyntyq úlesi 9,5% shamasynda. Germanııa, Fransııa, Italııa, Ispanııa sekildi elder úles qosqanymen, halyq sanynyń qartaıýy men qarjy jaǵdaıynyń qataıýy aımaqtyń ekonomıkalyq belsendiligin tejep otyr.
Damýshy naryqtar kúsheıip keledi
Alǵashqy ondyqqa Indonezııa, Túrkııa, Saýd Arabııasy, Mysyr, Vetnam, Brazılııa jáne Nıgerııa kirdi. Bul elder 3,7%-dan 5,6%-ǵa deıin ósim kórsetedi dep kútilýde. Iаǵnı damýshy ekonomıkalar jahandyq ósimniń mańyzdy bóligine aınaldy.
Qazaqstannyń orny qandaı?
Qazaqstan 2026 jyly 4,8% ósim kórsetedi degen boljam bar. Eldiń jahandyq ósimdegi úlesi – 0,7%. Kórsetkish iri ekonomıkalarmen salystyrǵanda shaǵyn bolǵanymen, aımaqtyq deńgeıde bul mańyzdy dınamıka.
2026 jylǵy jahandyq naqty JIО́ ósimine úles qosatyn alǵashqy 30 el (reıtıng):
- Qytaı – 26,6%
- Úndistan – 17,0%
- AQSh – 9,9%
- Indonezııa – 3,8%
- Túrkııa – 2,2%
- Saýd Arabııasy – 1,7%
- Mysyr – 1,7%
- Vetnam – 1,6%
- Brazılııa – 1,5%
- Nıgerııa – 1,5%
- Bangladesh – 1,3%
- Fılıppın – 1,3%
- Reseı – 1,1%
- Polsha – 1,0%
- Germanııa – 0,9%
- Ulybrıtanııa – 0,9%
- Pákistan – 0,9%
- Malaızııa – 0,9%
- Argentına – 0,9%
- Ispanııa – 0,9%
- Ońtústik Koreıa – 0,9%
- Meksıka – 0,8%
- Qazaqstan – 0,7%
- BAÁ – 0,7%
- Japonııa – 0,6%
- Fransııa – 0,6%
- Kanada – 0,6%
- Taıvan – 0,6%
- Avstralııa – 0,6%
- Italııa – 0,5%
