О́z ónimderimizdi ǵana satatyn ortalyq

Qaraǵandy qalasynda Qazaqstan Respýblıkasy Jeńil ónerkásip ónimderin óndirýshiler odaǵynyń bastamasy boıynsha otandyq ónimderdi satý ortalyǵy – «ÝnıverMAG.kz» dúkeni ashyldy. Bul jobaǵa Qaraǵandy oblysy ákimdiginiń de jan-jaqty qoldaý kórsetkendigin aıta ketken jón. Jalpy, uıymdastyrýshylar jańa joba elimizdiń túkpir-túkpirindegi taýar óndirýshilerdiń basyn biriktirip, tyń ıdeıalardyń týyndaýyna jáne jańa óndiris oryndarynyń ashylýyna ıgi yqpalyn tıgizedi dep esep­teı­di. Al budan otandyq taýar óndirisiniń utpasa, utylmaıtyny aıdan anyq. «Qazaqstandikin satyp al» jáne «Qazaqstanda jasalǵan» brendteri boıynsha otandyq taýar óndirýshilerge arnalǵan bólek alań dúnıege keldi. Endi bizdiń ón­dirýshiler oblys turǵyndaryna sapasy jaǵynan ımporttyq taýarlardan bir de kem emes óz ónim­derin emin-er­kin usyna ­alady. Bul saýda-sattyq ortalyǵy ǵana emes, shyn má­nisinde básekelestikti da­my­týǵa, turǵyndardy qol­jetimdi baǵa qoıylǵan taýar­larmen qamtamasyz etýge, otan­dyq jáne jergilikti taýar óndi­rýshilerdiń tanymaldyǵyn arttyrýǵa sep­tigin tıgizetin Qazaq­stan je­ńil ónerkásip óndirýshileri bir­lestiginiń ortalyǵy», dep atap ótti dúkenniń ashylý rási­mine qatys­qan óńir basshysy Nurmu­ham­­­­bet Ábdibekov. Jańadan ashylǵan bul dú­kende tutynýshylar kıim-keshektiń alýan túrin taba alady. Mysaly, balalar kıiminen bastap erler men áıelderdiń isker kıimderine deıin sórede syqyp tur. Sonymen qatar, bul jerde sapaly aıaqkıimder, bas kıimder, shulyq ónimderi jáne sporttyq kıimder de kóptep qoıylǵan. Eske salar bolsaq, otandyq taýardy satýmen aınalysatyn bul dúken Qazaqstanda paıdalanýǵa berilgen ekinshi, al Qaraǵandy oblysyndaǵy tuńǵysh saýda ortalyǵy. Qaırat ÁBILDINOV, «Egemen Qazaqstan» QARAǴANDY